http://2.bp.blogspot.com/_cCF5MMMsdXA/TAqZvoE3pwI/AAAAAAAAA3k/tA42HUhf2Iw/s400/tissuebox1.jpg


قبل ما أقول أى حاجة ، عايزة أنبه على نقطتين ؛؛
الأولى : الموضوع نفسه احترت فى مكانه ؛ مقالات الأعضاء ، ولا اليوميات ..
واستقر عزمى فى النهاية على اليوميات ؛ لأن الأسلوب لا يناسب قالب المقال ؛؛
وإن كان الهدف فى النهاية ... زى أى مقال !

التانية : إلقاء السلام
دايماً المواضيع بيكون فى بدايتها يا إما صورة فيها السلام ، يا إما العبارة نفسها
وقلما أو نادراً ... لما حد يرد السلام
لأن محدش بياخد باله ؛؛
واللى بينتبه على أهمية إلقاء السلام ، بيبدأه هو ؛ مش بيرده

ودى حكاية لاحظتها زماااااااااان ، فبقيت باخد بالى أول ما أفتح أى موضوع ،،
أشوف فيه ( السلام عليكم ورحمة الله وبركاته ) ولا لأ
ولو مأخدتش بالى فى البداية ، قبل ما أكتب رد .. برجع للصفحة الأولى واتأكد ؛؛

وحالياً ، استمر مسلسل الحيرة ؛؛
أكتب العبارة فى الأول ، ومحدش يرد عليها ؟
ولا مكتبهاش من باب رفع الحرج ؟
و
.
.
.

http://www6.0zz0.com/2010/06/05/18/993725913.gif (http://www6.0zz0.com/2010/06/05/18/993725913.gif)
http://www.qmah.com/forum/style_emoticons/default/003.gif

أول يوم فى الدراسة ؛ يوم مشهود لا يُـنسى أبداً
الساعة 8 الصبح ، ركبت مع صاحبتى - اللى بروح معاها - فى المشروع ( الميكروباص )
وقعدنا باسترخاء لحد ما المشروع يحمِّـل ؛؛
وكل عيوننا ... نظرة للمستقبل ، والسنة الدراسية الجديدة ، والأحلام المشرقة
اللى بتذروها الرياح أول ما بنخطى باب الكلية ...!

سمعت صوت دق خفيف على الشباك اللى جمبى ، فبصيت ناحيته ،،
لقيت ولد صغير ... 7 أو 8 سنين ؛؛
شكله من أهل الريف ذوى العرق الإنجليزى ...
بلون الشعر الذهبى ، والعيون العسلية ، والبشرة المميزة ...

فتحت الشباك ، ولقيته بيسألنى بكل براءة :
" مش عاوزة مناديل ؟ "
استوعبت فى اللحظة دى ، إنه عايز يبيعلى مناديل
( اللى هى الكلينيكس ؛ للناس اللى مبتعرفش عربى ^_^ )

وده موقف بيتكرر كتير ، فى الترام ، أو حتى فى الشارع
المهم أخدت منه المناديل ، واديته الفلوس ؛؛
وبعد شوية لقيت ولاد كتييير وقفوا معاه ، وفضلوا يلفوا على كل المشاريع

وبعدين قعدوا مع بعض على جمب ؛؛
افتكرت ساعتها كرتون ريمى ؛ وكاسبر اللى كان بيشغل الأطفال ، ويضربهم لو مباعوش كل الحاجة

أطفال اتحملوا مسئولية أكبر منهم ، والله أعلم مين اللى بيشغلهم
وازاى اتجمعوا ؛ وفين عايشين ... ؟!!!

و
.
.
.

بالليل كنت متأثرة أوى وأنا بحكى لأمى
واستغربت لما لقيتها بتقولى :
" المفروض تديله الفلوس على أد الحاجة اللى بيبيعها بس ، عشان انتى كده بتعلميه التسول ، والانتهاز ... الخ ؛ وبتقتلى فيه البراءة وبتخليه يتطمع دايماً "

وجهة نظر تُـحترم أكيد ، بس بجد الولد شكله بائس جداً
ومثير للشفقة لأقصى مدى

وقعدت أقول لأمى :
" فاكرة يا ماما ، فاكرة ليزا أخت ماتيو لما الراجل داس على الورد بتاعها ، وكاسبر ضربها "
وماما تقول :
" ايوة يا حبيبتى ، فاكرة "

وطبعاً ، لحقتنى نظرة شذر بطرف عين أبى : " كـاسـبــر !!! "
.
.
.

اليوم التالى ، لقيت ولد مختلف ... نفس المناديل ؛؛
" مش عاوزة مناديل ؟ "
" لأ شكراً ، معايا "
و ... نظرة مستعطفة ... جــداااااً
فـ أخدت المناديل !

و
.
.
على مدار أشهر السنادى
كل يوم نفس الولاد
" مش عاوزة مناديل "
" لسة آخدة منك امبارح ، شكراً "
" خديلك باكو ، بـ نُـص جِـنِـى "
" يا حبيبى مش عايزة ، أعمل بيهم ايه ، معايا كتيييير "
" بالله عليكى ، باكو كمان "

ولد دبلوماسى جداً ما شاء الله
يعنى عارف الكلمة اللى هتلفت انتباهى
وفى النهاية ، تغلبنى الرحمة ... والعيون اللى مبقيتش بريئة !!
.
.
.
واستمرت الحلقات ، يومياً
وفى الفترة الأخيرة ؛ بقى أكتر من مرة فى اليوم

يعنى أبقى لسة آخدة من واحد منهم ، بعد ما أفضل أقنعه إنى مش عايزة فعلاً
وفى الآخر .. بستسلم
يجيلى زميله ،،
" لسة آخدة من ثوانى ، معايا 5 فى الشنطة ... أعمل ايه بكل ده ؟ "
" عشان خاطرى ، استفتح بيكى "
" والله معيش فكة ، اللى كان معايا اديته لصاحبك "
" بالله عليكى ، انتى مخدتيش منى النهاردة "

ومرة فضل يقنع فيا أكتر من 3
لدرجة إن فى شاب كان مراقب الموقف من ورايا ، قال لواحد فيهم
" خلاص يا بابا ، سيبوها بقى "

وبعد ما مشى صعب عليا والله ، بس أعمل ايه كده كتييير

والعجيب والغريب جداااً ؛ إنهم بيصطادونى
يعنى الولد يسيب الناس كلها ، ويلزق فيا
ويفضل يلح ، ويعيد ويزيد
يا حبيبى يهديك يرضيك ، وده مفييييييييش

ويمسكونى وأنا لسة هاااااااركب
لدرجة إنى بقيت بكره نزول الكلية الصبح ،،

وبقيت بحضر الفلوس قبل ما أنزل ،،
خدوها وارحمونى ، ومش عايزة مناديل تانى
.
.
.
.
.

( أسلوب الفهلوة )
الأسلوب اللى عُـرف به المصريون
ما بين لوى دراع ، وفرض سلطات ...

يعنى مثلاً فى أى موقَـف ، تلاقى واحد ملوش أى علاقة بأى حاجة
واقف يلمع العربية ...
هى دى الفهلوة
.
.
.
افتكرت كلمة أمى ؛؛
أكيد أنا اللى خليتهم يتصرفوا معايا كده ، وعلمتهم الانتهاز
بس من زاوية أخرى ...
ما هم أطفال صغيرين ، لازم نحس بيهم ، ونساعدهم ...

ولكن للأسف ... المعادلة صعبة
والميزان لازم يرجح فى إحدى الكفتين
مش هيتوازن
.
.
تحياتى للحكومة المبجلة ،
ولبراءة الأطفال اللى داسوها ؛؛
ولسة ياما هنشوف
.
.

