http://img148.imageshack.us/img148/5725/86ho0.gif


أســكنينـــــــــــــــي

http://img682.imageshack.us/img682/7137/91zo7.gif

http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif

احمد اسامه


http://img148.imageshack.us/img148/5725/86ho0.gif
اسكنيني ...

اسكني عمري وسنيني

وارسمي ف القلب دارك

واشرقي شمس لحياتي

واخطفي روحي لمدارك

اخطفيني

من مشاعر وهمي قبلك

واعلني ميلاد جديد

ابتدي بيه عمر جنبك

انتي فيه حبي الوحيد

وابتديني


http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif
سلوى ابو عرب

http://img148.imageshack.us/img148/5725/86ho0.gif
وإرسميني ...

ضلة في شمس الصحاري

إنحتيني ...

فوق ضلوعك سهم ناري

و أرفعي قلبي لعروشك

و أكتبي ... ف العشق

عمري و إنتحاري ..

و إكشفي كل المخبي

و اوعى يوم م الخوف تداري

إعلني إني حبيبك

و أن ده مش بإختيارك

لملميني

من زوايا الغربة

يوم ما بعدت عنك

قولي إنك

لمحة النور جوه عيني

و إمنعيني ..

إني أحاول تاني أبعد

أو ف مرة أزيد في جرحك

و إنكسارك

طمنيني

و إجمعيني

واطرحيني فوق سنابل عشق

شاهقــــة

و اسمعي لحن الحياه

لما .. يبارك

http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif


امل عبد الواحد

http://img148.imageshack.us/img148/5725/86ho0.gif
كلمينى

واعرفي اني لوحدى سامعك

مهما كان صوتك سكوت

واعرفى انى بدون عيونك

كل لحظة بعيشها موت...

رجعينى

لحضن قلبك ياللى

مش حاسة الغرام

واعرفى ان انا مهما اوصف

مش هيوفيكى الكلام

ازرعى فى شفايفى بسمة

علمينى الأبتسام

ريحى روحى بكلمة

شيلى من قلبى الحطام

ياللى روحك ساكنة روحى

يالا قوليهالى وبوحى

مستحيل انك تروحى

وتحرمى عنيا المنام

وتسهريني

http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif

احمد اسامه

http://img148.imageshack.us/img148/5725/86ho0.gif
سهريني

كل ليله عشق صافيه

فيها طيفك بيناديني

قولي كلمه حب دافيه

زودي شوقي وحنيني


اوعديني

بفجر طارح من عينيكي

بشمس جايه تدفي روحي

وامسحي بكفك دموعي

داوي بشفايفك جروحي


http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif

سلوى ابو عرب

http://img148.imageshack.us/img148/5725/86ho0.gif
قولي إن العشق هو مصير قلوبنا

و إننا بالحب سلمنا و دبنا

و إن قلبك هو سيدي

و إن أنا مالك قرارك

رجعيني...

بارتعش بدموع حنيني

قولي قلبك بعدي

هالك

أملكيني

دوبي جوا بحور حنيني

و اغرقي لو ف المهالك

ضمي بين إيدك إيديا

لسه شاكك

إن أنا معاكي و إني

غصب عني

برتجف

زي الوليد

لما خرج م الضلمة للنور الجديد

و اجمعي نبضي و حروفي

يمكن أتكلم وراكي

وانسى خوفي

يمكن أتمسح ورا

أعتاب خطاكي

و اهزم الليل اللي حالك

قولي مالك

خايفة ليه

ماتقربببببببببببي

من إيه حبيبتي ... بتهربي

أنا جنتك

عمرى ما يوم حصبح أنا

ف العشق

نارك


http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif


سلوى ابو عرب


http://img148.imageshack.us/img148/5725/86ho0.gif
أحضنيني

و اغرقي ف بحور سنيني

وعد م الأحلام تجيني

و اغزل بايدي طرحتك

و ألون الأحلام بشالك...

