العودة   روايات 2 > ~~ اقرأ أونلاين ~~ > قصائد كبار الشعراء > العصر الحديث > الشعر بالعامية

آخر 10 مشاركات
برنامج تشغيل الملتيميديا The KMPlayer 3.8.0.123 Final آخر إصدار           »          جناح الذل           »          "الهــول " كاملة..بقلم د / أحمد خالد توفيق           »          د/ أحمد خالد توفيق يكتب: .. صار هذا مملاً.           »          تجميعه لاجمل العاب الاندرويد بتحديثات Games Pack April 2014           »          ركب صورك واضف عليها تأثيرات مع برنامج Pho.to Lab           »          اقوي العاب الاكشن والرعب The Elder Scrolls V Skyrim           »          مضخم الصوت رقم واحد عالميا DFX Audio Enhancer v 11.113 باخر اصدار           »          مشغل الميديا العملاق الغنى عن التعريف DivX Plus 10.2 Build 10.2.0.185           »          برنامج لاضافة اجمل التأثيرات على الويب WebcamMax 7.8.2.8

إضافة رد
 
أدوات الموضوع انواع عرض الموضوع
  #1  
قديم 07-12-2008, 09:20 PM
الصورة الرمزية ramy wasel
ramy wasel ramy wasel غير متواجد حالياً
VIP

مشرف مميز  


/ قيمة النقطة: 10

المشرف المميز  


/ قيمة النقطة: 10

المشرف المميز  


/ قيمة النقطة: 20

الموضوع المميز  


/ قيمة النقطة: 10
 
تاريخ التسجيل: Aug 2008
الدولة: egypt
النوع: ذكر
المشاركات: 3,499
نقاط التقييم : 407
افتراضي شعر ايمان بكرى (20 قصيده)







البغبغان


آخر بيان للبغبغان اللي ف بلاد العم سام كان بهبهون مافهمناهوش
بعبع وقال بُقين كلام والمعني إيه ماعرفناهوش
معقول يكون البغبغان اللي تبغبغ من زمان صماويل جنابه اتلخلخوا
طول عمره سايق في الجنان والعقل عامل شقلبان قام جاب له أورطة يمغمغوا
عملوا وطن من غير بيبان اتملكوا فيه الغيلان
ووطن جعان ازاي ينام والطمعجية ف خيره ناموا وأنتخوا
والبغبغان يكره يموت يسمع سكوت المخروسين
إن قلت بم قفاك يرن عليه أيادي المحروسين
بيجرجروك أنت وذووك زي الخروف ويسمعوك يادي الكسوف لستة كلام !! ماأبوخه
والبغبغان اللي تبغبغ كل من قرب حداه اتبغبغوا
جوم طرمخوا ع الطرمخان واللي يطرمخ يبسطه وينغنغو
وف مجلس البغابيغ بنلقي البغبغان قاعد يبغبغ بالكلام يضحك وهما يسخسخوا
ماتقلش يعني البغبغان اللي ف بلاد الألعبان هوا اللي كان بيزغزغو
إلهي يهدي البغبغان واللي تبغبغ يوم معاه تقصف رقبته ودغدغو
وإلهي يوم المعمعان ألقاه هناك وكتير معاه م البغابيغ اللي افتروا يوم أو بغوا

ياخلق لأو اللأه قوموا اتلحلحوا
شوفوا الكلاب !! حتي الكلاب لو شافوا يوم واحد حرامي بينبحوا
وانتو اللي مسروق عمركم
وانتوا اللي ضايع حلمكم
ولا حتي يوم تتلحلحوا
ونصيحتي ليكم تروحوا
سبحانه من حكم عليكو البغبغان
تستاهلو ميت مليون كمان
وان شفتم مرة بغابيغ جايين عشان يبغبغوكم
اتبغبغوا
اتبغبغوا





النساء و منصب الوزارة



قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات
بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحده يختشي..وينزل صويت وعياط
يا اهل العلام والادب
اقروا التاريخ اللي انكتب..فوق الطريق علامات
كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا
جه في الطريق واختفى .. ولهف وراه ألوفات
قصر الكلام يتقال .. مين فيهم اللي يفيد
مش مسالة عضلات
وساعات كتير ستات بيكونوا رجالة
ورجال بطبع النسا
وطالعلهم شنبات






أحنا معــاك يا ريس قبطان


ياشــايل هموم النـــــاس مين يشــــيل همــك
تقول كــلمة الحق من غير خوف ولا يهـمــك
تقــف ويا الــناس فى الحق حتى امام عمـــك
قلبك ما يعرفش الخوف والستر من دعا امك
يا مبحــر غــرب الشرق وجنوبك الــــوادى
فاض بيا الكيل والصبرفى الصــدر بيــنادى
يدوب سترنا المــولى وضــاقت على ولادى
يعــز عليا ارحل واتغرب ولا جوع فى بلادى

يا عــم ياللى تبيع الصـبر صـبرك بقــى مــر
منــين نــجيب نــاس تــكتب والزمــن بيمــر
بــلدنا بقت معــتقل كــبير اليه الناس تنجـــر
يكـــبلوك بالسلاسل لـو عـــرفوا انــك حـــر
كسبنا الصلاه على النبى ودخــلنا حلقة ذكــر
مــنين يجــينا الفقـــر ومنــين يجـــينا الرزق
بأقـــامة الصــلاه والســعى ودعــاء و ذكــر
ولا بسلام مربع لدينا ولوسى وكل هزه وسط






