يوميات حامل وفقست



أنا حاليا فى أول الشهر التامن من الحمل!! كان نفسي اعمل يومياتالخطوبة والجواز واللى شفته وعلاقتي بناس كتير مكنتش اتخيل انى هاقابلهماو انى هاتعرض لبعض المواقف واضطر معها انى اتحكم فى اعصابي ظاهريا واكتمجوايا واسكت!! انا اصلي مش كده - اللى بتغاظ منه بقوله!!



ما علينا



النهاردةالخميس وانا بقالي حوالي شهرين مخرجتش!!! كل الناس فى الشارع وانا قاعدةقدام البتاع اللى اسمه الكمبيوتر ده بدور على اي حاجة اعملها ومش لاقية! فى خلال الشهرين اللى فاتوا لعبت كمية جيمز وقريت كمية حاجات خرافية! علشان بس الوقت يعدي بقى



ما انا "أم الواد" ولازم أحافظ على الواد!! اتجوزت من حوالي سنة وكام شهر وده اول بيبي! الناس اللى حواليا بتتعاملانى حامل فى فازة كريستال هاتتكسر لو اتحركت كتير - مش متخيلين انى هاطقمن كتر الملل والزهق ومن كتر ما سمعت كلمة "معلش هانت"!!!! هانت علىمين؟؟؟ اكيد مش عليكوا! كل واحد مستنى انى أجيب "الواد" وبس! وبقيت معالوقت حاسة إنى وعاء مش انسانه! واحدة مهمتها فى الحياه انها تجيب عيالوبس! زي الماكينة الزيروكس بالظبط - مهمتها تطلع ورق





المهم



فرحةجوزي انه ولد كانت كبيرة اوي وكذلك امى واختى - حماتى كان نفسها فى بنت (على غير عادة كل الحماوات) وبدأ كل واحد بقى يحشر نفسه هانسمي المحروسايه!! وكل واحدة من الستات الكبار تقول "انا جدته!!!" وايه يعنى؟ يعنىالملكة اليزابيث الام؟ انا اكتر واحدة احق انى اختار اسم لابني واشارك فيهجوزي. وكل واحدة منهم بدات تختار شوية اسامى علشان نتجنبها "اصل اسم كذاوحش اوي" وانا بهبلي اسأل ليه؟ "اصله كان بخيل" !!!! لا والله؟؟ لا بسفعلا بلاش لا الواد يطلع بخيل بلاش بلاش




وبعدين كان في جلسة ظريييفة مناحد الاقارب اننا ازاي نسمي الولد! - لازم يكون اسم "فخم" ممكن يتحط علىيافطة (ما عبد المتجلي اسم فخم!! هاسمي ابنى كده؟) - لازم يكون اسم لايقعلى اسم ابوه (!!) (نفس اللون يعنى ولا بفيونكة؟) واحيانا الابن بيحب يكرمابوه اللى تعب معاه طول حياته ويسمى ابنه على اسم الاب (!!!!!) نو كومنت!






خلصنامن موضوع الاسم واتفقت انا وجوزي (الحمد لله جوزي راجل مكبر دماغه ومتفهم) على اسم معين واتفقنا برضه ان اللى يسئل "ها اسم البيبي ايه" هنقوله اسموهمي! وفعلا ده اللي حصل وكل واحد بدا يخترع اسم دلع "للواد". اللى مكبردماغه اوي بقى من الحوار ده كله ابويا! نظام انا مالي؟ انا مليش فيه - والله راجل جدع! الراجل خلف وكبر وربى واختار معايا راجل اتجوزه - مشرخامة بقى كمان يختار اسم ابنى!!!





الاسئلة الابدية اللى تكرهالواحد فى حياته - كل ما حد يشوفني بيكون واحد او اكتر من الاسئلة اللى جاية

(كل الناس بما فيهم الجيران وزمايل الشغل)





-1 اخبار "عتريس" ايه؟ (اشمعنى عتريس؟)



-2 اخبار"حمبوزو" ايه؟ ( لما يكون الشخص ظريف شوية)



-3 هاتولدي امتى؟ (تانى وتالت يوم نفس السؤال)!!