و إن خطيتي ف فرحتي

راح أفرش الأحلام قبالك

و اعلم الدنيا الغرام

لما الكلام

يوم يبتسم

و يقول منيش وياكوا ... سالك

http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif

امل عبد الواحد

http://img148.imageshack.us/img148/5725/86ho0.gif
كونى ليا

وردتى البيضا الندية

وابعدى شوكها لايجرح خطوتى

وف طريقك اكون ضحية

كونى ليا ...

شمس بتنور زمانى

شمس تشرق ليا وحدى

ماتبانيش على حد تانى

وان ضلام الليل غوانى

قدمى ضيك هدية

واوعدينى ياحبيبتى

للنهاية اكون معاكى

قربى منك طوق نجاتى

بعدى عنك فيه هلاكى

دا انتى اطيب حد شوفته

والحنين انا ليكى حوشته

واللى فات من عمرى عشته

طير وتايه عن سماكى

طب اقولك جربينى

فى الغرام انا قلبى فارس

لو جيوش الغدر طاحت

بالوفا انا ليكى حارس

حبى ليكى احلى فطرة

مش كلام وعلام مدارس

http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif

احمد اسامه


http://img148.imageshack.us/img148/5725/86ho0.gif
اكتبيني


حرف فضه وحرف لولي

ع اللي جوه القلب قولي

وارسميلي

سكه الاحلام معاكي

وافتحي

حضنك اوي لحظه وصولي

شكليني

بكل تفاصيلي وملامحي

ودوبيني

من دموعي مع غرامي

لونيني

قلب وردي وكتف قمحي

تنسي احزانك عليه لما تنامي


http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif


سلوى ابوعرب


http://img148.imageshack.us/img148/5725/86ho0.gif
و أجمعي نجم الليالي .. لو تطولي

و بعتريها فوق جبالي

و ف سهولي

وافضلي خط ف ملامحي

و افضلي نور دهشتي...

و لهفة فضولي

نفسي اعرف فيكي ايه

بيشدني و يطول ذهولي

إنتي حورية

ملاك

و ألا جنية

و هلاك

و إحترت أسأل ف القدر

وياكي إيه

ح يخبيهولي


http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif


احمد اسامه


http://img148.imageshack.us/img148/5725/86ho0.gif
نوريني


بدليلي ضلامي نور

خطي بيا الف سور

سكنيني فوق سحابك

اغمريني بشوق بحوووور

غرقيني


http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif


سلوى ابو عرب


http://img148.imageshack.us/img148/5725/86ho0.gif
و ابقي ليا طوق نجاة

وسلمي قلبي الحياة

و افرديني جناح

يعدي بالهوى

كل الجسور...

أغمريني

بالحنان

و الود

و الشوق

و الأمان

و امنحيني

جنة ...من نيران حنيني


http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif


امل عبد الواحد


http://img148.imageshack.us/img148/5725/86ho0.gif
ايوة راضى توصلينى

فى الهوى لحد الجنون

قبلك انتى ماكنت شىء

بس ناوى انى اكون

رجعى لقلبى حياته ...

بعد ما مل السكون

دوبيه فى اجمل حقيقة

وامحي وهمه والظنون



لو هقولك

اقولك ايه

لسة يعنى ماحستيش

لو حجر كان يوم هينطق

وانتى حالفة ماتنطقيش

ولا لسة ماحبتيش

لا لايمكن

انتى عاشقة

سامعة ودنى كل دقة

دقة بتقولى بحبك

ودقة تانية فيها رقة

يعنى كل مافيكى فاضحك

برده احسن ماتقوليش

http://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gifhttp://img341.imageshack.us/img341/6504/km0a8a8g.gif