دستور‎ ‎


دستور يا اخوانا يا بعدا‎
لأ سوري دستور م البعدا‎

محبوس حابس يا سيادنا‎
و بكاكي من فوق مدنة‎

و ورايا ديوك بيكاكو‎
حرصوا عالباقي معاكو‎

بركة مولانا هولاكو‎
حلت و علينا اللعنة‎

طرطور طرطر طراطير‎
بيغيروا فالدساتير‎

و لا عاد في الحتة كبير‎
و يا وارث تورث مين‎

ما الورث إتباع و إتبعنا‎
نرجع تاني لموضوعنا‎

و بيان لديار الإفتا‎
من جمهورية زفتا‎

لِعبو و عملوها إستفتا‎
صوت ياللي سامعنا‎

و قوللي ملك ولا كتابة‎
أسد شبل ف الغابة‎

و أحلف وحياة راس بابا‎
زفة فمولد كدابة‎

و الله يجازي اللي خدعنا‎
للجوكر ألف تحية


ملعون خاش الحرية‎
يحيا قانون العبودية‎

و القوانين الوضعية‎
و الحكومات الشمولية‎

لها مني ألف تحية‎
وحِياة أمي دي رجعية‎

و لو صوتنا و جَعجَعنا‎
واحد ولافيش غيره هوه‎

قاعد متربع جوة‎
و بكيفك أو بالقوة‎

لو سوبر مان و فتوة‎
روح قٌله بقى يودعنا‎

عصابات شغل فتوات‎
و استعباط على حركات‎

و السقا أبوه لو مات‎
حيقوم يسقي الشربات‎

و يكمل على مواجعنا‎
مزيكة و تَرَابَاتَّتو‎

و نفديك بالدم.. إفدوه‎
بس إحنا و رحمة أبوه‎

مين ده اللي حَيلوي دراعنا‎
روح هاتلي لمون بالصودا‎

انا حاسة بريحة شوطة‎
حيصعدوا فصل الروضة‎

و الورث حيصبح موضة‎
لم الجدعان و اتبعنا‎

على قهوة ساقية مكي‎
نصرخ نلطم و حنبكي‎

ده ناويها و بيتكتكلي‎
قبل ما حتى يودعنا‎

زقطَطُوا يا عيال قولوا هييه‎
الحكم صبح تيك أواي‎

لو عايز قول أوكيه‎
و لو رافض قول أوكيه‎

في كلا الحالتين نوو واي‏‎
غير كودية و زار ينفعنا‎

لأنا عايزة بخور م الجاوي‎
و حمار أرمل و حصاوي‎

و دراع برغوت مش غاوي‎
تنطيط عفريت و مخاوي‎

شلة مقاطيع يقطعنا‎
حابس من شر الكرسي‎

من شر عزيزة و مرسي‎
من قرص النمل الفارسي‎

م الأحياء و الأموات‎
من كايرو إلى بغداد‎

أشتات أشتوت أشتات‎
حرصوا من لعب السيكا‎

م الحكشة و م البولوتيكا‎
و لا تشمت يومًا فيكا‎

مارشيل بنت أم ماريكا‎
قول حاجة الله يهديكا‎

و ادعي معايا يخليكا‎
حِلُّوا بقى عن أوجاعنا‎

و انصرفوا عليكوا اللعنة‎
انصرفوا عليكوا اللعنة






سـلام مربـع


للي ربّع
او مدوّر
للي دوّر
في البلد دي ع الأمانـي
سـلام مربـع للأمانـي
وجمهورية كانـي مانـي
ولنظامها البرلمانـي
سـلام مربـع للكبير اللي استربّع
فوق دماغ مشّش و صدّع
من كـلام عمال بيرسم
دنـيا حلوة فـ الأغانـي
سـلام مربـع للأغانـي


سـلام و داير ع الصوانـي
كـلام و ماشي في ديل كـلام
ولحن تايه في الزحام
غنّى النظام علشان ننام على صوته
نمنا ما قومنا تانـي
سـلام مربـع للي ناموا ماقاموا تانـي
اللي طافوا واللي خافوا
واللي شد عليه لحافُه
وغمّى عينه ع اللي شافه
و راح يقدم للي كمم صوتنا
ولابنه التهانـي
سـلام مربـع للتهانـي


ابن وز وغصب عنا في نيل هوانا
سوا برضانا او المهانه
راح يعوم
ابن حاكم يبقي حاكم
بالوفاق او بالمحاكم
في القانون المستحيل لازم يهون
والوريث يصبح رئيس
بشكل شرعي و فـ ثوانـي
سـلام مربـع للثوانـي



تشريعات على كيف هواهم شرّعوها
وعود قالوها و ضيّعوها
و لعبة بايخة اتعودوها
ناس بترضى وناس بتخضع
ناس مُناها تحب تسمع
يبقى تسمع على مزاج
خطبة تخلق الف مصنع
خطبة تروي و خطبة تشبـع
خطبة تبنـي
فوق رمال الصحرا ألَفات المبانـي
سـلام مربـع للي بانـي


بانـي مجد عشان طموح
مجـروح جمـوح
ظالـم أنانـي
اللي علّى لاجل يعلا
واللي غنّى لاجل يغنا
واللي لما وريده يعطش
يملا بدمانا القنانـي
واللي عمّر واللي دمّر
واللي فكّك واللي سمّر
واللي حزّر واللي فزر
واللي عارض واللي هزّر
واللي شاف الباشا مصلح
واللي شافه وضيع وجانـي
سـلام مربـع للي جانـي


شيء يحزّن
لما صاحب الحق يشحت
لما لون الصدق يبهـت
لما يصبح في البلد دي
الشمال زي اليمين
شيء يحزّن.. شيء يحزّن
لما نرضى و نستكين
و لما يرقص طول السنـين
أراجوز لعيـن
بشكل سافر بهلوانـي
قال هوانـي.. وزاد هوانـي


