كان نفسي يا عروبة .. لكن


http://b7l2a.net/thumbnail.php?file=map_382885341.jpg&size=article_medium





قلبي يريدتش وابغاكي يا غلاكي


يا بعد عمري فديتك ,, روحي ودمي اهديكي


قلبي يقول لوريدي عايزاكي ,, استني


لا تبعدين عني


تأبريني


راجيني انا بنيتك


انا اللي رافعه لرايتك


انا عيونك انا مرايتك


انا شباب العرب وبناتهم


جايين لنصر القدس


ودي غايتك


نازله اشم نسيم الصبح في غزه


نازله اشم نسيم الصبح في لبنان


نازله اشم نسيم الصبح في بغداد


نازله من بيتنا وعلى كتافي شايله ولاد


على كتافي بشير ومحمد وهنا زياد


على كتافي نضال ووفاء وجهاد


وعلى اول بيت شهيد واخداهم


يمكن يا غاليه تقوللي


دم شهيدي صحاهم


دم شهيدي جمعهم


شبكوا ايديهم ولموا وجعهم


ادي بنت العرب جايه وماشيه في خفه


وادي شبابها حط سياسة بلده في كفه


وصرخة طفل عربي بينادي في كفه


ايوه يا اسم العروبه


غلوكي


رفعوكي


وتحت عنوان قصيدة حبك


في قلوبهم شالوكي


شالوكي لكن ربما ليوم معلوم


ما هو شباب غلبان


مش سامع


ويمكن حتى مش شايف


ولا ظالم ,, ولا عارف منين مظلوم


ولافاهم مين حاكم ومين محكوم


انا امالي اخدتني


وعروبتي خدعتني


ودموعي منعتني


ارسم لحلمي صوره منصوره


واكتب بقلمي كلمه عاليه مسموعه


وتبقى بلادنا عربيه واعلامها في سماكي مرفوعه


نفسي اساندك


لكن ايدي مقطوعه


نفسي اساندك لكن انا في عروبتي موجوعه


انا بجد مفزوعه


شايفه بعيني اخ بيشتم اخوه


ابن عاق لابوه


حتى النصيحه وكلمة عيب وفوق سلبوه


والغريبه حتى اهله سابوه


يدهس برجله كرامة شعب


بالذمه ده مش صعب؟؟


بيفرتك في كبدك بجزمه بكعب


وانتي رافعه اديكي بتدعي للاعلى


يهديه ويطلع من بحور


سياسه وفتن وقضايا مفتعله


اه وااااااااااه


قلبي عندك يا عروبه منتعله


ماشيه جنبك ولامحه على خدودك دمعه


يمكن في يوم نصحى نفوق


وندوق حلاوة ضحكه من قلبك


اقول ساعتها حمدلله على سلامتك


وايدك على كتافنا


تهنينا على هتافنا


وتبقى قضاياكي دي اهدافنا


ونمد ايدنا لبعض


ونبادر بأسفنا


على كل ثانيه اتفرقنا فيها على ارضك


وفرطنا في عرضك


على كل كلمه غلطنا بيها في حقك


على كل نقطة دم شهيد


نزلت تدافع عنك


وبتفاهتنا وغباءنا دوسناها


يمكن في يوم الحلم يتحقق


يمكن في يوم بجد نتوفق


كان نفسي يا عروبه اساندك


بس دلوقتي بعاتبك


على حزنك


على اسفك


وبقولها كلمه اخيره في رقبتي


انا اللي يشارك في اهانتي


انا اللي يفرط في كرامتي


هقسى عليه وانساه


وعلمي انا رافعاه


ومن جوايا زعلانه عشان...


كان نفسي يا عروبتي ارضيكي


كان نفسي اهنيكي


كان نفسي اعليكي


كان وكان وكان


وصوتي لربي


ربنا يقويكي


ربنا ينجيكي


***********

رضوى الكامل