وعليكم السلام ورحمة الله وبركاته

موضع المناديل دا كان بيحصل معايا كتير وفى مناديل وقصاصات قرآنية صغيرة ايضا
اسلوب الفهلوة
هوا دا والمشكلة ان دول اطفال صغيرين وبيعرفوا ازاى يستجدوا عطف اللى ادامهم بجانب براءتهم التى هى فى زوال للاسف
يعنى اول كام مرة الواحد بيصدقهم ولكن بعد كدا خلاص بيتفهم ان دا منهج بالنسبة ليهم
بدليل انهم فهموا انهم يستدروا عطفك فاستهدفوكى
والمشكلة بردو ان ماهم فيه يقع عاتقه على اطراف كثيرة واولئك الاطفال ليسوا من ضمن تلك الاطراف فهم ضحايا
وكما قلتى المعادلة صعبة بالفعل
فاما ان نوافقهم على مايفعلون وذلك خطأ
او لا نوافقهم وننهرهم وهذا ايضا خطأ وحرام

واشارككى بالطبع تحياتك للحكومة التى دائما تضعنا على اولى مسؤلياتها
سلمت يداكى ياسلمى على هذا المقال واليوميات (فهى تجمع الاثنين)
أسلوبك رائع فى السرد كما تعودنا منكى

على فكرة انا كنت بسمع كرتون ريمى ايضا :icecream::icecream::icecream:

وعليكم السلام ورحمة الله وبركاته

يوميات جميلة يا دكتورة

وطريقة السرد رائعة كذلك

من شدة تمكنكِ اللغوي ظننت أنكِ لا تتقنين العامية!!!!!

يوميات رائعة تناقش قضية اجتماعية هامة

تحياتي

وعليكم السلام ورحمة الله وبركاته

أولا سلمت يداكِ يا سلمى .. فسواء كتبتى بالفصحى أو بالعامية .. فالأسلوب جذاب وراقى
ثانيا مشكلة عويصة جدا هى ما ذكرتى هنا .. فهولاء الأولاد .. والبنات أيضا المهدرة إنسانيتهم وطفولتهم بكل المقاييس .. ضحية من؟
ضحية ظروف اقتصادية واجتماعية متدنية .. دفعت بذويهم لإلقائهم فى عرض الطريق بهذا الشكل التسولى المقنع ..

وكما قلتِ .. الله ينور على ...
وللا بلاش عايزة أربى عيالى ..
تسلمى يا سلمى
وبانتظار القادم من كتاباتك إن شاء الله

وعليكم السلام و رحمة الله و بركاته
فعلا الموضوع ده بيحصل معايا كتير
و غير المناديل كنت إيام إمتحانات الجامعة عمال النظافة بعد الأمتحانات يوقفوني و يطلبوا حلوة الأمتحان
يعني الموضوع إنتشر جدا وبقي الناس بتستسهلوا
شكرا ليكي د/ سلمي

وعليكم السلام ورحمة الله وبركاته

يوميات واقعيه جدا من قلب الحياه
تسرد حالتنا الاجتماعيه
متابعة معكي للنهايه
دائما تسعدني قراءة مواضيعك
فأنها تحمل فكرة أومعني مهم لنا
فشكرا لكي عزيزتي

يوميات جميلة جدا

و أسلوب خفيف و بسيط

و كمان كتير مش اللي كانوا بيعملوا يوميات و يكتبوا خمس كلمات في كل حلقة :icon28:

و عجبتني جدا نظرة الوالد

كانت جميلة قوي في وسط الأحداث

لكن مين كاسبر ده؟؟

اللي أعرفه كان أوليفر تويست

في النهاية يوميات جميلة جدا

و في الانتظار لو هناك مزيد من الحلقات

اذا كانت بنفس جمال الأسلوب ده

:)

وعليكم السلام ورحمة الله وبركاته


موضع المناديل دا كان بيحصل معايا كتير وفى مناديل وقصاصات قرآنية صغيرة ايضا
اسلوب الفهلوة
هوا دا والمشكلة ان دول اطفال صغيرين وبيعرفوا ازاى يستجدوا عطف اللى ادامهم بجانب براءتهم التى هى فى زوال للاسف
يعنى اول كام مرة الواحد بيصدقهم ولكن بعد كدا خلاص بيتفهم ان دا منهج بالنسبة ليهم
بدليل انهم فهموا انهم يستدروا عطفك فاستهدفوكى
والمشكلة بردو ان ماهم فيه يقع عاتقه على اطراف كثيرة واولئك الاطفال ليسوا من ضمن تلك الاطراف فهم ضحايا
وكما قلتى المعادلة صعبة بالفعل
فاما ان نوافقهم على مايفعلون وذلك خطأ
او لا نوافقهم وننهرهم وهذا ايضا خطأ وحرام

واشارككى بالطبع تحياتك للحكومة التى دائما تضعنا على اولى مسؤلياتها
سلمت يداكى ياسلمى على هذا المقال واليوميات (فهى تجمع الاثنين)
أسلوبك رائع فى السرد كما تعودنا منكى

على فكرة انا كنت بسمع كرتون ريمى ايضا :icecream::icecream::icecream:




أهلاً لبنى ،،
هى مش بس المشكلة إن المواقف دى كتيرة ؛؛
ما احنا على طول بنتعرض للمواقف دى

وأدام الكلية ناس واقفين مخصوص بالـ " مستيكة " والـ " أذكار "

بس المشكلة فى الإلحاح الغريب ، والطمع الشديد
يعنى لازم اشترى من العشرة ، كل يوم

ليه يعنى ؟

عموماً لو احتجتى مناديل أنا موجودة ؛ عندى مصنع ...
شكلى هروح أبيع معاهم ^_^

شكراااً لبنى
ريمى من أجمل الكرتونات أصلاً
بتفرج عليه لحد دلوقتى :)

وعليكم السلام ورحمة الله وبركاته

نبهتينى ليها يا سلمى للأسف ببنساها على ما بنيجى نرد

الموضوع فعلا مهم وفعلا خطير
بس احنا كده بنشجعهم على الاستغلال
وبنشجعهم إنهم يتسولوا
وفيه كتير حكايات
وشفت منها مرة وانا فى القطار
البنت الصغيرة فضلت تتحايل على الشاب لحد ما زهق عليها
فراحت قعدت على جمب وقعدت تعيط
فصعبت عليه وراح لها صالحها واداها الفلوس واللى كان معاها كمان

للاسف حالهم يصعب
بس كمان مينفعش نشجعهم على كده


شكرا على الطرح الرائع

وعليكم السلام ورحمة الله وبركاته

يوميات جميلة يا دكتورة

وطريقة السرد رائعة كذلك

من شدة تمكنكِ اللغوي ظننت أنكِ لا تتقنين العامية!!!!!

يوميات رائعة تناقش قضية اجتماعية هامة

تحياتي


شكراً أستاذ كريم ؛؛
اليوميات دى مكنش هينفع معاها الفصحى ؛؛
كده الأسلوب أبسط ..

جزاكم وإياى إن شاء الله
وبارك الله فيكم

شكراً أستاذ كريم ؛؛
اليوميات دى مكنش هينفع معاها الفصحى ؛؛
كده الأسلوب أبسط ..

جزاكم وإياى إن شاء الله
وبارك الله فيكم


أعلم يا دكتورة

الجملة للتعجب والمزاح ليس إلا

بوركتِ

الموضوع ده كتير دلوقتى ومش اطفال بس لا ناس كبيرة كمان
:sad_1::sad_1:
شكرا لطرحك الموضوع

وعليكم السلام ورحمة الله وبركاته

أولا سلمت يداكِ يا سلمى .. فسواء كتبتى بالفصحى أو بالعامية .. فالأسلوب جذاب وراقى
ثانيا مشكلة عويصة جدا هى ما ذكرتى هنا .. فهولاء الأولاد .. والبنات أيضا المهدرة إنسانيتهم وطفولتهم بكل المقاييس .. ضحية من؟
ضحية ظروف اقتصادية واجتماعية متدنية .. دفعت بذويهم لإلقائهم فى عرض الطريق بهذا الشكل التسولى المقنع ..