سـلام مربـّع
للي قال انه هوانـي
وزاد هوانـي
للوعود البهلوانـي
للوريث المعجبانـي
للنظام البرلماني الكاني ماني


سـلام مربـع
للي قطّع واللي ربّع
و اللي مزّع و اللي وزّع
و اللي قلّع و اللي ولّع
و اللي دلّع..
و اللي شخلع في البلد دي
لاجل تبقي
صورة أفظع
للنظام الامريكانـي
سـلام مربـع
للنظام المصر كانـي







قصيدة ديك دا طور



ايها السادة اللى مش سادة
اليكم نشرة الهم المعادة
فى حديث خاص لاذاعة هس هس العالمية
صرح الوالى المعظم من ولاية ننا ننا
للولاية بتاعنا احنا
اللى عارف كل حاجة
واللى فاهم كل حاجة
والى مش محتاج لحاجة
الا لشوية عزيمة على حبة من ارادة
بس عايزين الصراحة
كان حديثة نيلة خالص
سورى عفوا
كان حديثة حلو خالص
والمذيعة حلوة خالص
والكلام كان حلو خالص
بس كان هايس ولا يص
خدنا فيه الساعتين بطوله
مش لاقى حاجة يقوله
واللى بيقوله يعيده واللى بيعيده يقوله
خلت العثمان بتاعنا عقله خلبت خلطة بيطة
قاله يخرب بيت ابوكى قولى حاجة يا مصيبة
انتى ويانا عليهم ولا وياهم علينا
تنح المذكور وقاله يا بلاوى افهمونى
انا طول عمرى حيادى
اعشق اللون الرمادى
بس فكرى كان ضرورى يكون احادى
زى فكر الى جبونى كان ضرورى يكون احادى
قالع عفوا يا عظمتك يعنى قصدك ديكتاتور
قاله ديك ده اللى قصادك
ولا طور
قاله ديك
قاله يبقى انت اللى طور






كلنا بنحبك يا حمار



بيقولوا في مطرب مكار...بيغني بحبك يا حمار
الواد ده وصولي وكداب..ومنافق وكمان نعار
وإشمعنى لوحده اللي يحبك...كلنا بنحبك يا حمار
ده لأنك فعلا متفاهم... ومبرطع فينا ومش فاهم
وبتبعد عن أي تفاهم .. بعزيمة غبية وإصرار
العِشرة ما بينا ما بتهونشي..وإن هانت..برضو ما نقدرشي
محكمة العدل ما تحكمشي..وإن حكمت.. هتولع نار
مثلتوا علينا الثلاثية.. وبطولة وكانت جماعية
وعشان ما تكمل سداسية..عملتوا ألف حصار وحصار
وفي وسط ميدان الحرية..فيه شعلة مسكاها وليّة
متكنش دي ليزا المخفية..مدية إشارة إنذار
وعلى العموم أنا حبيتك
وإلهي يا بعيد يخرب بيتك
لو يوم هتشُك في إخلاصي..وتصدق ده من الأشرار
هو سؤال ومافيهش هزار....هو أنت يعني حمار يا حمار
علشان تصدق إن الفار.. ممكن يقول لأسد يا حمار
وبعاهدك والعهد أمانه..هتّنَّك على طول ويانا
حمورية أهلك عجبانا..يا واخدنا من الدار للنار
كل الحميره هنا عملت سين...واتفقت انك بغل عظيم
هيوزعوا شربات برسيم ...علي العربخاني وعلي الزوار
أنا مش حمّار هتخاف مني
مانا برضو حمار وأحمر منك
ما تنهق..قول أي حوار
بنقولك شيي..ما بتمشيشي....والح ااا..بنقولها ما بتجيشي
ونقولك هيييسس...ما بتهيسش..ومكمل بينا المشوار
وعلشان كده إحنا إخترناك..وعلى حياتنا إستئمناك
ولا يوم هيجي يفرقنا...وهنفضل دايما وياك






ما فيش حاجه



مافيش حاجه
مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة
عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه






مقتطفات



جاء يسعى شهريار اليوم لي
يبتغى منى حديثا أو جوار
لاح طيفا بارقا عبر الرؤى
فعلا وجه الدجى نور ونار
قال: هاتى أسمعيني قصة
أو تكوني تحت قيدي في سوار
غنني يا شهر هيا أفصحى
ولتزيحي عن حكاياك الستار
تمتم الدمع على خد الأسى
قد كفاني اليوم قهرا أو حصار
تسل قلبي الحكايا إنني
شهر زاد العصر ما عندي حوار
فالحكايا في حنايا قد غفت
في سبات لا يمل الانتظار
وغدا قلبي كلحن صامت
ورنين الخفق يعلوه الغبار
ذكريات هائمات ها هنا
في قضاء الصدر ينشدن الفرار
والأماني العذاب استسلمت
وتوارت وهى تشكو الاحتضار
فلتدع قلبا بكت دقاته
في سكون الليل شوقا للنهار
قد سئمت القول فأصفح سيدي
عفوك اليوم أريد الاعتذار
أو فناد الجند الجند والسياف لي
لن أهاب اليوم حكما أو قرارا