-4 ياااااه مناخيرك كبرت - انتى حامل فى ولد؟ (لا في ازازة بيبسي)



-5 انتى ماشية زي البطة ليه كده؟ (عارفة انى بمشي زي العمدة الالى! بس هاعمل ايه؟)



-6انتى بتنهجي كده ليه؟ (ابدا اصلي لسه واخدة لي كام واحدة ضغط كده فى السريع)



-7 هاتسمي البيبي ايه؟ ( هساميه كذا - وغالبا بيكون الرد "هوا باباه اسمهايه؟" - اسمه كذا - "ممممم ربنا يتمم لك على خير بس مش الاسم ده منتشر؟ " محدش قال انى هجيب منتج جديد فى السوق!!!



-8 اسم الدكتور ايه؟ (اينشتاين - "ممممم مسمعتش عنه قبل كده " - انا مش هاخد درس فيزيا!! فىتلاتين الف دكتور نسا فى مدينة نصر لوحدها!!!! )



-9 مامتك فرحانة؟ (لا مش اوي)



-10 حماتك فرحانة؟ (مسئلتهاش)



-11 جوزك مبسوط؟ (احيانا)








اسئلةرخمة وسخيفة ومحدش بيبطل اسئلة كل يوم!! انا بقالي سبع شهور بتسئل اسئلةغبية!!!!!! اصل لو مرة ماشي - اتنين اوكيه بس كل مرة نفس الاسئلة حرام. الناس

ـــــــــــــــ

الجاموسة
ـــــــــــــــ




ليه كل ما حد يشوف واحدة حامل يا يتريق عليها يا يقلب وشه؟ انا كان من نصيبي
التريقة اكتر بصراحة (مع ان شكلي مش ولابد وانا حامل خالص) يعنى حتى اقرب الناس ليا ما اترحمتش من لسانهم.



اختى العظيمة ليها نصيب الاسد هيا وزمايلي فى الشغل. اللى تقولي بقى شكلك زي الفنطاس...واللى يقولي انتى ناقص لك اسبوعين وتبقى نسخة من زكية زكريا...واللى تقولي جبتي مقاس الجزمة ده منين؟...شهرين وتلبسي العلبة فى رجلك لان مفيش حاجة هاتيجي على مقاسك. ويا سلام بقى قبل ما أعرف ولد ولا بنت...واحدة قابلتني وقالت لى بالحرف "على فكره انتى حامل فى ولد" قلت لها اشمعنى؟ "قالت لى وشك بقى شكله زبالة" (الله يكرم اصلك وتربيتك العالية) ... وواحدة بتقولي انتى هاتجيبي بنت - اشمعنى برضه؟ - أصلك حامل بالعرض!!! (ده بس من ذوقك)




خلاصة الموضوع ان بمرور الوقت بيضيع احساس الواحدة بانها انثى ويتحول الي شعور انها "جاموسة" (مع الاعتذار للحيوان الرقيق ده) , فى فترة كده فى الحمل (شخصيا يعنى) حسيت فيها انى على طووول جعانة - فقدت حاسة الشبع فيها - كنت باقضى على الاخضر واليابس. جعانة يا ناس طيب اعمل ايه؟ ماما كانت دايما بتقولي "معلش انتى حامل براحتك يا حبيبتي" - اختى كل ما تشوفني فاتحة التلاجة وبتفرج على المحتويات تقولي "اضربي اضربي" - جوزي كان بيجيب لي حاجات حلوة كتير وبسكوت وعصير وشيكولاته يعنى في حالة حبيت انقنق (ولغاية دلوقتى على فكره مظبطني حاجات حلوة)!! وبعد احساس الجوع اللى على طول (لا الجاموسة بتشبع ولا النجيلة بتخلص) بيجي الشكل ليؤكد هذا الانطباع وتيجي تعليقات الناس لتزيد هذا التاكيد تاكيدا.