وكما قلتِ .. الله ينور على ...
وللا بلاش عايزة أربى عيالى ..
تسلمى يا سلمى
وبانتظار القادم من كتاباتك إن شاء الله

جزاكِ الله خيراً يا طنت ؛
متشكرة كتير لحضرتك ،

والله يا طنت أنا معرفش الولاد دول عايشين مع أهاليهم أصلاً ولا لأ
هدومهم اللى مش بيغيروها ، وشكلهم المريب
وبعدين لاحظت إنهم واقفين على طول خط الكورنيش
وفى وسط العربيات

أكيد فضولى هيتمكن منى مرة ، وأروح اتكلم معاهم
وأعملهم دراسة ... ^_^

شكراااااً على التقييم يا طنت
مع إن الموضوع مش مستاهل أصلاً
تخاريف ما قبل الامتحانات

أعلم يا دكتورة

الجملة للتعجب والمزاح ليس إلا

بوركتِ

أيوة يا أستاذ كريم
أنا فاهمة قصد حضرتك ...

أحياناً بتكون ليا ردود بالعامية
بس ده أول موضوع أكتبه بالعامية ...
عشان منساش الكلام بس

بارك الله فيكم
شكراً أستاذنا

بجد يا سلمى انتى اخترتى موضوع من قلب الواقع المرير
الحياة بقت صعبة جدا ومش الاطفال بس اللى بيبيعوا مناديل لأ والستات كمان
وكل يوم تلاقيهم بس انا بيصعبوا عليا أوووووووووووووى ومبقدرش اقولهم لأ
بس مش باخد المناديل لأنى بيبقى معايا فاعطيهم النقود واقولهم مش عايزة مناديل عشان معايا
وكثير من اقاربى قالوا لى انى بكدة بعودهم على التسول بس بجد والله مقدرش اكسر بخاطرهم ابدا
ربنا يكون فى عونهم ويعينهم على الحياة الصعبة ممكن تقولوا ما يشتغلوا احسن لهم بس هو فين الشغل
دة الواحد بيتخرج ويفضل يدور على شغل لما ييأس وبرضه مش لاقى فما بالكم بطفل برئ
سلمت يداكى يا سلمى فدائما مواضيعك مميزة
http://www.groovymachine.com/myspace-comments/images/thanksun3.gif

وعليكم السلام و رحمة الله و بركاته
فعلا الموضوع ده بيحصل معايا كتير
و غير المناديل كنت إيام إمتحانات الجامعة عمال النظافة بعد الأمتحانات يوقفوني و يطلبوا حلوة الأمتحان
يعني الموضوع إنتشر جدا وبقي الناس بتستسهلوا
شكرا ليكي د/ سلمي

آه ، الموضوع ده بيغيظنى فعلاً
يعنى هم الناس غلابة بجد ، ومرتباتهم ضئيييلة
بس مش كده برده

يعنى تخيلى لما امتحن فى الدور السادس
وأنزل بعد الامتحان ، فى كل دور تلاقى 3 أو 4

السنة اللى فاتت كانت أختى بتشوف نتيجتها ، فاتلغبطت مع بنت تانية
وكانت الدرجة مش كويسة

فضلت تعيط طبعاً ، والدادة تقولها دى دموع الفرح ، هاتى الحلاوة بقى
^_^

نورتى يا ولاء
ألف شكر لمرورك

يوميات رائعة
وموضوعها مهم جدا
بوركت ودام إبداعك على عقولنا لا يتوقف
دمت شاعرة وكاتبة مميزة

وعليكم السلام ورحمة الله وبركاته


يوميات واقعيه جدا من قلب الحياه
تسرد حالتنا الاجتماعيه
متابعة معكي للنهايه
دائما تسعدني قراءة مواضيعك
فأنها تحمل فكرة أومعني مهم لنا
فشكرا لكي عزيزتي


عفواً عفواً
خلاص هى كده النهاية ^_^

فى حاجة كانت فى دماغى ، بس ليها علاقة بالأطفال مش بالمناديل
^_^

سلامى لبودى
وشكرااااً لحضرتك

د/ سلمي
اقبلي هزاري لو سمحتي...أصل مش قادر أمسك نفسي
خلاص...خلاص
حأضحك علي روحي
الولاد(بلغتك المهذبة،العيال بلغتي اللي مش...) بيدوكي المناديل و قاصدينك إنتي علشان عارفين إنك بتبكي كتييييييييييييييييييييييييييييييييير
يا إما علي حالهم اللي يصعب علي مشرفات دور الأيتام
أو علي فلوسك التي تنهب يوميا
دا الهزار
الجد
مامتك ممكن يكون معاها حق
باباكي معاه كل الحق في موضوع كاااااااااااااااااااااااااااااااااسبر
هوا مين ده؟!

الموضوع ده بتعرض ليه كتيييييير جدا ومش من ولاد بس لا من ناس كبيرة سنا
شكرا على طرح الموضوع

يوميات جميلة جدا

و أسلوب خفيف و بسيط

و كمان كتير مش اللي كانوا بيعملوا يوميات و يكتبوا خمس كلمات في كل حلقة :icon28:

و عجبتني جدا نظرة الوالد

كانت جميلة قوي في وسط الأحداث

لكن مين كاسبر ده؟؟

اللي أعرفه كان أوليفر تويست

في النهاية يوميات جميلة جدا

و في الانتظار لو هناك مزيد من الحلقات

اذا كانت بنفس جمال الأسلوب ده

:)

شكراً أخى محمد
شكراً على الحضور

هى مش يوميات بصراحة ، هى يومية واحدة
بس فى احتمالية إنى أكتب حاجة تانية فيها ...

أنا معرفش أوليفر تويست
معرفش غير أوليفر ؛ الكلب بتاع ساندى بل

ريـمـى
بنت اتخطفت وهى صغيرة ، وفى سيدة ربتها لحد ما كملت 9 سنين أو 10
وبعدين فضلت تسافر مع راجل عجوز اسمه " العم فيتالس "
بيعملوا استعراضات مسرحية ، والراجل ده مات
فراحت عند كاسبر
وده راجل شرير ، عنده مكان يعيش فيه الأطفال ، بس بينزلهم يشتغلوا
واللى ميبعيش يفضل يضربه ويعاقبه

وطبعاً .. لازم النهاية تبقى سعيدة بعد المآسى دى كلها
والدتها هتلاقيها ، وخلاص

شكراً لحضرتك
جزاكم الله خيراً

وعليكم السلام و رحمة الله و بركاته (شكرا للتنبيه)
موضوع يتكرر كثيرا مع كل من يركب المواصلات .أرى فيه استغلال لبراءة الاطفال فعلا
ولكن عندما يبدؤون فى استعطافك كثيرا والنظر اليك بعيون يملؤها الأستجداء كثيرا ما تستسلمين ويرق لهم قلبك
شكرا لطرحك لهذا الموضوع المهم

هههههههه

راااااااااااااائعة

تقبلى تقييمى ومرورى

وعليكم السلام و رحمة الله و بركاته
احم احم اولا بالنسبة للسلام اعتقد ان اغلب الناس زيي اول ما بتقرأ الموضوع يتنسى السلام
او بتظن انه افتتاحية للموضوع :blushing:

و فعلا يا سلمى المناديل بجد بتحصل كتير
هو أنا شخصيا محصلتش ليا ان حد يلح عليا كده
بس بشوفهم و بيصعبوا عليا
بس وجهة نظر ماماتك صحيحة فعلا
و دا نفس رأي بابا ـ لكنه برضو مش بيهون عليه و بيشتري:blushing: ـ
بكده هيتعلم التسول و يلاقي انه بيكسبه بنظرات استعطاف بس
لكن السؤال بقى هل كلهم بيمثلوا ولا في اغللي فعلا محتاج فلوس من عمل شريف
دا السؤال المحير
اللي جوابه صعب جدا

أسلوبك مبهر ما شاء الله عليكي عامية او فصحى
الله يحفظك و يبارك لك في ابداعك
و ياريت تكون في حاجات تانية

وعليكم السلام ورحمة الله وبركاته
طرحت اختي موضوع ومشهد يتكرر بحذافيره في كل مكان وبلد في بلدنا المحبوبة
هذا ما يحدث معي ايضا منذ ركوبي في طريقي للجامعة وامامها وعند الخروج انتهاء بوصولي
المنزل اذن انا سأحتاج ضعف ما ساخذه من ابي المسكين ولكن اهو كله بثوابه
الحقيقة المرة اكتشفتها في عامي الثالث من الجامعة وكانت من احد الدكاترة بالتحديد دكتورة كبيرة(مقاما)
في القسم عنما طرحنا القضية لمحاولة ايجاد مساعدة لهؤلاء الاطفال
كشفت لنا ان هؤلا الاطفال ليسوا كما يبدون لانها قامت بدراسة عليهم اكتشفت بعدها ان لهم مكان للعيش واب وام واخوة يعملون في نفس المجال بل وبعضهم ليه املاك ايضا يعني اغني من اي طالب جامعي ......... اعتقدت كما يعتقد البعض وكما يبدو عليهم وكما حاولو ان يوحوا لها انهم بلا اهل فما كان منها بارك الله فيها الي ان قامت بدفع مبلغ كبير هي وجميع اساتذة القسم والذين بالفعل لهم مواقف رائعة مع الطلبة .....المهم وفرولهم المكان والسكن والتعليم والاهتمام ثم كانت المفاجأأة ظهر الاهل ليتهموها بخطف اطفالهم وقانونا كانت في خطر ........وافقوا علي ترك الابناء مقابل مبالغ مادية بدأت في التزايد مع الوقت القصييييييييييير والا سياخذوا الاولاد
لماذا ؟؟؟ لماذا؟؟؟ لان الاولاد دول يدرون علي ابائهم اموالا كثيرة فمثلا احد\ الاباء قال انا (انا مديكي اربع عيال كل واحد بيدخلي 20 جنيه في اليوم) فما كان من استاذتنا بعد الضغط المادي والنفسي الكبير الذان عانت منهما الا ان ترجع الاولاد الي اهاليهم والاولاد يصرخون ويستنجدون باساتذة القسم ولم يفلح القضاء لانه في صف الاباءوللعلم انا اتحدث في محيط محافظتي فقط ولا اعمم
لكي ان تتخيلي مشهد 200 طالب وهم في حالة ذهول وصدمة وكاننا لسه مولودين منعرفش حاجة
دول عينة من اطفال الشوارع........موضوع اكثر من رائع احييكي عليه غاليتي واعتذر بشدة للاطالة لان ما عندي كنت ساكتبه في هيئة مقال منفرد ولكن جاءت مناسبته فلا داعي للتأجيل ....هو ليس مقال داخل يومياتك ولكنه مجرد مشاركة

و عليكم السلام و رحمة الله و بركاته
احم احم
معلش انا جيت متاخر
بس اليومية روعة بصراحة و اسلوبك ما شاء الله عليه
تناولتى قضية تتكرر بشكل يومى باسلوب احترافى
تسلم ايدك يا قمر

وعليكم السلام ورحمة الله وبركاته

نبهتينى ليها يا سلمى للأسف ببنساها على ما بنيجى نرد

أى خدمة :)

الموضوع فعلا مهم وفعلا خطير
بس احنا كده بنشجعهم على الاستغلال
وبنشجعهم إنهم يتسولوا
وفيه كتير حكايات
وشفت منها مرة وانا فى القطار
البنت الصغيرة فضلت تتحايل على الشاب لحد ما زهق عليها
فراحت قعدت على جمب وقعدت تعيط
فصعبت عليه وراح لها صالحها واداها الفلوس واللى كان معاها كمان

للاسف حالهم يصعب
بس كمان مينفعش نشجعهم على كده


شكرا على الطرح الرائع

:rewayat268:
طيب وايه الحل ؟
بجد مش قادرة أوصل لحل منطقى وسليم

يعنى الشخص اللى بيتطوع ، ده مش غلط
الغلط إن النفس البشرية بتميل للطمع
والشخصية المصرية ؛ عندها مرض الانتهاز

فـ من أين نبدأ ؟!!

الأوضاع السيئة فى كل مكان ،
والمنظومة كلها مختلة ، مينفعش حاجة تتصلح قبل التانية
وكلها بتصب فى نفس البوتقة

زى ما بنقول إن المفروض منلقيش بكل اللوم على الحكومة ، ونحاول نصلح احنا
بنقى نفسنا مش عارفين نتصرف

متشكرة جدااااً جداااااً لتشريفك دكتورتنا

:rewayat2123:

الموضوع ده كتير دلوقتى ومش اطفال بس لا ناس كبيرة كمان

:sad_1::sad_1:
شكرا لطرحك الموضوع



عفواً أختى ،،
شكراً ليكى انتى :)

جزيتِ الخير

بجد يا سلمى انتى اخترتى موضوع من قلب الواقع المرير

الحياة بقت صعبة جدا ومش الاطفال بس اللى بيبيعوا مناديل لأ والستات كمان
وكل يوم تلاقيهم بس انا بيصعبوا عليا أوووووووووووووى ومبقدرش اقولهم لأ
بس مش باخد المناديل لأنى بيبقى معايا فاعطيهم النقود واقولهم مش عايزة مناديل عشان معايا
وكثير من اقاربى قالوا لى انى بكدة بعودهم على التسول بس بجد والله مقدرش اكسر بخاطرهم ابدا
ربنا يكون فى عونهم ويعينهم على الحياة الصعبة ممكن تقولوا ما يشتغلوا احسن لهم بس هو فين الشغل
دة الواحد بيتخرج ويفضل يدور على شغل لما ييأس وبرضه مش لاقى فما بالكم بطفل برئ
سلمت يداكى يا سلمى فدائما مواضيعك مميزة

http://www.groovymachine.com/myspace-comments/images/thanksun3.gif


تسلمى يا نور ؛؛
ربنا يكرمك ...

النهاردة الصبح ، طبعاً لازم أشوفهم قبل أى حد ^_^

رحت وقفت معاهم شوية ، كانوا ولدين بس اللى موجودين

سألتهم عن أساميهم ، واحد اسمه محمود ، والتانى اسمه حِـمدان
طلعوا ولاد عم ؛؛

حمدان قالى إنه والدته متوفاة ، ووالده بيبيع خضار ؛؛

وفى الآخر بيقولى مش عاوزة مناديل ؟
قلتله والله والله ما معايا فكة ، وأنا راجعة هعدى عليك

قالى هاتى أنا أفكلك ^_^

بس واتدبست فى مناديل من جديد ؛؛
هوزعها هدايا بعد كده :msn-wink:

شكراااً حبيبتى
شكراً على حضورك

يوميات رائعة

وموضوعها مهم جدا
بوركت ودام إبداعك على عقولنا لا يتوقف
دمت شاعرة وكاتبة مميزة


جزاك الله خيراً ، متشكرة أوى
بالتوفيق فى الامتحانات إن شاء الله ...
وبعدين ... الشعر

شكراً أخى

د/ سلمي
اقبلي هزاري لو سمحتي...أصل مش قادر أمسك نفسي
خلاص...خلاص
حأضحك علي روحي
الولاد(بلغتك المهذبة،العيال بلغتي اللي مش...) بيدوكي المناديل و قاصدينك إنتي علشان عارفين إنك بتبكي كتييييييييييييييييييييييييييييييييير
يا إما علي حالهم اللي يصعب علي مشرفات دور الأيتام
أو علي فلوسك التي تنهب يوميا
دا الهزار
الجد
مامتك ممكن يكون معاها حق
باباكي معاه كل الحق في موضوع كاااااااااااااااااااااااااااااااااسبر
هوا مين ده؟!