قاعد ستات


وقعنى حظى العفش
فى قعدة ستاتى
نسوان كمالة عدد
وعقلهم فاضى
مغيرين طبعهم
وملونين وشهم
واللحمة من عزهم
بمبة بلون خدهم
عنابى يا أخواتى
عايشين ومش عايشين
وعرايا مش لابسين
وكل شىء عندهم
ماشى وشىء عادى
الره قالوها غين
والنشأة أبصر فين
ولكل واحد جوز
جنتل قوى وكلبوظ
بدلعه دادى
واللى يشوف كدبهم
حيبان له من شكلهم
إن البعيد جدهم
كان أصله قرداتى
راكبين شبح وعيون
ومعلقين محمول
سارحوا وسايبين طور
فى البيت قاعد مسطول
ع الحال ده ليلاتى
وعيالهم المساكين
تاهوا مع التايهين
ومدمنين هيروين
نص النهار نايمين
والسهرة فى الدفيليه
والديسكو والنادى
عاملين لى جمعيات
اشى سيدات أعمال
واشى سيدات رأس مال
وشى ايشى بالمجان
والبلوه ف الآتى
فى كل لحظة تشوف
واحدة بقوام ملفوف
جره فى ايدها خروف
مجهود لكن ذاتى
بعقول مخاصمه النور
كتبت يفط بتقول
على وشها الملعون
احنا فرى وسبور
ونظامنا خوجاتى
توب الحيا مقلوع
والقعدة ف الممنوع
لو كنت ألاقى دموع
لابكى بصوت مسموع
واختمها بصواتى
يا بؤرة المجتمع
انس وشيطان اجتمع
زيدوا كمان ف الدلع
مات فيكوا حس السمع
على ايه بقى نهاتى
بزنس ع المكشوف
ولا عدش فيها كسوف
وتعالى عاين شوف
آه لو أكون مسئول
أو كنت يوم قاضى
لحكم عليهم أنا
بالسجن خمسين سنه
واللى على ذمته
إعدام علشان حضرته
على خيبته كان ماضى
يا دى المرار والقلق
صوتى يا خلق اتخنق
رجاله صبحت ورق
شنبات وع الفاضى
يا أهل الأصول والقول
اصحوا بقى م النوم
ده الشرع والمعقول
بيزين طباع وعقول
يا خسارة يا بلادى
عايزه شوية حمم
علًى ماليهم ذمم
بيلبسونا العمم
أولاد أبالسه ورمم
بيضللوا اولادى
قادر يزيح همهم
يبعدنا عن شرهم
لا طبعنا طبعهم
ولا كنا يوم منهم
دول بلوه يا خواتى
طبع النسا عندنا
بين طاهرة أو مؤمنه
عارفين حدود ربنا
تلقى فى نور وجهنا
ضى الرضا بادى
يعنى الخلاصه بقول
لو النسا بردون
يفلت عيارها ف يوم
ح تضيع عادات وأصول
وربنا الهادى






يابنت بلدي



يابنت بلدي عيب ..لما اللجام هيسيب .. يسترخصوكي الناس
في بنطلون مزنوق .. وبلوزه شبر لفوق .. ولا حتى فـ الجمباز
عريتي تحت وفوق.. ولا عدش عندك زوق .. ولاحتى فيه احساس
لحم الخروف مدبوح ..بنجيبه بعد الروح .. ما تحصّــل الأنفاس
ولحمتك بالكوم .. دكان وطول اليوم ..مفتوح لأرخص ناس
يخرب زمنا زمان .. كأنه عُمر ما كان .. لالينا اصل ولا اسا






مقتطفات 2


فلتكتبوني في سجل زمانكم
أني امرأة
أهوى القتال وما معي
غير القلم
وقصاصة من دفتر قد تقرأ
لأصوب الكلمات جمرا
نحو صدر القاتل
لتكون أقوى من قذيفة مدفعه
فلتكتبوني في سجل زمانكم
أني امرأة
لم تعترف بزمان قهر أو ألم
لم تعترف بزمانكم
زمن الضلالة والعداوة والمحن
عشتم خرابا في قلوب آمنة
وصرعتم الأحلام تحت المقصلة
أما أنا حلمي سيبقى كوكبا
رغم القتامة والظلم
شعري سيغدو خنجرا
رغم المرارة والألم
ولسوف أبقى صرخة
لأشق ليل الصمت في آذانكم
فلتسكتوني لحظة
أو علقوني لوحة بصدوركم
ولتكتبوني في سجل زمانكم
أني امرأة
أو فلتقولوا طلقة
نحو الصدور الآثمة
يا من تصيدون العواطف والرؤى بسهامكم
وتخبئون الشمس تحت ردائكم
الشمس تشرق ها هنا
روض سيغدو رغم أنف رمادكم
ولسوف أبقى ومضة
لأضئ للرفيق وللحياة
فلتكتبوني في سجل زمانكم
أني امرأة
قد أهدرت كلماتها
وحروفها كانت حريق
يأيها الزمن العنيد
هل ضاع حلمي في الطريق
إني تمنيت ابتسامة طفلة للفجر يبسم ثغرها
وحمامة تأوي إلى أوكارها
وبزهرة للنور تفتح جفنها
تهمي رحيق
هل صارت الأحلام مسا من جنون
لا يزيد
ما أضيع الأحلام في زمن عنيد
فلسوف يبقى الحلم نارا تستعر
يهوى القلم
أو ينكسر
أو تسقط الكلمات منى تنتحر
ثم اذكروني قصة لصغاركم
ولتكتبوها في سجل زمانكم
(يحكى هنالك امرأة
سقطت صريعة حلمها
وشهيدة الأحلام
في زمن بغيض)










فلتقرؤوا هذا الخبر

قبل انعقاد المؤتمر
فأنا الأكاليل·· العذاب
أنا الوجود
أنا الغياب
أنا النبوءة والمطر
نصر على كف الحروف
أنا النوازف والسيوف
أنا الوليد
أنا عمر
أنين سنبلة عوت بكفها
بعث لفجر منتظر
مدن الحصار مدائني
وأنا الدموع الشاخصات
أنا القصيدة والضجر··
وأنا الرمادي الموحد في الرماد
أنا الضياء المشرئب على شواطئ تفتقر
ديك الأساطير محنط
فوق أعلاف السنين
أنا تلال الياسمين
وأنا العجائز والصغار
وأنا بريد الانتظار
تحتل ذاكرتي الرياح
دمي تفقسه الرماح
أنا المباح لكل طاغية عبر