واحدة مثلا قابلتني من حوالي تلات ايام وكان بقالي فترة كبيرة جدا مشفتهاش...اول حاجة عملتها انها شهقت كده وقالت لي "اييييييه ده؟ انتى بقيتي عاملة كده ليه؟" - حكمة ربنا بقى اعمل ايه يعنى؟ "لالالا ولا مناخيرك يانهار ابيض بقت مفروشة فى وشك" - معلش بكره كله يروح ان شاء الله يعنى - وكان الرد الغير متوقع "كان اولى انه يروح من عند كل الستات لما يروح من عندك - اللى بيبوظ مش بيرجع تانى على فكره" - ليه؟؟؟ هيا مناخيري صلصال يعنى لزقت على كده؟ وبعدين مفيش مقاس واحدة ست بيكون 45 طول عمره يعنى اكيد كل ده مياه ولا ورم من الحمل ولا اي حاجة! ناس تنرفز




واحدة تانية بقى كانت ظريفة شوية - اول ما دخلت الاوضة عندها لقيتها رجعت لورا كده احتراما وتبجيلاً ليا وقالتلي "انتى نورتي ومليتي المكتب" خدوا بالكوا من كلمة "مليتي" دي وسئلتني ان كان جوزي بيتريق عليا!!!! لا اله الا الله! هايتريق ليه؟ يعنى هوا انا كده طفاسة؟ هوا اه جزء منه طفاسة بس الباقي طبيعه وبعدين هما مالهم! ناس مستفزة جدا




معلش...بكره اتريق على كل الناس دي - اهو على الاقل انا طويلة مش بؤلة وبدئلج (مش عارفة ال
spelling beta3 da2laga eeh)
اللى يعرف يكتبه !











هاكمل الجيم بقى - باي

وانا حامل بيناديني بالبقرة بتاعته وبسمع كل الاسئلة ديه ومش بس في اول حمل لا كل حمل

لذيذة
ربنا يتمملها على خير إن شاء الله
بس الحروف لازقه في بعضها يا أسماء و والواحد جاله حول
--
هو في تانى ولا كده خلاويص؟

وانا حامل بيناديني بالبقرة بتاعته وبسمع كل الاسئلة ديه ومش بس في اول حمل لا كل حمل

بجد ربنا يكون في عونك أنا ممكن لو حد سألني أسئلة زي دي أخبطة في وشة

لذيذة
ربنا يتمملها على خير إن شاء الله
بس الحروف لازقه في بعضها يا أسماء و والواحد جاله حول
--
هو في تانى ولا كده خلاويص؟




هاعدلها الوقتي يا زوزو


والف سلامه علي عينك من الحول



واليوميات الجديدة نازلة حالا أهو

;););)

ياترى هاتكون ولدت ؟

:blush-anim-cl::blush-anim-cl::blush-anim-cl:

ــــــــــــــــــــــ
جبتى كام فانلة
ــــــــــــــــــــــ



صممت اول امبارح انى اروح بيتي - كفااااية كده - فعلا مش حاسة خالص ان ليا بيت مستقل كده ولا مطبخ اعك فيه براحتى ولا شقة اكركب فيها بمزاجي (هيا اصلا مش ناقصة كركبة اكتر... بس برضه براحتى) المهم امبارح كان يوم عظيم جدا - لوحدي فى الشقة زي ما يكون سيبوا طفل صغير بتاع سبع شهور مع شوية ورق وهيييييصة بقى.



فضلت اتمشى من الاوضة دي للاوضة دي وادخل اتفرج شوية على كركبة المطبخ واخرج اتفرج على اي حاجة في اي حته وارجع استريح شوية (ال يعنى بقى المجهود) المهم كان فى النهاية القرار المصيري انى انضف الشقة! علشان بجد هوا ملوش ذنب يقعد فى مكان عاطفي زي ده كده (مع انه اتصل بيا كذا مرة وفي كل مرة يأكد عليا معملش اي حاجة فى البيت) بس برضه احساسي بالمسئولية (هابقى أم بقى ) انى لازم انضف الشقة. وقد كان! نضفتها كلها ووضبت كل حاجة ولمعت ومسحت وكل شغل الخدامين عملته ...طيب والله انا فل اوبشن (full option)


لانى طبخت كمان! المهم جوزى جه من الشغل وانا فرحانه بشبابي جدا انى عملت كل ده فى يوم واحد واحساسي انى زوجة محصلتش كان مسيطر عليا اوي - وكان مخبي حاجة ورا ضهره...انا قلت مثلا اتنين كيلو موز ولا حاجة (على فكره يا جماعة الموز مهم للحوامل علشان التشنج العضلي اللى بيحصل) ولقيت انه جايب لي بوكيه ورد!!! انا عمالة اكلمه على السلاطة والاكل ويحب ياكل الاول ولا ايه وهوا جايب لي ورد!!.