امممممممممم
حضرتك تقصد إنهم ( بيستعبطونى ) يعنى
بصراحة ... أنا شايفة كده برده

بس مش بالمعنى ده أوى ؛؛
يعنى واحد منهم يروح يقول لصاحبه : الحق ، طنت دى أخدت منى
يقوم صاحبه جارى عليا
لحد ما حفظونى

بس أنا مش بعيط أدامهم ، مفيش فرصة أصلاً لكده
ممكن عشان بهزر معاهم شوية ..
ممكن .....

بس بجد عيونهم بريييييئة
النهاردة فضلت باصلهم كتير ؛ وحسيت فعلاً إنهم مش بيمثلوا
احتمال يكون احساسى خاطىء ... احتمال

الطريف بقى ،،
إن مرة فضلوا يغلسوا عليا كده ، ومكنش معايا غير " نُـص جِـنِـى " فكة
فاديتهوله ، وأنا أصلاً مش عايزة
قالى لأ ، فاصل " رُبع جِـنِـى "

نوادر والله ؛؛
ربنا يهديهم ، ويوفقهم ، ويحسن أحوالهم
.
.
.
كاسبر ، حكيت للأخ محمد حكايته

ريـمـى
بنت اتخطفت وهى صغيرة ، وفى سيدة ربتها لحد ما كملت 9 سنين أو 10
وبعدين فضلت تسافر مع راجل عجوز اسمه " العم فيتالس "
بيعملوا استعراضات مسرحية ، والراجل ده مات
فراحت عند كاسبر
وده راجل شرير ، عنده مكان يعيش فيه الأطفال ، بس بينزلهم يشتغلوا
واللى ميبعيش يفضل يضربه ويعاقبه

وطبعاً .. لازم النهاية تبقى سعيدة بعد المآسى دى كلها
والدتها هتلاقيها ، وخلاص


شكراً لمرور حضرتك

وعليكم السلام و رحمة الله و بركاته (شكرا للتنبيه)
موضوع يتكرر كثيرا مع كل من يركب المواصلات .أرى فيه استغلال لبراءة الاطفال فعلا
ولكن عندما يبدؤون فى استعطافك كثيرا والنظر اليك بعيون يملؤها الأستجداء كثيرا ما تستسلمين ويرق لهم قلبك
شكرا لطرحك لهذا الموضوع المهم

فعلاً يا لولا
مبدأ الطرق على القلوب ، والعزف على المشاعر

نفسى أعرف اتعلموا الحاجات دى فييين !!!

عفواً حبيبتى ، شكراً ليكى ...
:)

هههههههه

راااااااااااااائعة

تقبلى تقييمى ومرورى

^_^
شكراً هدير ، جزاكِ الله خيراً

مساء الأقاحى :)

وعليكم السلام وحمة الله وبركاته

لكل إنسان موقف يلفت انتباهه فهذا الموقف لابد وأنه تكرر معنا جميعا
ولكن لم يلحظه إلاكِ وأحييكِ على هذا ،، أما اذا دخلنا إلى الموضوع ذاته
فأنا متفق مع والدتك كل الاتفاق فنحن من ساعدنا المتسولين على التسول

أنا مثلا لا أعطى أحدا صدقة مرتين ولكن هناك أناس كل مروا على متسول معين
لابد وأن يعطوه وهذا دافع كبير لأن يبقى فى هذا .

أما الأطفال يتسولون هذا ما يبكى أعيننا ،فإن مكانه الصحيح فى الحديقة يلعب أو
فى المدرسة يتعلم ولكن للأسف إنه فى الشارع ليتجول أو يتسول .

وأنا معك فأنا لا ألقى لوما على أطفال ولا أهل إنما القى اللوم على هؤلاء الخنازير
والكلاب الذى قتلوا البراءة فى أطفالنا اكتفوا بأن تكون مهنتهم ملء الكروش
والأرصدة فى البنك ولنذهب نحن وأطفالنا إلى الجحيم
فحسبنا الله ونعم الوكيل

دمت مبدعة بكل الطرق وبكل اللغات وفى جميع الألوان

وعليكم لاسلام ورحمة الله وبركاته


هذه اشياء منظمة

فإذا فعلتيها مرة واحدة سيحدث كما حدث

لأن كل منهم يخبر من معه حتى يحضروا إليكِ ويمارسوا إلحاحهم السخيف


أكثر من مرة أمنع نفسى من نهرهم


بل فى أحد المرات أخذت من أحدهم فإذا به بعد دقائق - اثناء تحميل السيارة - يعود من جديد وبمنتهى الإلحاح


وأنا أقول له :


والله لسه واخد منك


وهو ليس لديه تفاهم بالمرة :icon1366:


موضوع محزن أختاه وأتمنى أن تختفى هذه الظاهرة من مجتمعنا


أعجبنى أسلوبك فى العامية :)


رغم أنى لا أحب السرد بالعامية

دمتِ مبدعة

:)

و عليكم السلام و رحمة الله و بركاته
بجد يوميات جميلة جدا
انا كمان بيصعبوا عليا لكن ما باليد حيلة:icon1366:
و شكرا ليكى

وعليكم السلام ورحمة الله وبركاته
شكرا على التنبيه أولا
وثانيا أسلوبك بالعامية لايقل روعة عن الفصحى
وموضوعك جميل جدا
وفعلا نجد أنفسنا فى حيرة دوما مابين الاستعطاف ووجهات النظر المختلفة
موضوعك خلانى عايزة أبكى
أنا عايزة مناديل ...:icon1366:

د/ سلمي
أنتِ تطالبين بالحل
1-المرور علي كل المواقف التي يكثر فيها هؤلاء الأولاد ، ثم سحب المدافع الرشاشة ,والضغط علي الأزندة،حتي تتم تصفيتهم تماما؛لأنهم واجهة غير مشرفة لمصر العظيمة ،لمصر الحضارة،و صورة غير واقعية لإنجازات الحكومة الميمونة...قصدي النظيفة... (و دا إختيار العضو اللي اقترح إطلاق النار علي التظاهريين و المعتصمين أمام مجلسي الشعب و الشوري).
2- العمل جاهدين علي إغلاق مصانع الورق كلها (خاصة التي تنتج الكلينكس)،ثم إذا وقفوا بشيء آخر يتم و قف المصنع الذي ينتجه حتي يتم غلق جميع المصانع في مصر و العالم العربي،و إذا وقفوا بأحد أولاد آدم يتم مصادرته أو غلق المصنع الذي أنتجه (يا أمه ، يا أبوه ،يا حد من العيلة يا الغولة اللي كانت حابسة بيلية(عودي يابيلية...عودي يابيلية)....و دا اقتراح واحد إقطاعي من بتوع زماااااااااااااااااااان البشوات و كاره الاشتراكية.
3-النزول من الحافلة و الوقوف إلي جوارهم(نبيع أمشاط و فلَّيات،و نعناع يجلي البرد و يخلي العانس تتجوز.وووووووووو)علشان نضايق المسئولين الكبار الأسياد في الريحة و الجاية.......... و دا اقتراح الحكومة -كلها-اللي قررت تجوع الشعب المصري كله و تعطشه و تفقره و تحوجه لطوب الأرض.
4- نرضخ للابتزاز و ندفع لكل واحد....و دا اقتراح واحد-بمعجزة لقي عمل اضافي بعد العمل الإضافي الأول بعد العمل الحكومي -