اضغط هنا للبحث عن مواضيع ramy wasel

توقيع ramy wasel

" ربما جاء يوم نجلس فية معا لا لكى نتفاخر ونتباهى,ولكن لكى نتذكر وندرس ونعلم اولادنا واحفادنا جيلا بعد جيل,قصة الكفاح ومشاقة,مراره الهزيمة والامها وحلاوة النصر واماله. نعم سوف يجئ يوم نجلس فية لنقص ونروى ماذا فعل كل منا فى موقعة,وكيف حمل كل منا امانته وادى دوره,كيف خرج الابطال من هذا الشعب وهذة الامة فى فترة حالكة ساد فيها الظلام,ليحملوا مشاعل النور وليضيؤا الطريق حتى تستطيع امتهم ان تعبر الجسر ما بين اليأس والرجاء "

الله يرحمك يا سادات
(عاش رجلا .. ومات شهيدا)

مدونتى
[سجل معنا ليظهر الرابط. ]



  #2  
قديم 09-12-2008, 08:20 PM
الصورة الرمزية ramy wasel
ramy wasel ramy wasel غير متواجد حالياً
VIP

مشرف مميز  


/ قيمة النقطة: 10

المشرف المميز  


/ قيمة النقطة: 10

المشرف المميز  


/ قيمة النقطة: 20

الموضوع المميز  


/ قيمة النقطة: 10
 
تاريخ التسجيل: Aug 2008
الدولة: egypt
النوع: ذكر
المشاركات: 3,499
نقاط التقييم : 407
افتراضي رد: شعر آيمان بكرى (باللغه العاميه)



الحب ان اهواكا

رباه انى قد برئت من الهوى
وعرفت ان الحب ان اهواكا
ووعيت دربى بعد طول تغربى
ووجدت نور الحق فى تقواكا
بالحق ياربى قد انرت بصيرتى
ومنحتنى الايمان والادراكا
فرايت كل الكون يسجد خاشعا
وغدوت بالعقل البصير اراكا
رباه انى قد سئمت غشاوتى
وعرفت ان سعادتى برضاكا
ياخالقى بك استجير واحتمى
فارفق بعبد ماله الاكا




رسالة من عبده مشتاق بعد ما تجنن وفاق

الولاية الرابعة ليك والولاية الخامسة لية

خمسة وخميسة فى عنيكم

يلى حتنؤم عليه

بطلو لؤم وخباثه

حد جاب سيرة الرياسة ؟

مالى أنا ومال السياسة

دى العبارة فى الدبارة

نفسى ابقى وزير ظغنن

والقى كرسى ف الوزارة

هو ده مش حق ليه

ولا يعنى كتير عليه ؟

حبه ليكم وحبه ليه

يوم عليكم ويوم عليه

ولا يعنى تكنشى فاكر

إنها ورث وتكيه

يا وزير بالاقدمية

الولاية الرابعة ليك والولاية الخامسة

لية نفسى اشوف شكل المنافق

والملاوع واللى نافخ بدلته ورافع إديه

والمراوغ والمقاوح

واللى عامل نفسه كافح

ربنا يعينك عليه

نفسى اشوف شكل المرابى

واللى كوش على الاراضى

واللى نام وضميره راضى

وربنا غضبان عليه

واللى عامل نفسه ديب

واللى سقف غصب عنه

واللى سقف رغم إنه

عارف ان السقف عيب

الولاية الرابعة ليك والولاية الخامسة لية

هو ده مش حق ليه

ولا يعنى كتير عليه

حبه ليكم وحبه ليه يوم عليكم ويوم عليه



هل ده يحصل ؟

نفسى أغمض يوم وافتح
والقى نفسى ف أى مطرح
جايه فيه الشمس تمرح
والقمر نازل يصبح
ع الشوارع والحارات
بين كفوفه سلطانيه
يملهالى فول مقشر
لو يلاقى الفجر كشر
يزغده ف كتفه اليمين
يطلع الموال يضفر
غنوته بشعر البنات
حادى بادى هل ده يحصل
حادى بادى لو ده يحصل
كنت أقوم وافرك عنيه
كنت ألم الصهبجية
ليلة لأهل الله شويه
فته لحمه عيش ونابت
صوتنا يصبح دندنات
كنت أبوس الأرض تطرح
سنبله ومحراث ومدفع
فوق كفوف العزم يركع
صوت حيأزح م السكات
صوت يقول لليل عوافى
يلى ماشى لبكره حافى
ضحكتى فرشى ولحافى
جوه قلب المشتاقين
حلم مستنى الميعاد
حيروحوا له لو مجاشى
عمر جاى وعمر ماشى
والعمى ليه ما تعماشى
قبل ما يعم البلاد
حادى بادى هل ده يحصل
حادى بادى مش حيحصل
إلا لما الفجر يمرق
بين عروق الضلمة يبرق
يحرق العتمة اللى تخنق
صوت نبى ينوى الجهاد
تطلع الشمس العفيه
تيجى تشرب من إديه
فى الصهاريج تجرى ميه
ينتعش نبض الساعات
السكات ملعون سكاته
بل ريقه م اللى فاتوا
حقهم للأفوكاتو
صعب كان يرفع قضيه
بعد ما تهبب ومات
حادى بادى هل ده يحصل
حادى بادى آه حيحصل
لما خيط الفجر يسرح
بين شقوق الأرض يطرح
دمعنا عشق ونايات
آه تنادى الذكريات
بص يا بنى النيل نجاشى
والتاريخ على كيفه ماشى
فيه حروف ما كتبتهاشى
بين سطور ما فهمتهاشى
لو صحيح ما عرفتهاشى
روح وركب فهمات
حادى بادى لو ده يحصل
حادى بادى بكره يحصل
مش حيحصل .. لأ حيحصل
مش حيحصل .. لأ حيحصل
مش حيحصل ……..
لأ …. حيحصل