احمداسامه


http://img148.imageshack.us/img148/5725/86ho0.gif
واحبسيني

عن عيون الكون داريني

جوه قلبك وف عنيكي

حرريني

واعلنيني اسير هواكي

اعلن استسلامي ليكي

توجيني عرش قلبك

ابقى مملوك بين اديكي


http://img682.imageshack.us/img682/7137/91zo7.gif

جامدة جدا
اختيار رائع
و ثلاثى جبار

بسم الله
ما شاء الله
فكرتوني باللي كان
ايام زمان
لما كنا صحبة حلوة
زي اشجار الغيطان
لما كان احساسنا واحد
والحنين في قلوبنا زايد
والتنافس بالقصايد
اختار لنا عنوان
وقول يا شاعر
قول وفجر المشاعر
قول و زلزل الضماير
قول و اكشف النقاب
عن اللي غاب
قول يا مهاب
وكنا نقعد بالساعات
نكتب جواب
يا لها من ذكريات
*********
*********
فكرة رائعة
ويا ريت في المرة الجاية تشركوني معاكم
ارجوكم

حللللللللللللللللللللللوة اويييييي بجد
شكرا يا محمد

جميله اوووووووووووووووووووووووووي بجد
وفكرتها روعه
شكرا ع القصيده
تقبل تقييمي لها :blush-anim-cl:

تجربة جديدة جدا
وحسيت إن اللى بيكتب واحد مش مجموعة
كلمات رائعة وإحساس عالى كأنهم كلهم
عايشين نفس الحالة
بجد هايل جدا
ألف شكر

أكثر من رائعة و أقل ما أقدمه التقيم تقبل تحياتي

يا لروعة ما قدمت لنا
بجد قصيدة رائعة جداااااااا
نرجو منك المزيد
وتقبل تقييمى المتواضع لابداعاتك المستمرة

والله بجد حاجة روعة وكلام جامد جدا جدا جدا

حلوة ورقيقة ومشاعرها جميلة وكلماتها بسيطة

الله عليك يا محمد
فعلا كلمات رائعة وساحرة
سلِمت أخى وسلِم من خطها
تقبل مرورى وتقييمى البسيط جدا

رااااااااااااااااااااااااااااائع رااااااااااااااااائع ما تقدمه يا محمد

تحياتي لك

بصراحة فكرة جديدة بس رووووووووووووعة
كلامها جميل جدا بجد

جزاك الله كل خير اخى
على ما قدمت لنا

بصراحة انا حسيت من انغامها انها لشخص واحد جميلة جدا جدا

:icon31::icon31::icon31:
جمييييييييييلة جدا جدا
مشاعر رقيقة جدا وفعلا حسيت انهم شخص واحد مش تلاتة
شكرا جزيلا ياباشمهندس :icon31:

حلوة جدا يا محمد
بس مين الشعراء دول ؟
جامدين جدا ...

مشكور وبارك الله فيك..

أبدعت بإختيارك أخي الغالي.....:icon31:
كلماتها متميزة و الثلاثي أكثر من متألق بحرفه و بلاغة تعابيره...
تقبل مروري و بارك الله فيك

عجبني الانسجام الكبير ما بين الشعراء دول..لو لم تكتب اسماءهم لظننت انها لشخص واحد...ابداع رائع و اختيار اكيد متميز ليك يا محمد

شكرا لكم اصدقائى على هذا الطرح الرائع الذى ابهجنى واسعد قلبى فكماشتاقنا الى الماعبات الشعريه الجميله من قلوب حائره يعبر عن فحواها القلم فها انا جئت ال منتداكم لكى تفرح سريرتى واشبع منكم من فحو كليماكم وعبير احرفكم التى تسعدنى وتجعلنى اطير فى سماء الحب اقدم لكم تحياتى الفائقه من كل قلبى اخوكم فى الله رااااااااااااااااااااااامى المصرى

فى حقيقة الامر اخوانى احخسست وانا اقراء تلك الملحمه الشعريه وكانى اسمع لحنا عبقريا اشتركت فيه كل الاات الموسيقيه لتنسج لنا معزوفه موسيقيه لن اعهد لها مثيل من قبل تحياتى مره اخرى لكل من ساهم فى تلك الابداع الراقى اخوم راااامى الصرى