متشكر يا سلمى على الحدوتة الجميلة لها مغزى رائع
الاولاد دول يتم تسريحهم من معلم كبير
واغلبهم منتهك برائتهم وهم اما هاربون من اهلهم او يتم تأجيرهم من اهلهم لجماعات
تعلمهم مثل هذه المهن التافهة
انهم يستعذبون وضعهم لما به من مكاسب مادية
ولا يريدون التعلم او حتى الرجوع لاهلهم لانهم احبوا الشارع

وعليكم السلام و رحمة الله و بركاته
احم احم اولا بالنسبة للسلام اعتقد ان اغلب الناس زيي اول ما بتقرأ الموضوع يتنسى السلام
او بتظن انه افتتاحية للموضوع :blushing:

:graduate:
طيب


و فعلا يا سلمى المناديل بجد بتحصل كتير
هو أنا شخصيا محصلتش ليا ان حد يلح عليا كده
بس بشوفهم و بيصعبوا عليا
بس وجهة نظر ماماتك صحيحة فعلا
و دا نفس رأي بابا ـ لكنه برضو مش بيهون عليه و بيشتري:blushing: ـ
بكده هيتعلم التسول و يلاقي انه بيكسبه بنظرات استعطاف بس
لكن السؤال بقى هل كلهم بيمثلوا ولا في اغللي فعلا محتاج فلوس من عمل شريف
دا السؤال المحير
اللي جوابه صعب جدا

أسلوبك مبهر ما شاء الله عليكي عامية او فصحى
الله يحفظك و يبارك لك في ابداعك
و ياريت تكون في حاجات تانية

مرحبتين همسة ؛؛
هم بيلحوا بدرجة ، تخليكى تحسى إنهم مش طبيعيين لو ملحوش كده

يعنى امبارح قبل ما اتكلم معاهم ، الولد بيسألنى نفس السؤال
فقلتله مش عايزة

قام ماشى وسايبنى

قمت ناديت عليه ، أكيد سخن ، أو مريض
مش طبيعى يعنى ^_^

شكرااااً حبيبتى
ربنا يخليكى ، ويكرمك

وعليكم السلام ورحمة الله وبركاته
طرحت اختي موضوع ومشهد يتكرر بحذافيره في كل مكان وبلد في بلدنا المحبوبة
هذا ما يحدث معي ايضا منذ ركوبي في طريقي للجامعة وامامها وعند الخروج انتهاء بوصولي
المنزل اذن انا سأحتاج ضعف ما ساخذه من ابي المسكين ولكن اهو كله بثوابه
الحقيقة المرة اكتشفتها في عامي الثالث من الجامعة وكانت من احد الدكاترة بالتحديد دكتورة كبيرة(مقاما)
في القسم عنما طرحنا القضية لمحاولة ايجاد مساعدة لهؤلاء الاطفال
كشفت لنا ان هؤلا الاطفال ليسوا كما يبدون لانها قامت بدراسة عليهم اكتشفت بعدها ان لهم مكان للعيش واب وام واخوة يعملون في نفس المجال بل وبعضهم ليه املاك ايضا يعني اغني من اي طالب جامعي ......... اعتقدت كما يعتقد البعض وكما يبدو عليهم وكما حاولو ان يوحوا لها انهم بلا اهل فما كان منها بارك الله فيها الي ان قامت بدفع مبلغ كبير هي وجميع اساتذة القسم والذين بالفعل لهم مواقف رائعة مع الطلبة .....المهم وفرولهم المكان والسكن والتعليم والاهتمام ثم كانت المفاجأأة ظهر الاهل ليتهموها بخطف اطفالهم وقانونا كانت في خطر ........وافقوا علي ترك الابناء مقابل مبالغ مادية بدأت في التزايد مع الوقت القصييييييييييير والا سياخذوا الاولاد
لماذا ؟؟؟ لماذا؟؟؟ لان الاولاد دول يدرون علي ابائهم اموالا كثيرة فمثلا احد\ الاباء قال انا (انا مديكي اربع عيال كل واحد بيدخلي 20 جنيه في اليوم) فما كان من استاذتنا بعد الضغط المادي والنفسي الكبير الذان عانت منهما الا ان ترجع الاولاد الي اهاليهم والاولاد يصرخون ويستنجدون باساتذة القسم ولم يفلح القضاء لانه في صف الاباءوللعلم انا اتحدث في محيط محافظتي فقط ولا اعمم
لكي ان تتخيلي مشهد 200 طالب وهم في حالة ذهول وصدمة وكاننا لسه مولودين منعرفش حاجة
دول عينة من اطفال الشوارع........موضوع اكثر من رائع احييكي عليه غاليتي واعتذر بشدة للاطالة لان ما عندي كنت ساكتبه في هيئة مقال منفرد ولكن جاءت مناسبته فلا داعي للتأجيل ....هو ليس مقال داخل يومياتك ولكنه مجرد مشاركة

ومشاركة راااااائعة جدااااااً
حاسة إنى بتفرج على فيلم سينمائى ...

شر البليةِ ما يُـضحك

س : مفيش قانون للالتزامات فى تعامل الآباء مع أبناءهم ؟

ربنا يكشف عنا مصايب البلد ؛؛
و ..... شرفتى يا مروة
:)

و عليكم السلام و رحمة الله و بركاته
احم احم
معلش انا جيت متاخر
بس اليومية روعة بصراحة و اسلوبك ما شاء الله عليه
تناولتى قضية تتكرر بشكل يومى باسلوب احترافى
تسلم ايدك يا قمر

ربنا يخليكى يا ميس
منكِ اتعلم ^_^

شكرااااً على التقييم يا أميرة
كريمة من يومك والله :graduate:

وعليكم السلام وحمة الله وبركاته

لكل إنسان موقف يلفت انتباهه فهذا الموقف لابد وأنه تكرر معنا جميعا
ولكن لم يلحظه إلاكِ وأحييكِ على هذا ،، أما اذا دخلنا إلى الموضوع ذاته
فأنا متفق مع والدتك كل الاتفاق فنحن من ساعدنا المتسولين على التسول

أنا مثلا لا أعطى أحدا صدقة مرتين ولكن هناك أناس كل مروا على متسول معين
لابد وأن يعطوه وهذا دافع كبير لأن يبقى فى هذا .

أما الأطفال يتسولون هذا ما يبكى أعيننا ،فإن مكانه الصحيح فى الحديقة يلعب أو
فى المدرسة يتعلم ولكن للأسف إنه فى الشارع ليتجول أو يتسول .

وأنا معك فأنا لا ألقى لوما على أطفال ولا أهل إنما القى اللوم على هؤلاء الخنازير
والكلاب الذى قتلوا البراءة فى أطفالنا اكتفوا بأن تكون مهنتهم ملء الكروش
والأرصدة فى البنك ولنذهب نحن وأطفالنا إلى الجحيم
فحسبنا الله ونعم الوكيل

دمت مبدعة بكل الطرق وبكل اللغات وفى جميع الألوان

شكراً لحضرتك ،،
وبالتوفيق فى الامتحان النهاردة ؛؛
ربنا معاكم

الصدقة مرتين ، فى ناس بتكون فعلاً فعلاً .... تستحق
وفى ناس بتكون دى شغلتها ،،

والله بيتعرفوا ...