ويلٌ للعاشقين


حبٌ على لهفِ شوقٍ يئنْ
قلبٌ يذوبُ منَ الهوى.. قدرٌ يضنْ
وأنا على شفتي الظمأ أهفو الى
نبعٍ جرى من جوفِ بركانٍ يَـجِنْ
فإلى متى يحيا الفؤادُ معذبا
متشوقاً يسعى إلى نبضٍ يَـحِنْ
قلبٌ أنا في العِشقِ يبغي رشفةً
أو قطرةً كي يستكينَ ويَطمَئنْ
وحبيبُ قلبي في هواه مقيدٌ
فمتى يفكُ قيودهُ كي لا أجَنْ
أنا في انتظارِ مواسمي وكأنني
لحنٌ شدا وغفا على وترٍ أغنْ
طرقَ المشاعرَ دون إذنٍ باللقاءِ
فتحتُ أبوابَ الهوى ما قلتُ مَنْ ؟
فغدا مليكا ثم بعد مَلكْتُهُ
وسقيتهُ نبعَ الحنانِ بغيرِ مَنْ
أهديتهُ عمري وأحلامَ الصبا
وإذا أرادَ بقيةً لا ..لن أضِنْ
ويلٌ للعاشقينَ جميعهم
ذاقوا العذابَ ليبدعوا في كل فنْ
وأنا أسارعُ باللقاءِ لأشتكي
منه .. إليه .. لأنه .. ولأن .. أن
فإلى متى أشقي بغلةِ لهفتي
والوقت طال ولن يجئ ولم يحن
فغرقت في بحر القصيد بحلم أن
مستفعلن .. متفاعلن ..مستفعلن








اضغط هنا للبحث عن مواضيع ramy wasel

توقيع ramy wasel

" ربما جاء يوم نجلس فية معا لا لكى نتفاخر ونتباهى,ولكن لكى نتذكر وندرس ونعلم اولادنا واحفادنا جيلا بعد جيل,قصة الكفاح ومشاقة,مراره الهزيمة والامها وحلاوة النصر واماله. نعم سوف يجئ يوم نجلس فية لنقص ونروى ماذا فعل كل منا فى موقعة,وكيف حمل كل منا امانته وادى دوره,كيف خرج الابطال من هذا الشعب وهذة الامة فى فترة حالكة ساد فيها الظلام,ليحملوا مشاعل النور وليضيؤا الطريق حتى تستطيع امتهم ان تعبر الجسر ما بين اليأس والرجاء "

الله يرحمك يا سادات
(عاش رجلا .. ومات شهيدا)

مدونتى
[سجل معنا ليظهر الرابط. ]



رد مع اقتباس
  #3  
قديم 09-12-2008, 09:24 PM
الصورة الرمزية ramy wasel
ramy wasel ramy wasel غير متواجد حالياً
VIP

مشرف مميز  


/ قيمة النقطة: 10

المشرف المميز  


/ قيمة النقطة: 10

المشرف المميز  


/ قيمة النقطة: 20

الموضوع المميز  


/ قيمة النقطة: 10
 
تاريخ التسجيل: Aug 2008
الدولة: egypt
النوع: ذكر
المشاركات: 3,499
نقاط التقييم : 407
افتراضي رد: شعر ايمان بكرى



انى لاقسم بالجوى.
وبمن أحب ومن هوى.
سأنال حبك طائعاً أو مرغماً..
فيم انتظارك والقلوب تعانقت..
والعين باحت والحنين تكلما..
كن رافضاً...ومعانداً... كن منكراً...ومكابراً...
فغداً ستأتى بالحنين مكبلاً.
وصراخ همسك ضارعاً مستسلماً.
فوق احتمالى أن أراك بجانبى حجراً...صموتاً أعجماً..
فأترك لى القلب الذى علمتهُ لأُعلمهْ..
كبلتهُ...لأحررهْ.. أحتلهُ يحتلنى..أغتالهُ يغتالنى..وأذيبهُ فيذيبنى..
أين الفرار وأنت تسكن فى دمى..
فابحث بكل طريقةٍ عن مهربٍ..
كن عاقلاً...متردداً.. كن ثائراً...ومهدداً..
طر حيث شئتَ مهاجراً.
قدراً انا....كوناً انا....ونهاية الاجواء فى قلبى انا.
لم يبقى الا أن تلوذ بدنيتى...دنيا يدى.
نم فى الحدود المستحيلةُ فى دمى..
. واعبر مسافات الحنين وضمنى...
أشعل بقايا الصمت فيك جهنما..
ان كان اثماً أن أعانق فيك عمراً قد مضى..
فأنا أريد بأن أزيد على يديك تأثما.......