حسيت فجاه انى ست بيت "بطيخة" مفيش فى دماغها غير البصل
والتقلية والفنيك و"الواد" اللى لسه مجاش



طيب لو انا من دلوقتى كده...امال لما "الواد" ييجي هاعمل ايه؟!! هوا الحمل ليه علاقة بتبلد الاحساس والرومانسية؟ اعتقد ان الاجابة آه





ما علينا





اول امبارح حصل موقف فى الشغل وقررت انى انتقم واقوله هنا وافضح الدنيا. وده (طبعا يعنى) تبع التريقة بتاعة الناس
دخلت مكتب ولقيت واحدة بتقولي "ايييييييييييييييييييه ده؟ كل ده؟"(الجملة دي بتتقال لي كتير وبجد هابدا اخد موقف عدائي من الناس) قلت لها في ايه؟؟ قالت لى "انتى على فكره مش هاتخلفي ولد..انتى هاتخلفي جحش" (كالعادة هاسيب لكوا الكومنت) وطبعا رديت عليها بس حفاظا على شكلها برضه مش هاقول انا رديت قلت ايه


من الحاجات الغريبة برضه اللى اتعرضت لها موقف من حوالي اسبوعين تلاته كده ...قابلت واحدة زميلتي مشفتهاش من فترة كبيرة وسئلتنى انا فى الشهر الكام وقلت لها ...وكان واقف معاها واحدة اعرف شكلها بس معرفهاش شخصيا وكان السؤال "ايه ده انتى حامل؟" قلت لها اه "قالت لى انتى متجوزة؟" (ارد والنبي اقول ايه؟؟؟ اي اجابة على السؤال ده هايبقى معناه انى اغبى من اللى بيسئل" ملقتش اي حاجة اقولها غير "لا لسه متجوزتش".




على فكره الرجالة اندال جدا مع الستات الحوامل معرفش ليه...يعنى مثلا اكون واقفة مستنية الاسانسير وفي بنت امورة تانية وواحد كمان...ويكون في مكانين بس فى الاسانسير ...البيه يوسع لها الاول ويضحك ويعمل نفسه مش شايف ويدخل ويسيبنى انا بره!! ليه؟ انا اولى انى اركب بما ان ظروفي صعبة! ولا علشان شكل ال (انتوا عارفين ايه)! بس هانقول ايه؟ حسبي الله ونعم الوكيل.




ليه كل ما اجيب حاجة الناس تقولي "ايه العبط ده؟ ده كله هايجيلك هدايا" الكلمة دي سمعتها عن سرير البيبي - البطانية - الكوفرتة - سالوبيتات شتوى - وكمان عن كرسي العربية . مفيش حد بيسألني جبتى حاجة البيبي ولا لسه غير لما يسأل عن حاجة واحدة بس...عارفين ايه؟ فانلات البيبي!!! جبتي كام فنلة؟ وجبتي فانلات بكم ونص كم؟ جبتي فانلات بتتقفل من الجنب بكباسين علشان دماغه اول ما يتولد؟ طيب جبتي مقاس زيرو لغاية تلات شهور ولا زيرو بس؟ هوا الولد هاينزل بفانلة بس؟؟؟ طيب لو انا مش هاجيب بطانية , الفه فى فوطة مثلا وانا خارجة من المستشفى؟ وعلى ما الناس تتلحلح وتجيب الهدايا الف الولد فى شال؟ ولو مش هاجيب سرير البيبي وهاستنى "اونكل فلان" مثلا يجيبهولي وجابه فعلا بعد تلات اربع شهور... الواد ينام فين؟ وياريت محدش يقولي جنبك علشان انا مبحبش الحركة بتاعة العيال اللى بيلزقوا فى سرير اهاليهم دي.


ولو مش هاجيب كرسي العربية هاحطه فين؟ على حجري؟ ماهو غلط علشان لو حصل حادثة مثلا بعد الشر. ولو مش هاجيب هدوم هالبسه ايه؟ برضه اوبشن الفوطة شغال ولا ايه؟؟؟ ياريت يا جماعة اجابة



اصل انا مجربة موضوع "هايجيلك هدايا" ده فى الجواز وقررت انى مش هاكرر نفس الكارثة مرة تانية. وانا بفرش الشقة كان في حاجات كتير فى بالي عايزة اجيبها وكان اصحابي بيقولوا لي "يابنتى بلاش هبل - الحاجت دي كلها بتيجي هدايا" ومنها الاباجورات واكسسوار البيت. المهم قلت خلاص استنى اشوف هايجيلي ايه ولما احب اجيب اكتر اشتري بعد كده بدل ما يكون عندي حاجات مكررة. اول حاجة الناس بدات تيجي بعد الجواز بكذا شهر! واللى جاب هدية جاب لي بايركس!!! عندي كمية بايركس ممكن اطبخ فيها موائد الرحمن ...وللاسف ده كان الحاجة الوحيدة اللى انا مفكرتش ان الناس هاتجيبها وجبت منها اصلا بالهبل... محدش عايز بايركس؟





برضه من الحاجات اللى الناس بتصمم تسأل عنها فى الفترة دي "جبتي بامبرز ولا لسه؟" - لا والله لسه - "ليييييه؟؟ ده ضروري - انتى خدي لك بتاع 500 جنيه كده وجيبي بيهم بتاع حديثي الولادة" - طيب معلش لامؤاخذة فى السؤال - اجيب ب500 جنيه بامبرز علشان البيه يـ...؟؟؟ "ايوه يابنتى طبعا - امال انتى فاكرة ايه؟ احنا اصلا بنشتغل علشان العيال يـ.... وبس" ....افادكم الله








برضه لو حد عايز بيركس يقول

:nosweat::nosweat::nosweat::nosweat:



هيا لحقت يا عزة



لسه شوية


أما نشوف عتريس دة هايعمل فيها إية


:baby::baby::baby:

من الحاجات الغريبة برضه اللى اتعرضت لها موقف منحوالي

ملزوقة اهه يا أسماء
خدى بالك مشرفة القسم صعبة ولو شافت الغلطات دى ممكن تذنبك عالحيطة :icon30:
اسبوعين تلاته كده ...قابلت واحدة زميلتي مشفتهاش من فترة كبيرةوسئلتنى انا فى الشهر الكام وقلت لها ...وكان واقف معاها واحدة اعرف شكلهابس معرفهاش شخصيا وكان السؤال "ايه ده انتى حامل؟" قلت لها اه "قالت لىانتى متجوزة؟" (ارد والنبي اقول ايه؟؟؟ اي اجابة على السؤال ده هايبقىمعناه انى اغبى من اللى بيسئل" ملقتش اي حاجة اقولها غير "لا لسه متجوزتش".



هههههه
جامدة الحتة دى والله :D



برضه لو حد عايز بيركس يقول






صراحة مش عارفة انا جبت البايركس ولا لسة :detective2:
عموما لو احتاجنا نبقى نقول
--
شكرا يا سمسم الحلقة دى كانت جميلة قوى :icon30:

:nosweat::nosweat::nosweat::nosweat:



هيا لحقت يا عزة



لسه شوية


أما نشوف عتريس دة هايعمل فيها إية


:baby::baby::baby:


:D:D:D

ربنا يقومها بالسلامة

طب يا ترى هانولدها طبيعي ولا ايه

معلش لازم نعمل حسابنا من دلوقتي

ابقى فكرى كده وقوليلي :detective2:

ايه اجازة النهاردة ؟:detective2:

تسلمى على اليوميات
بس انا اتعميت من صغر الخط وانه ملزق
انا المواضيع اللى زى دى بعدلها

هي كده خلصت ولا ايه؟؟؟؟؟؟؟؟؟؟؟؟؟؟

أيــــــــــــــــــــــــــن البقية
حقيقى دمها خفيف جدـــــــــــــــــــــــــــــــــــدا