بس إلحاح الأولاد ده شىء غريب ...
امبارح اكتشفت إن فى واحد فيهم أخرس
الحمد لله على العافية ؛؛

ومن جديد .... تحياتى للحكومة

جزاكم الله خيراً ، ومتشكرة أوى على المرور

وعليكم السلام ورحمة الله وبركاته


هذه اشياء منظمة

فإذا فعلتيها مرة واحدة سيحدث كما حدث

لأن كل منهم يخبر من معه حتى يحضروا إليكِ ويمارسوا إلحاحهم السخيف


أكثر من مرة أمنع نفسى من نهرهم


بل فى أحد المرات أخذت من أحدهم فإذا به بعد دقائق - اثناء تحميل السيارة - يعود من جديد وبمنتهى الإلحاح


وأنا أقول له :


والله لسه واخد منك


وهو ليس لديه تفاهم بالمرة :icon1366:


موضوع محزن أختاه وأتمنى أن تختفى هذه الظاهرة من مجتمعنا


أعجبنى أسلوبك فى العامية :)


رغم أنى لا أحب السرد بالعامية

دمتِ مبدعة

:)


آه فعلاً ، مش بيقتنعوا أبداااااااً
والله أنا بتعجب من أصرارهم ده ؛ مش عشان هو إصرار فى حد ذاته
بس بفكر لو كل الناس عندها سعى دؤوب فى طلب الرزق بالشكل ده ( بصرف النظر عن الفهلوة )
مكنش هيبقى ده حال الشباب

يعنى ما شاء الله ،
مش بيجيلهم إحباط ، ولا يأس
بحاول اتعلم منهم ، على الأقل فى مرحلة الدراسة الحالية

شكراً لحضرتك باشمهندس محمد
اليوميات العامية ... أحيتها فى داخلى ( المسقعة بالبتنجان )
جزاكم الله خيراً

و عليكم السلام و رحمة الله و بركاته

بجد يوميات جميلة جدا
انا كمان بيصعبوا عليا لكن ما باليد حيلة:icon1366:

و شكرا ليكى


:)
الشكر لله ، ربنا يعزك

شكراً لمروركِ حبيبتى
ألف شكر :)

وعليكم السلام ورحمة الله وبركاته

شكرا على التنبيه أولا
وثانيا أسلوبك بالعامية لايقل روعة عن الفصحى
وموضوعك جميل جدا
وفعلا نجد أنفسنا فى حيرة دوما مابين الاستعطاف ووجهات النظر المختلفة
موضوعك خلانى عايزة أبكى
أنا عايزة مناديل ...:icon1366:


حاااااضر
عندى كتييييييييير

تحبى أبعتلك عالميل ؟
ولا أعملك attach ؟
^_^

عفواً يا باشمهندسة
نحن تلاميذ :graduate:

المرادى مش هشتغل patient ، هشتغل مع الولاد الحلوين
المرة الجاية بقى ، هتشوفينى مدرسة :confused:

شكراااً لمرورك
جزيتِ الخيرات

د/ سلمي
أنتِ تطالبين بالحل
1-المرور علي كل المواقف التي يكثر فيها هؤلاء الأولاد ، ثم سحب المدافع الرشاشة ,والضغط علي الأزندة،حتي تتم تصفيتهم تماما؛لأنهم واجهة غير مشرفة لمصر العظيمة ،لمصر الحضارة،و صورة غير واقعية لإنجازات الحكومة الميمونة...قصدي النظيفة... (و دا إختيار العضو اللي اقترح إطلاق النار علي التظاهريين و المعتصمين أمام مجلسي الشعب و الشوري).
2- العمل جاهدين علي إغلاق مصانع الورق كلها (خاصة التي تنتج الكلينكس)،ثم إذا وقفوا بشيء آخر يتم و قف المصنع الذي ينتجه حتي يتم غلق جميع المصانع في مصر و العالم العربي،و إذا وقفوا بأحد أولاد آدم يتم مصادرته أو غلق المصنع الذي أنتجه (يا أمه ، يا أبوه ،يا حد من العيلة يا الغولة اللي كانت حابسة بيلية(عودي يابيلية...عودي يابيلية)....و دا اقتراح واحد إقطاعي من بتوع زماااااااااااااااااااان البشوات و كاره الاشتراكية.
3-النزول من الحافلة و الوقوف إلي جوارهم(نبيع أمشاط و فلَّيات،و نعناع يجلي البرد و يخلي العانس تتجوز.وووووووووو)علشان نضايق المسئولين الكبار الأسياد في الريحة و الجاية.......... و دا اقتراح الحكومة -كلها-اللي قررت تجوع الشعب المصري كله و تعطشه و تفقره و تحوجه لطوب الأرض.
4- نرضخ للابتزاز و ندفع لكل واحد....و دا اقتراح واحد-بمعجزة لقي عمل اضافي بعد العمل الإضافي الأول بعد العمل الحكومي -

عمل إضافى بعد العمل الإضافى الأول بعد العمل الحكومى

تفاؤل أكبر من قدرتى على الاحتمال ؛؛

شكراااً لحلول حضرتك المنطقية جداااااً
بس الحل اللى وصلتله ، إنى منزلش الكلية تانى

متهيألى هيجولى البيت برده

شكراااً لحضرتك مرة تانية

متشكر يا سلمى على الحدوتة الجميلة لها مغزى رائع
الاولاد دول يتم تسريحهم من معلم كبير
واغلبهم منتهك برائتهم وهم اما هاربون من اهلهم او يتم تأجيرهم من اهلهم لجماعات
تعلمهم مثل هذه المهن التافهة
انهم يستعذبون وضعهم لما به من مكاسب مادية
ولا يريدون التعلم او حتى الرجوع لاهلهم لانهم احبوا الشارع

عفواً أخ تامر ، شكراً لحضرتك

فعلاً بيحبوا الشارع ؛؛
رمز الانطلاق فى نظرهم ...

أطفال الشوارع ، ما أكثرهم

جزاكم الله خيراً

وعليكم السلام ورحمة الله وبركاته
موضوع رائع وأسلوب راقي
للأسف حاله مؤسفة بس موجودة كتير في مصر
الف شكر للطرح الرائع

اه انا عايزه منديل يا سلمى؟
ابدعتى يا قمر

موضوع مميز يناقش قضية واحدة من ملايين القضايا السيئة فى البلد
بورك قلمك سلمى وادام الله قلمك مبدعا

وعليكم السلام ورحمة الله وبركاته
موضوع رائع وأسلوب راقي
للأسف حاله مؤسفة بس موجودة كتير في مصر
الف شكر للطرح الرائع

عفواً أم عبد الرحمن ،،
شكراً لحضور حضرتك ...

جزيتِ خيراً

اه انا عايزه منديل يا سلمى؟
ابدعتى يا قمر

سهاااا
كيفك يا بنيتى ؟ :icon31:

المناديل فى السكة
هبعتلك ( طرد ) باسمك
افتحى الباب :D

موضوع مميز يناقش قضية واحدة من ملايين القضايا السيئة فى البلد
بورك قلمك سلمى وادام الله قلمك مبدعا

بوركتِ يا مهرة
ألف شكر لقدومك ...