اضغط هنا للبحث عن مواضيع ramy wasel

توقيع ramy wasel

" ربما جاء يوم نجلس فية معا لا لكى نتفاخر ونتباهى,ولكن لكى نتذكر وندرس ونعلم اولادنا واحفادنا جيلا بعد جيل,قصة الكفاح ومشاقة,مراره الهزيمة والامها وحلاوة النصر واماله. نعم سوف يجئ يوم نجلس فية لنقص ونروى ماذا فعل كل منا فى موقعة,وكيف حمل كل منا امانته وادى دوره,كيف خرج الابطال من هذا الشعب وهذة الامة فى فترة حالكة ساد فيها الظلام,ليحملوا مشاعل النور وليضيؤا الطريق حتى تستطيع امتهم ان تعبر الجسر ما بين اليأس والرجاء "

الله يرحمك يا سادات
(عاش رجلا .. ومات شهيدا)

مدونتى
[سجل معنا ليظهر الرابط. ]



رد مع اقتباس
  #4  
قديم 09-12-2008, 09:30 PM
الصورة الرمزية ramy wasel
ramy wasel ramy wasel غير متواجد حالياً
VIP

مشرف مميز  


/ قيمة النقطة: 10

المشرف المميز  


/ قيمة النقطة: 10

المشرف المميز  


/ قيمة النقطة: 20

الموضوع المميز  


/ قيمة النقطة: 10
 
تاريخ التسجيل: Aug 2008
الدولة: egypt
النوع: ذكر
المشاركات: 3,499
نقاط التقييم : 407
افتراضي رد: شعر ايمان بكرى



أخرتها طيط

كداب وصدق كدبته
عريان وسلف بدلته
وحياة جوز أمى وحضرته
لأصرخ واقولها ف خلقته
حنروح فطيس
لو يوم نهيص
ورا ندل بايع ذمته
بنصدقوه وبنشكروه
وبنحمدوه ولا حاجه تمره فى جتته
عامل شاويش
مع ناس مفيش
بكروش وريش
وعقول ما فيش
وسيادته واضع خطته
فرق تسود عدى الحدود
واضرب رصاص
ارقع وشوط
خد كام قيراط
وابعت طرود
بطاطين .. لحاف
واللقمه حاف
متغمسه بريحة البارود
علشان ما يعجب حضرته
يا ابن الأصول
يا ابن الذوات الاربع
يا فاهم ف الحاجات
والمحتاجات
ايه لازمته بس العناد
ايش ياخد الريح م البلاط
فضك بقى من صحبته
شوفلك طريق غير سكته
أخرتها طيط
يا ابن العبيط
تزعل تشيط
اشرب معانا من المحيط
وخسيس يدوسنا بجزمته



اضغط هنا للبحث عن مواضيع ramy wasel

توقيع ramy wasel

" ربما جاء يوم نجلس فية معا لا لكى نتفاخر ونتباهى,ولكن لكى نتذكر وندرس ونعلم اولادنا واحفادنا جيلا بعد جيل,قصة الكفاح ومشاقة,مراره الهزيمة والامها وحلاوة النصر واماله. نعم سوف يجئ يوم نجلس فية لنقص ونروى ماذا فعل كل منا فى موقعة,وكيف حمل كل منا امانته وادى دوره,كيف خرج الابطال من هذا الشعب وهذة الامة فى فترة حالكة ساد فيها الظلام,ليحملوا مشاعل النور وليضيؤا الطريق حتى تستطيع امتهم ان تعبر الجسر ما بين اليأس والرجاء "

الله يرحمك يا سادات
(عاش رجلا .. ومات شهيدا)

مدونتى
[سجل معنا ليظهر الرابط. ]



رد مع اقتباس
  #5  
قديم 29-03-2009, 04:34 PM
الصورة الرمزية ramy wasel
ramy wasel ramy wasel غير متواجد حالياً
VIP

مشرف مميز  


/ قيمة النقطة: 10

المشرف المميز  


/ قيمة النقطة: 10

المشرف المميز  


/ قيمة النقطة: 20

الموضوع المميز  


/ قيمة النقطة: 10
 
تاريخ التسجيل: Aug 2008
الدولة: egypt
النوع: ذكر
المشاركات: 3,499
نقاط التقييم : 407
افتراضي رد: شعر ايمان بكرى



قصيده ضربه جزاء

[سجل معنا ليظهر الرابط. ]




اضغط هنا للبحث عن مواضيع ramy wasel

توقيع ramy wasel

" ربما جاء يوم نجلس فية معا لا لكى نتفاخر ونتباهى,ولكن لكى نتذكر وندرس ونعلم اولادنا واحفادنا جيلا بعد جيل,قصة الكفاح ومشاقة,مراره الهزيمة والامها وحلاوة النصر واماله. نعم سوف يجئ يوم نجلس فية لنقص ونروى ماذا فعل كل منا فى موقعة,وكيف حمل كل منا امانته وادى دوره,كيف خرج الابطال من هذا الشعب وهذة الامة فى فترة حالكة ساد فيها الظلام,ليحملوا مشاعل النور وليضيؤا الطريق حتى تستطيع امتهم ان تعبر الجسر ما بين اليأس والرجاء "

الله يرحمك يا سادات
(عاش رجلا .. ومات شهيدا)

مدونتى
[سجل معنا ليظهر الرابط. ]



رد مع اقتباس
  #6  
قديم 30-03-2009, 01:01 AM
الصورة الرمزية suzan
suzan suzan غير متواجد حالياً
محبة القرآن الكريم
ملكة روايات 2

المشرف المميز  


/ قيمة النقطة: 30

المشرف المميز  


/ قيمة النقطة: 30

الموضوع المميز  


/ قيمة النقطة: 10

المشرف المميز  


/ قيمة النقطة: 30

المشرف المميز  


/ قيمة النقطة: 30

مشرف مميز  


/ قيمة النقطة: 10

المشرف المميز  


/ قيمة النقطة: 30

المشرفة المميزة  


/ قيمة النقطة: 10

المشرف المميز  


/ قيمة النقطة: 20

مشرف مميز  


/ قيمة النقطة: 10

التميز الذهبى  


/ قيمة النقطة: 30

الموضوع المميز  


/ قيمة النقطة: 10

وسام التكريم  


/ قيمة النقطة: 10
 
تاريخ التسجيل: Feb 2009
الدولة: Egypt
النوع: أنثى
المشاركات: 9,655
نقاط التقييم : 2828
افتراضي رد: شعر ايمان بكرى