نسيتى رد السلام ^_^

وعليكم السلام ورحمة الله وبركاته

هو بصراحة انا كمان بعتبر السلام من افتتاحيات الموضوع او بنسى ارد :blushing:
شكرا على التنبيه والتذكير يا دكتورة :)

بالنسبة للموضوع نفسه فالاولاد دول ممكن يكونوا بيشتغلوا لحساب واحد وهو اللى بيشغلهم كده
ومسألة انك تشترى وتشجعيهم دى مشكلة
لانهم كده فعلا هيتعودوا عليكى ، وهيعرفو انك ممكن تشترى واكيد مش هيسيبوكى ابدا
لكن بصراحة انا لو مكانك هعمل كده ، لانهم فعلا هيصعبوا على اى حد
يمكن الحل بجد ان الحكومة او الجمعيات الخيرية تلاقيلهم مكان محترم وترعاهم وتعلمهم وكده
وفيه جمعيات بتعمل كده فعلا لكن للأسف قليلة جدا ومعندهاش امكانيات
بيتهيألى من ناحيتك ممكن بدل ما تشترى من الاولاد دول وتشجعيهم ممكن تشوفى مكان كويس او جمعية ترعاهم وتوديهم ليها
شكرا على المقال ( هو بصراحة شكله مقال ) :) :)

وعليكم السلام ورحمة الله وبركاته

هو بصراحة انا كمان بعتبر السلام من افتتاحيات الموضوع او بنسى ارد :blushing:
شكرا على التنبيه والتذكير يا دكتورة :)

بالنسبة للموضوع نفسه فالاولاد دول ممكن يكونوا بيشتغلوا لحساب واحد وهو اللى بيشغلهم كده
ومسألة انك تشترى وتشجعيهم دى مشكلة
لانهم كده فعلا هيتعودوا عليكى ، وهيعرفو انك ممكن تشترى واكيد مش هيسيبوكى ابدا
لكن بصراحة انا لو مكانك هعمل كده ، لانهم فعلا هيصعبوا على اى حد
يمكن الحل بجد ان الحكومة او الجمعيات الخيرية تلاقيلهم مكان محترم وترعاهم وتعلمهم وكده
وفيه جمعيات بتعمل كده فعلا لكن للأسف قليلة جدا ومعندهاش امكانيات
بيتهيألى من ناحيتك ممكن بدل ما تشترى من الاولاد دول وتشجعيهم ممكن تشوفى مكان كويس او جمعية ترعاهم وتوديهم ليها
شكرا على المقال ( هو بصراحة شكله مقال ) :) :)

شكراً على التقييم
شكراً كتير :)

أنا دلوقتى بحس إن حد عاملى عمل

امبارح كنت بعمل صيانة للموبايل فى رشدى
يعنى مكان بعيييد عن البيت ، وعن الكلية ، وملوش أى علاقة بالمناديل ولا الأولاد

كنت واقفة كده بعد الصلاة مستنياهم يفتحوا ،،
لقيت ولد بيقولى مش عاوزة مناديل ؟

مش عارفة دول بيطلعولى من تحت الأرض ولا ايه ...

بس قلت أهو وجه جديد
وطلع ساكن فى المندرة ، يعنى آخر اسكندرية
قلتله انت بتيجى لوحدك
قالى أمال ايه ، أكل العيش :shiny01:

ومع المناديل لى حكايات ...
مش عايزة ؟ :msn-wink:

شكراً على المرور ، وعوداً حميداً

معلش رجعت تانى :D
لكن الرد لفت نظرى




امبارح كنت بعمل صيانة للموبايل فى رشدى
يعنى مكان بعيييد عن البيت ، وعن الكلية ، وملوش أى علاقة بالمناديل ولا الأولاد

كنت واقفة كده بعد الصلاة مستنياهم يفتحوا ،،
لقيت ولد بيقولى مش عاوزة مناديل ؟

مش عارفة دول بيطلعولى من تحت الأرض ولا ايه ...
تقريبا انتى اتحفظتى من الولاد دول

بس قلت أهو وجه جديد
وطلع ساكن فى المندرة ، يعنى آخر اسكندرية
قلتله انت بتيجى لوحدك
قالى أمال ايه ، أكل العيش :shiny01:
لا حول ولا قوة إلا بالله
ربنا معاه ، وأغلبهم بيبقى سنهم صغير جدا
ومع المناديل لى حكايات ...
مش عايزة ؟ :msn-wink:
:in_love:
شكراً على المرور ، وعوداً حميداً



شكرا ليكى ولقلمكِ المميز فعلا :)
فكرتينى مرة واحدة كانت بتبيع ( بس مش مناديل )
وانا مش معايا ولا مليم فكة ، وكنت هعيط انا جنبها ان مش معايا فكة بجد
هيا مكانتش بتلح جامد زى العادة بس بجد صعبت عليا
ربنا يعينهم على الحياة
على أى حال دا احسن من التسول او السرقة ، ولما تشترى من الناس دى ( مش قصدى الاطفال على فكرة ) بتشجعيه انه ميشتغلش حاجة تانية زى السرقة ولا النصب
يعنى المناديل ولا تتنشلى احسن ؟

معلش رجعت تانى :D
لكن الرد لفت نظرى

شكرا ليكى ولقلمكِ المميز فعلا :)
فكرتينى مرة واحدة كانت بتبيع ( بس مش مناديل )
وانا مش معايا ولا مليم فكة ، وكنت هعيط انا جنبها ان مش معايا فكة بجد
هيا مكانتش بتلح جامد زى العادة بس بجد صعبت عليا
ربنا يعينهم على الحياة
على أى حال دا احسن من التسول او السرقة ، ولما تشترى من الناس دى ( مش قصدى الاطفال على فكرة ) بتشجعيه انه ميشتغلش حاجة تانية زى السرقة ولا النصب
يعنى المناديل ولا تتنشلى احسن ؟

احنا فينا من النشل :nonono:
لأ المناديل أرحم ، على الأقل الجو حر :msn-wink:
وبنحتاجها كتيييييير

وكمان بتنفع يعنى
بوزعها هدايا :shiny01:

فعلاً معاكى حق ، ما هى المشكلة إنك بتحسى بشفقة ناحيتهم
منه لله اللى كان السبب فى وضعنا المزرى

شكراً حبيبتى على متابعتك :)

وعليكم السلام ورحمة الله وبركاته
يوميات جميله
ننتظر المزيد من كتاباتك
مشكلة أطفال الشوارع
هي مشكلة ثلاثة دولة ونظام وشعب
وحلها في الاصلاح للثلاثة

وعليكم السلام ورحمة الله وبركاته
يوميات جميله
ننتظر المزيد من كتاباتك
مشكلة أطفال الشوارع
هي مشكلة ثلاثة دولة ونظام وشعب
وحلها في الاصلاح للثلاثة

شكراً لمرور حضرتك ،،

الإصلاح للثلاثة ... صعب حالياً
مفيش أدامنا غير إصلاح نفسنا
يمكن يتحل ثلث المشكلة ...

وعليكم السلام ورحمة الله وبركاته

يوميات جميله يا سلومه
نفس اللى بعمله والله
حرام بردو دول عيال صغيرين وملهمش ذنب اهاليهم هما السبب :icon1366:
على فكره العاميه لون جميل اوى
مش عارفه ليه مفيش اقبال عليه
بلاحظ ديما فى المواضيع لازم يبقى نقد
بس انا عن نفسى بحس الكلام سلس وسهل
واكيد ليه محبينه
منتظره جديدك

يا أهلين داليا
أهلين وسهلين :)

والله هم دايماً بيصعبوا عليا ، ما عدا أيام الامتحانات
أبقى عايزة أراجع كتاب 400 صفحة ودول ييجوا يلزقوا فيا

آخر يوم كنت هزعقلهم ، بس مسكت نفسى

*
*

العامية أكيد ليها جمهورها يا داليا
بس أنا عن نفسى مبحبهاش إلا فى أضيق الحدود
حسب الموضوع نفسه

عارفة لو جيتى تتكلمى عن قضية ما
وكتبتى بالفصحى ، ونفس الكلام بالعامية
هتلاقيه بالفصحى أقوى كتيييير ، وبيخدم قوة القضية بصورة أكبر
يعنى يحسسك إن الموضوع مش سهل ^_^

أما العامية آخرها معايا المواقف الحياتية اللصيقة أوى
يعنى مثلا الحاجات اللى بتتسم بطابع فكاهى ، أو طابع ساخر
العامية بتكون أخف ...

المهم تنتقى اللون اللى يخدم فكرتك
:)

نورتى يا داليا