هههههههههههههههههه
روووووووووووووووووعة يا رامى
دى مش بيهمها حاجة أبدا
ربنا يستر
والله يا رامى برافو عليك انت بجد مبدع


رد مع اقتباس
  #7  
قديم 30-03-2009, 05:53 AM
الصورة الرمزية may lu
may lu may lu غير متواجد حالياً
عضو نشيط
 
تاريخ التسجيل: Mar 2009
الدولة: مصر
النوع: أنثى
المشاركات: 62
نقاط التقييم : 51
افتراضي رد: شعر ايمان بكرى



جميل جدا جدا...يا رامى..
حقيقى تسلم إيديك على الروعة دى...
وشكرا لك على موضوعاتك المتميزة...
تقبل مرورى..


رد مع اقتباس
  #8  
قديم 30-03-2009, 08:27 AM
أبو النور أبو النور غير متواجد حالياً
.

وسام التكريم  


/ قيمة النقطة: 10

وسام التواصل  


/ قيمة النقطة: 30

الموضوع المميز  


/ قيمة النقطة: 10

المشرف المميز  


/ قيمة النقطة: 20

وسام التكريم  


/ قيمة النقطة: 10

مشرف مميز  


/ قيمة النقطة: 10
 
تاريخ التسجيل: Dec 2008
الدولة: ~الأرض الثانية~
النوع: ذكر
المشاركات: 7,748
نقاط التقييم : 3755
افتراضي رد: شعر ايمان بكرى



بصراحة
كلمات في المليان
مشكورة السيدة إيمان على أشعارها النارية
و مشكور يا رامي


رد مع اقتباس
  #9  
قديم 30-03-2009, 12:27 PM
الصورة الرمزية ramy wasel
ramy wasel ramy wasel غير متواجد حالياً
VIP

مشرف مميز  


/ قيمة النقطة: 10

المشرف المميز  


/ قيمة النقطة: 10

المشرف المميز  


/ قيمة النقطة: 20

الموضوع المميز  


/ قيمة النقطة: 10
 
تاريخ التسجيل: Aug 2008
الدولة: egypt
النوع: ذكر
المشاركات: 3,499
نقاط التقييم : 407
افتراضي رد: شعر ايمان بكرى



اقتباس : المشاركة الأصلية كتبت بواسطة suzan [ مشاهدة المشاركة ]
هههههههههههههههههه
روووووووووووووووووعة يا رامى
دى مش بيهمها حاجة أبدا
ربنا يستر
والله يا رامى برافو عليك انت بجد مبدع

شكرا يا سوزان
نورتى الموضوع
اقتباس : المشاركة الأصلية كتبت بواسطة may lu [ مشاهدة المشاركة ]
جميل جدا جدا...يا رامى..
حقيقى تسلم إيديك على الروعة دى...
وشكرا لك على موضوعاتك المتميزة...
تقبل مرورى..

شكرا لمرورك على موضوعي وهذا شرف لي ووسام على صدري
اقتباس : المشاركة الأصلية كتبت بواسطة أبو النور [ مشاهدة المشاركة ]
بصراحة
كلمات في المليان
مشكورة السيدة إيمان على أشعارها النارية
و مشكور يا رامي

شكرا لمرورك
نورت الموضوع



اضغط هنا للبحث عن مواضيع ramy wasel

توقيع ramy wasel

" ربما جاء يوم نجلس فية معا لا لكى نتفاخر ونتباهى,ولكن لكى نتذكر وندرس ونعلم اولادنا واحفادنا جيلا بعد جيل,قصة الكفاح ومشاقة,مراره الهزيمة والامها وحلاوة النصر واماله. نعم سوف يجئ يوم نجلس فية لنقص ونروى ماذا فعل كل منا فى موقعة,وكيف حمل كل منا امانته وادى دوره,كيف خرج الابطال من هذا الشعب وهذة الامة فى فترة حالكة ساد فيها الظلام,ليحملوا مشاعل النور وليضيؤا الطريق حتى تستطيع امتهم ان تعبر الجسر ما بين اليأس والرجاء "

الله يرحمك يا سادات
(عاش رجلا .. ومات شهيدا)

مدونتى
[سجل معنا ليظهر الرابط. ]



رد مع اقتباس
  #10  
قديم 30-03-2009, 02:01 PM
الصورة الرمزية ألم الخيل
ألم الخيل ألم الخيل غير متواجد حالياً
عضو محترف
 
تاريخ التسجيل: Feb 2009
الدولة: نبض وطن الأحلام
النوع: أنثى
المشاركات: 987
نقاط التقييم : 191
افتراضي رد: شعر ايمان بكرى



هذا مجهود أكثر من رائع
سلمت يداك



اضغط هنا للبحث عن مواضيع ألم الخيل

توقيع ألم الخيل





رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديمولولو لــ : إيمان بكري عاشق المنتدى الشعر بالعامية 1 05-04-2011 07:23 PM
الحرامى لـــ عبدالرحمن بن مساعد I_AM_LEGEND الشعر بالعامية 4 29-12-2010 07:55 PM
قصة ايمان وخلود مع مهند مشمشة القصص القصيرة المنقولة 9 15-12-2010 07:13 PM
مصطفي بكري يتنازل عن حبس بركات بعد اعتذاره حازم إمام أرشيف الأخبار 2 12-07-2009 04:32 PM
قصيدة مفيش حاجة لإيمان بكرى I_AM_LEGEND الشعر بالعامية 4 28-09-2008 01:21 PM


الساعة الآن 02:13 AM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir