مشاهدة النسخة كاملة : عيادة الأسنان التخصيصية لمنتدى روايات 2


د.هبة
16-08-2009, 05:11 AM
http://img21.imageshack.us/img21/5168/39163523.gif (http://img21.imageshack.us/my.php?image=39163523.gif)

الأخوة والأخوات أعضاء منتدانا الحبيب
فى محاولة بسيطة منى فى إفادتكم قررت بإذن الله تعالى
إنشاء عيادة الأسنان الخاصة بالمنتدى
وهى عبارة عن الأتى:

أولا:
أشهر الأسئلة والإستفسارات التى قد تواجهكم فى مجال طب الأسنان

http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)
ثانيا:
باب إستشاراتكم الحرة بمعنى
(من لديه أى إستفسار يضعه وانا سأجيب عنه بإذن الله)

أرجو من الله أن أستطيع إفادتكم ولو بقدر قليل
أحبكم فى لله
والسلام عليكم ورحمة الله وبركاته

http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)

Mera
16-08-2009, 05:22 AM
بارك الله فيكِ يا دكتورة هبة
جزاكِ الله خيرا على فكرتك الرائعة
وفقك الله دائما اختى هبة

د.هبة
16-08-2009, 06:26 AM
س:حاسس إن سنانى كلها بتوجعنى أو (بتنقح عليا)؟؟؟

ج:فى الحالة دى لازم نسأل شويه أسئلة علشان نقدر نوصل للتشخيص السليم

أولا :نوع الألم
__________
-فى ألم مستمر طوال الليل والنهار............. وده فى الغالب تسوس حاد وصل للعصب أو إلتهاب فى اللثة المحيطة بضرس العقل
-فى ألم متقطع بسيط لا يدوم اكثر من لحظات............. هنا والحمد لله يبقى تسوس بسيط فى الأسنان
- فى ألم دفين متقطع مع صداع........ هنا دخلنا على إلتهاب مزمن فى الأسنان
- فى ألم مثل تآكل أو إحساس برغبة فى تقطيع اللثة أو الضغط الشديد على الأسنان.............وغالبا ده أسهل شئ لأنه يدل على إلتهاب فى اللثة وغالبا دون تضرر الأسنان
http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)
ثانيا:القدرة على تحديد مكان الألم
___________________

- إلتهاب عصب السنة يكون مصحوب بعدم قدرة على تحديد مكان الألم وغالبا تكون الشكوى: الفك كله بيوجعنى، أو الجنب ده كله مش منيمنى، أو عندى ألم فى الفكين وعينى وأذنى مصحوب بصداع
-أما التسوس البسيط فيكون من السهل تحديد مكان الألم

-نقطة اخرى، فى حالة إنتشار العدوى من العصب إلى الأنسجة المحيطة بجذر السنة، يصبح المريض قادر على تحديد مكان الألم تدريجيا,وعندما يتحول إلى إلتهاب مزمن فى العصب يستطيع المريض تحديد مكان الألم جيدا(لإنه فى الغالب بيكون عمل خراج أساسا)

-أخيرا، يكون المريض قادر على تحديد مكان الألم من أول وهلة فى حالة إلتهابات اللثة المصحوبة بترسبات جيرية.
http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)
ثالثا:درجة تحمل المريض للألم
________________

-يستطيع المريض تحمل الألم فى حالة تسوس الأسنان البسيط (للأسف ....لأنه بيسيبه لما يوصل للعصب)
-تقل القدرة على تحمل الألم كلما إقترب التسوس من العصب حتى يصبح غير قادر على تحمل الألم تماما

- مع العلاجات اللازمة(يعنى مثلا قرص الكيتوفان المتين) وتحسن الحالة الصحية للمريض، يصبح المريض قادر على تحمل الألم - إن وجد - وبرده للأسف تانى لأن المريض بيعتبر الأمور أصبحت " زى الفل " ويكبر دماغه(لحد ما العصب يموت تماما وساعتها مش هيبقى فيه وجع لحد ما يعمل خراج تانى )

- أخيرا، إلتهاب اللثة يسبب ألم مستفز ولكن لا يرقى لدرجة عدم تحمله سوى فى المرضى المهملين جدا.(لإنه ممكن يعمل عندهم خراج فى اللثة).
http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)

رابعا: الأعراض المصاحبة أو المسببة للألم
____________________


-أحيانا يظهر الألم مصاحبا للحلويات و الأشربة الباردة أو الساخنة ويدل ذلك على تسوس بسيط فى السنة أو إلتهاب الثة المصحوب بجيب بين الضرس واللثة المحيطة به
- من الممكن أن يكون الألم الشديد مصحوب بتورم فى الوجه فى حالات الخراج وإنتشار الصديد
-من الممكن أن يكون الألم مصحوب بتورم بسيط فى اللثة المقابلة للسن المصاب، وهنا يصبح الصديد قد تجمع فى هذه المنطقة
-بعض المرضى المهملين يكون الألم مصحوب بتورم فى الغدد الليمفاوية أو ما يطلقن عليه " حيل" وهذا يحتاج إلى علاج متقدم عن الحالات السابقة
- من الممكن ان يكون الألم مصحوب بنزيف أو تساقط بعض الأجزاء الخشنة، وهذا يتعلق بوجود جير فى الأسنان وسوف نتحدث عن الجير وإلتهابات اللثة ومشاكلها فى مرة أخرى
-فى حالة الألم الشديد مع الأشربة او الأطعمة الساخنة فقط هذا يدل على إلتهاب مزمن فى العصب

http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)

*خطة العلاج*
________
-فى حالة التسوس طالما لا يصل الى العصب.........حشو عادى (بلاتين او ابيض)
فى حالة حشو العصب................... عمل حشو عصب (فى بعض الأحيان لا ينفع حشو العصب )وفى هذه النتيجة يكون الحل الوحيد هو الخلع
بس من الضرورى جدا قبل اى إجراء فى حالة التهاب العصب .............إعطاء مضاد حيوى مناسب .
-فى حالة التهابات اللثة.......تنضيف الجير وإعطاء علاج مناسب(وسنتحدث عنه بالتفصيل فيما بعد)

http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)


دا أول سؤال عندنا

يا ريت اللى عنده اى أستفسار يكتبه وهنكمل بقية الأسئلة إن شاء الله يوميا
http://img11.imageshack.us/img11/5985/81564007.gif (http://img11.imageshack.us/my.php?image=81564007.gif)
يا رب أكون قدرت أفيدكم


والسلام عليكم ورحمة الله وبركاته

د.هبة
16-08-2009, 06:28 AM
بارك الله فيكِ يا دكتورة هبة
جزاكِ الله خيرا على فكرتك الرائعة
وفقك الله دائما اختى هبة
شكرا ياميرا ياحبيبتى على تشريفك موضوعى المتواضع

هانا
16-08-2009, 06:37 AM
بارك الله فيكى عندى سؤال انا بحب اشرب مياه مثلجه واحيانا بحس بالم فظيع:tears::tears::tears: وانا بشرب كده يبقى عندى حاجه:dunno:

د.هبة
16-08-2009, 06:44 AM
أهم حاجة يا هانا
الألم بيروح فى ساعتها
ولا بيقعد شوية
لوبيقعد شويه(كتتتييير)
ممكنيبقى فيه تسوس بس أكيد أنتى هتبقى شايفاه إلا لو كان فى جنب السنة
بس لو مبيقعدش(يعنى اول ما بتشربى وخلاص)يبقى عادى ومتخفيش
ده رد فعل سنانك على الحاجة السقعة
(لإن درجة حرارة الفم عادية فيبقى كأنك كنت بتشربى شاى وبعد كدة أكلتى تلج)
ماشى جميل

منى قمر
16-08-2009, 06:46 AM
:nosweat::nosweat::nosweat:

جزاك الله خيرا يا د هبه

سؤالى بقى

هل ممكن يكون التعامل مع الكيماويات بوجه عام بيسبب تاكل فى الاضراس بوجه عام

:sadwalk::sadwalk::sadwalk:

د.هبة
16-08-2009, 06:51 AM
والله يا منى دا بيعتمد على
-نوع الكيماويات
-مدة التعرض
-درجة التعرض
مع إن دايما بيبقى المشكلة مع المهن الخطرة مش داخل الفم(يعنى بيبقى المشكلة الأساسية فى اللثة,او الشفايف,او الرئتان)
يعنى لازم تكون المواد الكيماوية بتحتك بالأسنان نفسها
او بتدخل الفم (عن طريق الأكل او الشرب)
ماشى يا منمن

هانا
16-08-2009, 06:53 AM
أهم حاجة يا هانا
الألم بيروح فى ساعتها
ولا بيقعد شوية
لوبيقعد شويه(كتتتييير)
ممكنيبقى فيه تسوس بس أكيد أنتى هتبقى شايفاه إلا لو كان فى جنب السنة
بس لو مبيقعدش(يعنى اول ما بتشربى وخلاص)يبقى عادى ومتخفيش
ده رد فعل سنانك على الحاجة السقعة
(لإن درجة حرارة الفم عادية فيبقى كأنك كنت بتشربى شاى وبعد كدة أكلتى تلج)
ماشى جميل
شكرا ليكى يا قمر :icon31::icon30::icon30:هو بيروح على طول بس مشكلته انه بيبقى الم صعب قوى وانا مستحيل اسيب المياه المثلجه اعمل ايه بس:dunno:

dr.omar
16-08-2009, 06:57 AM
وأنا بهنى حضرتك على الموضوع ده

وعندى شكوى


يا ترى ضرس العقل , واللى أعتقد إنه ممكن يفضل يحاول يطلع لغاية 25 سنة

من الأحسن تركه وشأنه وإعطاؤه الفرصة , حتى مع كونه كل فترة ( 4 شهور مثلاً) بيلتهب ويسبب ألم رهيب وعدوى بتمتد للى حواليه زى ال submandibular وال lingual lymph nodes

ولا الأحسن يتفتح له جراحياً فى وقت يكون مش فيه التهاب

وإيه مخاطر التدخل الجراحى (طبعاً لو ما فيش التهاب أو مصدر للعدوى) ؟

د.هبة
16-08-2009, 06:57 AM
شكرا ليكى يا قمر :icon31::icon30::icon30:هو بيروح على طول بس مشكلته انه بيبقى الم صعب قوى وانا مستحيل اسيب المياه المثلجه اعمل ايه بس:dunno:
العقو يا قمر على إيه :bigsmile::bigsmile::bigsmile:
انا عارفة داء التلج دا
كان عندى بس من ساعة ما جت نور وانا بطلته علشان متقلدنيش

dr.omar
16-08-2009, 06:59 AM
آه , نسيت
سؤال تانى معلش :nosweat:

الأسنان تقدر تستحمل كام مرة يتعمل لها تبييض , قبل ما طبقة المينا تودع :confused:

منى قمر
16-08-2009, 07:05 AM
:icon30::icon30::icon30:

مرسى ياقمر

بس شكلك هتتعبى معانا قوى فى العيادة


الطلبات ايه اللهم لا حسد

نمسك الخشب

:D:D:D:D:D

د.هبة
16-08-2009, 07:12 AM
وأنا بهنى حضرتك على الموضوع ده

وعندى شكوى


يا ترى ضرس العقل , واللى أعتقد إنه ممكن يفضل يحاول يطلع لغاية 25 سنة

من الأحسن تركه وشأنه وإعطاؤه الفرصة , حتى مع كونه كل فترة ( 4 شهور مثلاً) بيلتهب ويسبب ألم رهيب وعدوى بتمتد للى حواليه زى ال submandibular وال lingual lymph nodes

ولا الأحسن يتفتح له جراحياً فى وقت يكون مش فيه التهاب

وإيه مخاطر التدخل الجراحى (طبعاً لو ما فيش التهاب أو مصدر للعدوى) ؟


شوف يا دكتور عمر
اولا ضرس العقل ممكن يطلع لحد 38 سنة
بس هو ليه كذا حل:
-اول حاجة لازم عمل أشعة لتحديد مكانه,وحجمة,وزاويه خروجه
-فى حالة إنه باين منه جزءبس عليه طبقة من اللثة , ووضعه فى الأشعة إنه طالع فى زاويه قائمة
يبقى الحل .........إزالة الجزء الذى يغطيه من اللثة فى أقرب وقت منعا لحوث تسوس فيه بسبب تراكم الأكل تحت هذه الطبقة اللحمية(ودى عملية بسيطة خالص )
-لو باين منه جزء بس وضعه فى الأشعة مش قائم(معوج فى أى إتجاه) دا يستلزم شيله جراحيا
-لو مدفون تماما وفى هذه الحالة هيبقى وضعه فى الأشعة أما أفقى (نائم )او شبه قائم
وف الحالتين يستلزم شيله جراحا ودى عملية بتاخد وقت فى بعض الأحيان وبتاخد وت وبتبقى أصعب كلما كان قريب من (inferior alveolar nerve)
لكن فى النهاية
إن لم يكن وضعه مطمئن لابد من إزالته بلا تأخير
(فضرره أكتر من نفعه)

د.هبة
16-08-2009, 07:20 AM
آه , نسيت
سؤال تانى معلش :nosweat:

الأسنان تقدر تستحمل كام مرة يتعمل لها تبييض , قبل ما طبقة المينا تودع :confused:

أسأل براحتك يا دكتور
انا تحت أمركو إن شاء الله
دا حسب حضرتك بتعملها إيه
يعنى تلميع(polishing)
,لا تبييض(blaetching)
اتلميع اللى هو الدكتور بيحط مادةعلى أسنانك وبيشتغل بحاجة شبه الشنيور بتاع الحشو
ودى خفيفة بس ليها طبعا حد معين
بمعنى ان انت ممكن متكنش أساسا محتاج تلميع (يعنى يكون الون اللى مش عاجبك هو دا لون سانك الطبيى)
فكدة التلميع او التبييض بيضرهم
انما التبييض فأقوى كتيييير
وبيتعمل بجهاز معين
وفى الحالتين لو بتشرب سجاير اوشاى او قهوة او حتى بيبسى او كولا بشراهة
يبقى مالهمش لا زمة وهتضر سنانك على الفاضى
وهتكلم عن الموضوع بالتفصيل إن شاء الله قريبا

د.هبة
16-08-2009, 07:22 AM
:icon30::icon30::icon30:


مرسى ياقمر

بس شكلك هتتعبى معانا قوى فى العيادة


الطلبات ايه اللهم لا حسد

نمسك الخشب


:D:D:D:D:D

يا منى دا أنا عاملاها علشان خاطركو
دا انتوتأمروا
:jump::jump::jump:

منى قمر
16-08-2009, 07:33 AM
:msn-wink::msn-wink::msn-wink:

طيب بصى بقى ياقمر

هو ضروس العقل اربعة

مش كده بردو

طيب انا الاتنين الى عندى فوق فيهم تاكل

واحد حشيته بس من فترة للتانية لازم يوجعنى

والتانية لسه

وده لانهم مرة واحدة بكتشف التاكل ده يعنى بدون مقدمات

طيب الحل ايه

وبعدين الحشو البلاتينى الاسود ده مش عاجبنى لونه وحش:no::no::no:

مافيش حشو يكون لونه ابيض
:blushing::blushing::blushing:

د.هبة
16-08-2009, 07:41 AM
:msn-wink::msn-wink::msn-wink:


طيب بصى بقى ياقمر

هو ضروس العقل اربعة

مش كده بردو

طيب انا الاتنين الى عندى فوق فيهم تاكل

واحد حشيته بس من فترة للتانية لازم يوجعنى

والتانية لسه

وده لانهم مرة واحدة بكتشف التاكل ده يعنى بدون مقدمات

طيب الحل ايه

وبعدين الحشو البلاتينى الاسود ده مش عاجبنى لونه وحش:no::no::no:

مافيش حشو يكون لونه ابيض
:blushing::blushing::blushing:

صلى على النبى يا جميل
هما ضروس العقل اربعة
بس ممكن ميطلعوش كلهم
المهم
انتى متأكدةإن اللى إنتى حاشياه ضرس عقل
وحاشياه إيه(يعنى حشو عصب ولا حشو عادى)
وسبب الـتأكل فى ضرس العقل بيبقى غالبا لإنه بيطلع ساعات من غير ما تحسى وبيقى بعيد عن مجال فرشاه الأسنان فبيحوش الأكل عنده وبيسوس من غير ما تأخدى بالك بس مرة واحدة بتلاقيه اتأكل
بس هى لفكرة بقى
بيوجعك إزاى الرس اللى إتحشى
يعنى مع الضغط عليه ولا مع السخن والساقع ولا لوحده كده
وحسب إجابتك انا هقولك
وطبعا فى حشو أبيضcomposite بس دا لازم يتعمل عند حد مضمون وبيحتج يتغير كل فترة بس م فترة قليلة يعنى (حسب ه معمول حلو ولا أى كلام)

dr.omar
16-08-2009, 07:53 AM
أسأل براحتك يا دكتور
انا تحت أمركو إن شاء الله
دا حسب حضرتك بتعملها إيه
يعنى تلميع(polishing)
,لا تبييض(blaetching)
اتلميع اللى هو الدكتور بيحط مادةعلى أسنانك وبيشتغل بحاجة شبه الشنيور بتاع الحشو
ودى خفيفة بس ليها طبعا حد معين
بمعنى ان انت ممكن متكنش أساسا محتاج تلميع (يعنى يكون الون اللى مش عاجبك هو دا لون سانك الطبيى)
فكدة التلميع او التبييض بيضرهم
انما التبييض فأقوى كتيييير
وبيتعمل بجهاز معين
وفى الحالتين لو بتشرب سجاير اوشاى او قهوة او حتى بيبسى او كولا بشراهة
يبقى مالهمش لا زمة وهتضر سنانك على الفاضى
وهتكلم عن الموضوع بالتفصيل إن شاء الله قريبا



أنا ما جربتش قبل كده لا التبييض ولا التلميع , لكن كنت بفكر أخلى لون سنانى أفتح

والحمد لله أنا مش بشرب شاى أو قهوة نهائى, ومش بطيق السجائر

وكل الكولا اللى موجودة مقاطعة.... فين بقى على ما بلاقى سبورت كولا أو شويبس ;)

منى قمر
16-08-2009, 07:53 AM
صلى على النبى يا جميل
اللهم صلى وسلم عليك يا نبى

هما ضروس العقل اربعة
بس ممكن ميطلعوش كلهم
بس مافياش مكان لضرس يطلع وراهم
المهم
انتى متأكدةإن اللى إنتى حاشياه ضرس عقل
وحاشياه إيه(يعنى حشو عصب ولا حشو عادى)

حشو عادى
وسبب الـتأكل فى ضرس العقل بيبقى غالبا لإنه بيطلع ساعات من غير ما تحسى وبيقى بعيد عن مجال فرشاه الأسنان فبيحوش الأكل عنده وبيسوس من غير ما تأخدى بالك بس مرة واحدة بتلاقيه اتأكل
بس هى لفكرة بقى
بيوجعك إزاى الرس اللى إتحشى

لا وجع من فترة للتانية الم مش لازم اكون بضغط عليه (لوحده كده)
يعنى مع الضغط عليه ولا مع السخن والساقع ولا لوحده كده
وحسب إجابتك انا هقولك
وطبعا فى حشو أبيضcomposite بس دا لازم يتعمل عند حد مضمون وبيحتج يتغير كل فترة بس م فترة قليلة يعنى (حسب ه معمول حلو ولا أى كلام)

مرسى يا هوبة
:bigsmile::bigsmile::bigsmile:

د.هبة
16-08-2009, 08:01 AM
أنا ما جربتش قبل كده لا التبييض ولا التلميع , لكن كنت بفكر أخلى لون سنانى أفتح

والحمد لله أنا مش بشرب شاى أو قهوة نهائى, ومش بطيق السجائر

وكل الكولا اللى موجودة مقاطعة.... فين بقى على ما بلاقى سبورت كولا أو شويبس ;)

خلاص يبقى لو هى لونها مش متغير اوى
فى معجون أسنان أسمه (deprodent)
دا تستعمله مرة فى الأسبوع او مرتين بالكتير
بما إن حضرتك مبتشربش اى حاجة من اللى بتعمل صبغة
فأكيد هيجب مفعول من اول أسبوع او تانى أسبوع بالكتير
لو معملش حاجة يبقى وقفه
لإن دا لون سنانك الطبيعى ومش هيتغير
إلا لو شلت طبقة المينا فعلا ودى حاجة مش كويسة

د.هبة
16-08-2009, 08:05 AM
مرسى يا هوبة
:bigsmile::bigsmile::bigsmile:


اى خدمة يا جميل
وشكرا على التقييم الغالى

%%%عشت الف عام%%%
16-08-2009, 08:10 AM
الموضوع جميل لكن وصف الدواء صعب لان هناك اناس لديهم امراض لابد ان يسال عنها الطبيب قبل وصف الدواء..مثال انا لدى حساسيه لمشتقات السلفا والاسبرين... انا اعرف ان السلفا ليست علاج للاسنان لكن اضرب مثال وهناك من لديهم امراض كالسكر والضغط ....الخ وقد يتعارض معهم بعض الادويه لكن الفكره هايله مشكورين عليها وجزاكم الله كل خير.

أبو النور
16-08-2009, 08:18 AM
تسلمي يا دكتوره هبه على الفكره الرائعة و الإبداعية
جزاكي الله كل خير ووفقك لما يحبه و يرضاه
تقبلي دعمي و شكري لجهودك المتميزه
كل عام و أنت بخير..

عاشق المنتدى
16-08-2009, 09:29 AM
ألف مبروك الإفتتاح يا دكتورة

والحمد لله الزباين ماليين العيادة أهو

ربنا يوفقك

وطبعأً التقييم واجب للموضوع وليكِ كمان

وبإذن الله هأزورك فى أى مشكلة :icon31:

د.هبة
16-08-2009, 11:57 AM
الموضوع جميل لكن وصف الدواء صعب لان هناك اناس لديهم امراض لابد ان يسال عنها الطبيب قبل وصف الدواء..مثال انا لدى حساسيه لمشتقات السلفا والاسبرين... انا اعرف ان السلفا ليست علاج للاسنان لكن اضرب مثال وهناك من لديهم امراض كالسكر والضغط ....الخ وقد يتعارض معهم بعض الادويه لكن الفكره هايله مشكورين عليها وجزاكم الله كل خير.
هى الفكرة مش فى وصف دواء معين
لكن على الأقل الوصول الى تشخيص مبدئى حتى الذهاب الى الطبيب
وهنخصص يوم لمرضى القلب والضغط والسكر ومعظم الأمراض المستعصية والتى تؤثر فى الفم والأسنان
شكرا على مرورك الجميل

د.هبة
16-08-2009, 11:58 AM
تسلمي يا دكتوره هبه على الفكره الرائعة و الإبداعية
جزاكي الله كل خير ووفقك لما يحبه و يرضاه
تقبلي دعمي و شكري لجهودك المتميزه
كل عام و أنت بخير..
جزانا وأياكم يا أبو النور
وكل عام وانت بخير
شكر على تقييمك الجميل

د.هبة
16-08-2009, 12:00 PM
ألف مبروك الإفتتاح يا دكتورة

والحمد لله الزباين ماليين العيادة أهو

ربنا يوفقك

وطبعأً التقييم واجب للموضوع وليكِ كمان

وبإذن الله هأزورك فى أى مشكلة :icon31:

الله يبارك فيك يا محمد
وشكرا على التقييم
وتشرفنا فى أى وقت يا باشمهندس
:bigsmile::bigsmile::bigsmile::bigsmile::bigsmile::bigsmile:

رجل المستحيل
16-08-2009, 01:32 PM
فكرة ممتازة يا دكتورة

بهنى حضرتك عليها

وتم تثبيت الموضوع لأهميته

وليا عودة بإذن الله لو حصل لى أى مشكلة فى أسنانى :blush-anim-cl:

د.هبة
16-08-2009, 05:07 PM
فكرة ممتازة يا دكتورة


بهنى حضرتك عليها

وتم تثبيت الموضوع لأهميته

وليا عودة بإذن الله لو حصل لى أى مشكلة فى أسنانى :blush-anim-cl:

شكرا يا دكتور محمد
وانا تحت أمر حضرتك فى أى وقت إن شاء الله

أم عمرو وإيهاب
16-08-2009, 07:28 PM
فكرة حلوة جدا يا هبة
بارك الله فيكى يا قمر

د.هبة
16-08-2009, 07:35 PM
س:انا خلعت سنانى وعايز أركب تركيبة.......أركب أيه؟

ج:عامة التركيبات نوعين :
- تركيبات ثابتة
-تركيبات متحركة
دا طبعا غير زرع الأسنان ودا بيكون عبارة عن مسمار من التايتينيوم يزرع داخل العظم وبيركب فوقه تركيبة ثابتة.

http://img517.imageshack.us/img517/5729/30191043.gif (http://img517.imageshack.us/my.php?image=30191043.gif)

*طريقة تحديد نوع التركيبة الملائم*
_________________
تحدد التركيبة على أساس عدة عوامل :
-الحالة الصحية للمريض............إذ كان المريض بصحة جيدة ولا يشتكى من اى مرض يسبب تأكل العظام (مثل مرض السكر ) وعددالأسنان المفقودة مناسب وحالة الصحة الفميه لديه جيدة (يهتم بنظافة أسنانه)...............فيفضل له التركيبة الثابتة.

-فى حالة مريض السكر وخاصة المريض الغير مهتم بتنظيم سكره.......فالتركيبة المتحركة أفضل.
-عدد الأسنان المفقودة...........من ضرس الى ثلاثة ضروس مفقودين على الأكثر....تركيبة ثابتة مع مراعاة توافر الشروط الصحية السابقة.
-إذا كان أكثر من ذلك لكنهم فى نفس الجنب وبينهم ضروس موجودة...........تركيبة ثابتة.
*ملحوظة*
_____ فى هذه الحالات يستطيع المريض ان يختار نوع تركيبته سواء كانت ثابتة او متحركة على حسب راحته الشخصية والعنصر المادى.
(اسفة بشدة ولكن لابد أن أنزل الأن سأكمل الحالة فى المساء إن شاء الله)

ٍSumt Al-Joroh
16-08-2009, 07:46 PM
مــاشـــاء الله فكرة مميزة ومجهود أكثر من رائع..
بارك الله فيكِ عزيزتي وجزاكِ كل خير..
يسعدني تقييمك على المجهود المذهل والموضوع المفيد..
سلمت يداكِ.. :)

أريج الورد
16-08-2009, 07:53 PM
السلام عليكم

ماشاء الله موضوع رااائع جدا

تسلم أناملك ومجهودك

وعلى فكرة أنا طالبة في كلية طب أسنان

وكنت عازة أعرف لو تقدري تفيديني في أنواع ال contra ال low speed

يعني من ناحية إيه أحسن نوع وكدا

ده لو حضرتك تفتكري من أيام دراستك :bigsmile:

جزاك الله كل خير

فيروو
16-08-2009, 10:45 PM
موضوعك هذا رائع دكتورة هبة اثابك الله عليه وجزاكى كل خير

عندى سؤال
لو ضرس العقل لحد دلوقتى لسة ما طلع يبقى تاخيره ده فيه حاجه خطر انا عندى 23 و8شهور

mis.Noha
16-08-2009, 11:45 PM
شكرااااااااااااااا ليكي كتير يا دكتورة :jump:
ربنا يكرمك ............
مشكلتي بقى .......
انا عندي سنة معينة:tears:
لما آجي آكل بالشوكة او المعلقة او اي حاجة معدن بتلمسها
بتوجعني جامد جداااااااااااااااااااااا:icon1366:
والموضوع ده بقاله بفترة
وعلى فكرة كمان انا كنت عملالها حشو
لان كان فيها تسوس:icon1366:
اعمل ايه يعني الحالة خطيرة ولازم اروح للدكتور؟؟؟؟؟:dunno:
وحعيش ولا لأ؟؟؟؟؟؟؟؟؟
قصدي حتخف ولا لأ؟؟؟؟؟؟:nosweat:
مستنية الاجابة :tears:

د.هبة
17-08-2009, 12:11 AM
فكرة حلوة جدا يا هبة
بارك الله فيكى يا قمر
شرفتينى يا أم عمرو

د.هبة
17-08-2009, 12:13 AM
مــاشـــاء الله فكرة مميزة ومجهود أكثر من رائع..
بارك الله فيكِ عزيزتي وجزاكِ كل خير..
يسعدني تقييمك على المجهود المذهل والموضوع المفيد..
سلمت يداكِ.. :)
بارك الله فيك يا صمت
وتسلمى على تقييمك الجميل

د.هبة
17-08-2009, 12:28 AM
السلام عليكم


ماشاء الله موضوع رااائع جدا

تسلم أناملك ومجهودك

وعلى فكرة أنا طالبة في كلية طب أسنان

وكنت عازة أعرف لو تقدري تفيديني في أنواع ال contra ال low speed

يعني من ناحية إيه أحسن نوع وكدا

ده لو حضرتك تفتكري من أيام دراستك :bigsmile:

جزاك الله كل خير

بصى يا أريج انتى عايزها تتركب على الUNITE
ولا على MICROMOTOR
لوالأول أحسن حاجة(بس دى هتبقى واحدة تحافظى عليها وتخليها معاك لعيادتك)يبقىW&H او SHIRANA ودى تعملها من ألف الى ألف ونص
اما لو التانى وانتى عندك الموتور يبقى أستنى لحدالمعرض بتاع شهر 10 او 11 وتلاقى مليون نوع
والأحسن إنك تجيبى بتاعة الUNITE وبرضه تتنى المعرض أحسن وبتبقى الحاجةأرخص
وعلى فكرة انا خريجة 2004

د.هبة
17-08-2009, 01:41 AM
موضوعك هذا رائع دكتورة هبة اثابك الله عليه وجزاكى كل خير

عندى سؤال
لو ضرس العقل لحد دلوقتى لسة ما طلع يبقى تاخيره ده فيه حاجه خطر انا عندى 23 و8شهور
طب هو فى أى واحد منهم ولا لسه
وبعدن بيوجعك ولا لأ
عامة ممكن ميكنش عندك أساسا
بس لو بيوجعك يبقى تعملى أشعة ونشوف أخباره إيه

د.هبة
17-08-2009, 01:47 AM
شكرااااااااااااااا ليكي كتير يا دكتورة :jump:
ربنا يكرمك ............
مشكلتي بقى .......
انا عندي سنة معينة:tears:
لما آجي آكل بالشوكة او المعلقة او اي حاجة معدن بتلمسها
بتوجعني جامد جداااااااااااااااااااااا:icon1366:
والموضوع ده بقاله بفترة
وعلى فكرة كمان انا كنت عملالها حشو
لان كان فيها تسوس:icon1366:
اعمل ايه يعني الحالة خطيرة ولازم اروح للدكتور؟؟؟؟؟:dunno:
وحعيش ولا لأ؟؟؟؟؟؟؟؟؟
قصدي حتخف ولا لأ؟؟؟؟؟؟:nosweat:
مستنية الاجابة :tears:
متخفيش يا جميل
هتعيشى إن شاء الله
الحشو بتاع السنة دى لازم يتغير
ولو فى السنة العلوية المقابلة ليها كمان حشو يبقى لازم يتغير هو كمان
لإن اللى بيحصل دا أسمه (GLVANISM) حاجة زى كهربة ما بين معدنين
علشان كدة الحشو لازم يتعاد

نـــــور الإيمـــان
17-08-2009, 02:21 AM
بالتوفيق يا اجمل دكتورة ان شاء الله .. ياريت كل دكاترة الاسنان يبقوا بالرقة والحنان ده !!!

موضوع مميز ياهبة :icon30:... تقبلى تقييمى لشخصك وللموضوع .

Az_Bondok
17-08-2009, 02:25 AM
مفيده جدا ماشاء الله
وباذن الله ربنا يجزيكى عليها خير يا دكتوره

والاستشاره بفلوس ولا ببلاش؟ :heyhey:

hysam
17-08-2009, 02:56 AM
موضوع فى منتهى الروعة يا دكتورة
وأقل شىء هو تقييم لكى وللموضوع
ولو فيه سؤال عن اسنانى خلاص عرفت العنوان

mido_a_s
17-08-2009, 03:10 AM
موضوع رائع جدا
وممكن بقه نتعلم الطريقة المظبوطة لتفريش السنان
بس بقولك ايه يا دكتور
من فوق ومن وتحت ومن برة ومن جوه وكل حاااجة
مش الصفين الامامين بس :icon31::icon31::icon31:

دكتور هانى
17-08-2009, 04:01 AM
مشكوره والله يا دكتوره هبه على عيادتك الخيريه المجانيه*** والتى تخدمين بها كل اعضاء المنتدى وبالمجان*** الهم اجعل مجهودك العظيم هذا فى ميزان حسناتك*** وتتبدل ثمن الفيزيتا بتاعتك حسنات

د.هبة
17-08-2009, 10:12 AM
بالتوفيق يا اجمل دكتورة ان شاء الله .. ياريت كل دكاترة الاسنان يبقوا بالرقة والحنان ده !!!

موضوع مميز ياهبة :icon30:... تقبلى تقييمى لشخصك وللموضوع .
ربنا يخليكى يامهرة
وتسلمى يا جميل على التقييم

د.هبة
17-08-2009, 10:15 AM
مفيده جدا ماشاء الله
وباذن الله ربنا يجزيكى عليها خير يا دكتوره

والاستشاره بفلوس ولا ببلاش؟ :heyhey:
شكرا يا بندقة على تشريفك العيادة
وطبعا يا جميل الأستشارة ببلاش
بس إنتى تأمرى

mis.Noha
17-08-2009, 11:28 AM
متخفيش يا جميل
هتعيشى إن شاء الله
الحشو بتاع السنة دى لازم يتغير
ولو فى السنة العلوية المقابلة ليها كمان حشو يبقى لازم يتغير هو كمان
لإن اللى بيحصل دا أسمه (GLVANISM) حاجة زى كهربة ما بين معدنين
علشان كدة الحشو لازم يتعاد

أيوه صح السنة اللي تحتها فيها حشو هي كمان ...........:detective2:
عشان كده كانت بتوجعني
بس لما اشوفه الدكتور الي عملهالي ده ...:sad_1:

شكراااااااااا يا دكتورة
ربنا يكرمك ....
:)

د.هبة
17-08-2009, 09:17 PM
موضوع رائع جدا
وممكن بقه نتعلم الطريقة المظبوطة لتفريش السنان
بس بقولك ايه يا دكتور
من فوق ومن وتحت ومن برة ومن جوه وكل حاااجة
مش الصفين الامامين بس :icon31::icon31::icon31:
تمام كدة يا محمد
شكرا على مرورك الجميل

د.هبة
17-08-2009, 09:19 PM
مشكوره والله يا دكتوره هبه على عيادتك الخيريه المجانيه*** والتى تخدمين بها كل اعضاء المنتدى وبالمجان*** الهم اجعل مجهودك العظيم هذا فى ميزان حسناتك*** وتتبدل ثمن الفيزيتا بتاعتك حسنات
شكرا يا دكتور هانى
دى أقل حاجةأقدمها لمنتدانا الجميل

د.هبة
17-08-2009, 09:21 PM
مشكوره والله يا دكتوره هبه على عيادتك الخيريه المجانيه*** والتى تخدمين بها كل اعضاء المنتدى وبالمجان*** الهم اجعل مجهودك العظيم هذا فى ميزان حسناتك*** وتتبدل ثمن الفيزيتا بتاعتك حسنات

أيوه صح السنة اللي تحتها فيها حشو هي كمان ...........:detective2:
عشان كده كانت بتوجعني
بس لما اشوفه الدكتور الي عملهالي ده ...:sad_1:

شكراااااااااا يا دكتورة
ربنا يكرمك ....
:)
العفو يا جميل
بس بشويش على الدكتور
جلا من لا يسهو

mis.Noha
17-08-2009, 10:37 PM
العفو يا جميل
بس بشويش على الدكتور
جلا من لا يسهو
لا انتي صدقتي يا دكتورة .........
انا جبانة ومش حعرف اعمله حاجة ..:icon1366::icon1366:

شكرااااااااااا مرة تانية :blush-anim-cl:

د.هبة
18-08-2009, 06:16 AM
*تابع التركيبات*
__________
-السن...........فى حالة التركيبات الثابتة ..لابد أن يكون السن فوق 18 سنة,لإن قبل هذا السن يكون العصب قريبا جدا من السطح ولا يمكن عمل اى برد فى الأسنان.
فى حالة التركيبات المتحركة........ليس لها سن معين.


* غرس الأسنان*
____________
هو عبارة عن زرع مسمار من التيتانيوم داخل عظام الفك ,يبنى عليه شكل بالحشو البلاتينى و الأبيض ثم تركب عليه تركيبة ثابتة .
وهناك عوامل لا بد ان تطبق قبل عمل الزرع وهى:

-الأختيار الملائم للحالة:بمعنى,عدم وجود أمراض مزمنة ,السن المناسب ,حالة عظام الفك


-ولكن مشكلة الزرع ان فى بعض الأحيان الجسم لا يقبل الزراعة فيقوم بطرد الزرعة من مكانها .
دا غير تكاليف الزراعة الباهظة.
والسلام عليكم ورحمة الله وبركاته

mido_a_s
18-08-2009, 03:58 PM
حلوة قوووى حلقة التركيبات يا دكتورة هبة
تسلمى يا رب

د.هبة
18-08-2009, 06:03 PM
حلوة قوووى حلقة التركيبات يا دكتورة هبة
تسلمى يا رب
شرفتنى يا محمد
شكرا

د.هبة
08-10-2009, 05:25 AM
أخوانى وأخواتى الأعزاء


أعتذر عن فترة غيابى عن العيادة


ولكنى قد عدت وعلى أستعداد لإستقبال جميع الأستفسارات والأسئلة إن شاء الله



دمتم بخير وصحة إن شاء الله

dreamer_hanan
08-10-2009, 05:54 AM
ما شاء الله إستشارة مجانيه كماان:msn-wink:
جزاء الله كل خير على و قتك و مجهودك

د.هبة
08-10-2009, 06:11 AM
ما شاء الله إستشارة مجانيه كماان:msn-wink:
جزاء الله كل خير على و قتك و مجهودك
جزانا وأياكم يا أختى حنان
وفى إنتظار أسألتك فى اى وقت

:fish::fish::fish::fish:

ٍSumt Al-Joroh
08-10-2009, 01:42 PM
بـــارك الله فيكِ عزيزتي.. :icon31:
جزيتِ كل خير.. :)

د.هبة
08-10-2009, 01:51 PM
بـــارك الله فيكِ عزيزتي.. :icon31:
جزيتِ كل خير.. :)
جزانا وأياكم أختى صمت
ومنتظرة أسألتك فى اى وقت

mido_a_s
08-10-2009, 02:31 PM
المفروض ان احمد اخويا يا دكتورة حشا عصب قبل كده
المهم من كام يوم حشو الضرس وقع
الدكتور اللى شافه قاله
ان الدكتور الاولانى ما سدش القنوات
انا مش عارف قنوات ايه
وقاله كمان انها لازم تتسد
بس فى تقريبا خمس جلسااات بمعدل جلسة اسبوعيا
ايه بقه رايك فى الحدوتة دى
حلوة ولا ........


نسيت اقولك حمد لله على السلامة

Talya
08-10-2009, 02:33 PM
مساء الخير عزيزتي
في وقتها تماما خاصة وأن لدي مايقلقني في هذا الشأن

بداية قبل 11 عاما، فوجئت بوجود سن في الفك الايمن العلوي وكان السن يتضح حين ابتسم ابتسامة عريضة كبيرة جدا، لقد كان شكله كالناب تماما.. قررت الذهاب لطبيبة اسنان كي اجد حلا فنصحتني باقتلاعه كيلا يؤثر على مسار الاسنان ونموها الطبيعي وشرحت لي ان تركه قد يسبب مشكلة ما فأخذت بنصيحتها.. على اني لاحظت بعدها ميلا خفيفا في بعض الاسنان في ذات الجهة للداخل.. صحيح انني حين ابتسم لا يلاحظ ذلك الكثير لكن من يكون قريبا مني يُدرك ان هناك بعض الاسنان في الجهة اليمنى تميل للداخل..

فكرت بعمل تقويم لأسناني عموما وذهبت العام الماضي لطبيبة اسنان فكانت المفاجأة

1- كان علي ألا اقتلع ذاك السن لأنه كان دائما اما الموجود فهو لبني وأكدت لي ان عندي اربعة اسنان لبنية حتى هذا الوقت لكنها قوية حقا ونصحتني بخلعها مع ملاحظة ان عمري 28 عاما
2- علي حقا اللجوء للتقويم ولن يستمر لسنوات طويلة

لست اعرف اين الخطأ والصواب الآن.. هل كان وجود السن هو ما سبب لي المشكلة؟
هل اقتلاعه كان خاطئا؟
هل علي خلع الاسنان اللبنية كما تقول؟
هل علي حقا اتخاذ خيار التقويم؟

انا حقا محتارة دكتورة ماذا افعل؟

د.هبة
08-10-2009, 02:44 PM
المفروض ان احمد اخويا يا دكتورة حشا عصب قبل كده
المهم من كام يوم حشو الضرس وقع
الدكتور اللى شافه قاله
ان الدكتور الاولانى ما سدش القنوات
انا مش عارف قنوات ايه
وقاله كمان انها لازم تتسد
بس فى تقريبا خمس جلسااات بمعدل جلسة اسبوعيا
ايه بقه رايك فى الحدوتة دى
حلوة ولا ........


نسيت اقولك حمد لله على السلامة
اولا
الله يسلمك يا محمد

ثانيا
بص يا سيدى
المفروض ان أخوك يكون عمل أشعة بعد حشو العصب اللى هو عمله
ولو معملش يبقى لازم يعمل
وبعدين معنى الكلام اللى الدكتور بيقوله ان الدكتور التانى معملش حشو عصب من أساسه

بس هو فى سؤال
هو بعد حشو العصب الأولنى
كان أخوك بيجيله وجع فى الضرس دا ولا لأ

بس اهم حاجة انه يعمل اشعة علشان نشوف فى حشو عصب اساسا ولا لأ

بس دى تبقى قبل ما الدكتور التانى يبتدى شغل
ماشى
وابقى بلغنى

د.هبة
08-10-2009, 02:51 PM
مساء الخير عزيزتي
في وقتها تماما خاصة وأن لدي مايقلقني في هذا الشأن

بداية قبل 11 عاما، فوجئت بوجود سن في الفك الايمن العلوي وكان السن يتضح حين ابتسم ابتسامة عريضة كبيرة جدا، لقد كان شكله كالناب تماما.. قررت الذهاب لطبيبة اسنان كي اجد حلا فنصحتني باقتلاعه كيلا يؤثر على مسار الاسنان ونموها الطبيعي وشرحت لي ان تركه قد يسبب مشكلة ما فأخذت بنصيحتها.. على اني لاحظت بعدها ميلا خفيفا في بعض الاسنان في ذات الجهة للداخل.. صحيح انني حين ابتسم لا يلاحظ ذلك الكثير لكن من يكون قريبا مني يُدرك ان هناك بعض الاسنان في الجهة اليمنى تميل للداخل..

فكرت بعمل تقويم لأسناني عموما وذهبت العام الماضي لطبيبة اسنان فكانت المفاجأة

1- كان علي ألا اقتلع ذاك السن لأنه كان دائما اما الموجود فهو لبني وأكدت لي ان عندي اربعة اسنان لبنية حتى هذا الوقت لكنها قوية حقا ونصحتني بخلعها مع ملاحظة ان عمري 28 عاما
2- علي حقا اللجوء للتقويم ولن يستمر لسنوات طويلة

لست اعرف اين الخطأ والصواب الآن.. هل كان وجود السن هو ما سبب لي المشكلة؟
هل اقتلاعه كان خاطئا؟
هل علي خلع الاسنان اللبنية كما تقول؟
هل علي حقا اتخاذ خيار التقويم؟

انا حقا محتارة دكتورة ماذا افعل؟
بصى يا تاليا
هو اللى الدكتورة عملتهولك وانها شالت السن دا كان غلط كبير فعلا
لإن السن اللى شالته دا فى الغالب كان الناب الدايم
والناب الدايم بيعتبر الحاجة الوحيدة اللى بتشكل أركان الفم
علشان كدة سنانك بدأت تميل لجوه
بس دلوقتى الفكرة فى الضروس اللبنيه الباقية
هل عملتى أشعة على الفم (panorama)
حتى تتأكدى من وجود أسنان دائمة تحتهم ام لا
لو فى أسنان دايمة
يبقى هتخلعى الأسنان اللبنية
وتعمل تقويم
بس لو مفيش
يبقى تقوليلى انهى أسنان لبنية هى اللى فاضلة عندك
(يعنى عديهم من عند اول سنة وقوليلى رقمهم كام)
وانا أقولك أخليعهم ولا سيبيهم
يا رب أكون قدرت أوصلك المعلومة

أمير الأشجان
08-10-2009, 03:26 PM
http://www.quran.maktoob.com/vb/up/595840488888534446.gif

شكرا على الموضوع القيم يا دكتورة
تقبلي مروري وشكري

Talya
08-10-2009, 04:09 PM
واحر قلبي حقا د. هبة
اذا كان الامر خاطئا فلماذا نصحتني باقتلاعه؟

على اية حال.. ما قالت هي انهم لبنيين فهم اربعة
اثنان في الفك العلوي، لا اعرف الاسماء بالتحديد لكن الضواحك محصورة بينهما
ونابين في الفك السفلي.. اعتقد انهما النابان فهما ليسا بجوار الضواحك بل بعدهما بسن

آمل ان تكوني قد فهمتني وبانتظار نصيحتك عزيزتي

أميرة حبيبة
08-10-2009, 04:23 PM
مش عارفة اقولك ايه بصراحة
بجد انقذتينى
انت ان شاء الله من اللى الحديث ده بينطبق عليهم " الله فى عون العبد ما دام العبد فى عون اخيه"
يا ريت كان فى حاجة اكتر من التقييم المتواضع كنت عملتها بس ربنا يجعله فى ميزان حسناتك ان شاء الله
لى عودة بالمشكلة

HEN_SHO_CAN
08-10-2009, 10:35 PM
موضوع رائع يا دكتورة
وفكرة جميلة
جزاكى الله كل خير

nor
09-10-2009, 12:34 AM
موضوع رائع يا هبة
جزاك الله خيراً

mido_a_s
09-10-2009, 01:46 AM
اولا
الله يسلمك يا محمد

ثانيا
بص يا سيدى
المفروض ان أخوك يكون عمل أشعة بعد حشو العصب اللى هو عمله
ولو معملش يبقى لازم يعمل
وبعدين معنى الكلام اللى الدكتور بيقوله ان الدكتور التانى معملش حشو عصب من أساسه

بس هو فى سؤال
هو بعد حشو العصب الأولنى
كان أخوك بيجيله وجع فى الضرس دا ولا لأ

بس اهم حاجة انه يعمل اشعة علشان نشوف فى حشو عصب اساسا ولا لأ

بس دى تبقى قبل ما الدكتور التانى يبتدى شغل
ماشى
وابقى بلغنى
هو فعلا عمل اشاعة يا دكتورة عليها اليومين دول
والدكتور اللى شافها قال
انه الدكتور الاولانى
ما حشاش العصب اصلا
كل اللى عمله انه موت العصب بالابرة الرفيعة
فالالم رااااح ساعتها ولغاية دلوقتى لغاية ما الحشو العادى وقع واحمد راح للدكتور عشان يعالجه
وبالنسبة لسؤالك
فاحمد بيقول انه ما كانش فى اى الم بعد الحشو الاولانى

د.هبة
09-10-2009, 12:05 PM
http://www.quran.maktoob.com/vb/up/595840488888534446.gif

شكرا على الموضوع القيم يا دكتورة
تقبلي مروري وشكري



جزانا وأياكم يا خالد ان شاء الله
شرفتنى بمرورك

د.هبة
09-10-2009, 12:10 PM
واحر قلبي حقا د. هبة
اذا كان الامر خاطئا فلماذا نصحتني باقتلاعه؟

على اية حال.. ما قالت هي انهم لبنيين فهم اربعة
اثنان في الفك العلوي، لا اعرف الاسماء بالتحديد لكن الضواحك محصورة بينهما
ونابين في الفك السفلي.. اعتقد انهما النابان فهما ليسا بجوار الضواحك بل بعدهما بسن

آمل ان تكوني قد فهمتني وبانتظار نصيحتك عزيزتي
معلش يا تاليا
لكل شيخ طريقة
لكن
الأسنان اللى انتى بتقولى عليها
مينفعش تتخلع من غير وجود الدائمين تحتهم
لذلك أنصحك بعمل الأشعة اللى انا قولتلك عليها
والذهاب بها الى الطبيب
وابقى قوليليى اول ما تعملى الأشعة علشان هسألك على شوية حاجات
يا رب أكون قدرت أفيك

د.هبة
09-10-2009, 12:11 PM
موضوع رائع يا دكتورة

وفكرة جميلة

جزاكى الله كل خير

شكرا على مرورك العطر

د.هبة
09-10-2009, 12:12 PM
موضوع رائع يا هبة
جزاك الله خيراً

جزانا وأياكم أختى نور
شرفتينى

د.هبة
09-10-2009, 12:13 PM
مش عارفة اقولك ايه بصراحة
بجد انقذتينى
انت ان شاء الله من اللى الحديث ده بينطبق عليهم " الله فى عون العبد ما دام العبد فى عون اخيه"
يا ريت كان فى حاجة اكتر من التقييم المتواضع كنت عملتها بس ربنا يجعله فى ميزان حسناتك ان شاء الله
لى عودة بالمشكلة
جزاكى الله خيرا يا أختى أميرة على مرورك
وعلى تقييمك الغالى
وانا فى أنتظار أسئلتك فى اى وقت

د.هبة
09-10-2009, 12:28 PM
هو فعلا عمل اشاعة يا دكتورة عليها اليومين دول
والدكتور اللى شافها قال
انه الدكتور الاولانى
ما حشاش العصب اصلا
كل اللى عمله انه موت العصب بالابرة الرفيعة
فالالم رااااح ساعتها ولغاية دلوقتى لغاية ما الحشو العادى وقع واحمد راح للدكتور عشان يعالجه
وبالنسبة لسؤالك
فاحمد بيقول انه ما كانش فى اى الم بعد الحشو الاولانى
طيب كويس يا محمد
بص
لو تقدروا تعرضوا الأشعة على حد تانى
من باب الأطمئنان بسالا اذا كنتوا واثقين جدا فى الدكتور الجديد
وبعد كدة لو فعلا الضرس مفيهوش حشو عصب
يبقى هيعمل زى ما الدكتور قال
انا بس اللى قالقنى
انه مكنش بيوجع أحمد قبل كدة
لإن لو مفيهوش حشو
أكيد كان هيوجعه
ولو حتى من حين لأخر
وابقى بلغنى برضه

Talya
09-10-2009, 01:48 PM
مساء الخير دكتورة
شكرا جزيلا لك على جميل مساعدتك
موعدي الشهر المقبل ولنأمل ألا يحدث ما يؤجل الأمر وسأكون على تواصل معك في عيادتك لأخبرك بما استجد معي

شكرا جزيلا

أميرة حبيبة
09-10-2009, 02:22 PM
بالنسبة لى
مشكلتى تشبه مشكلة تاليا
فانا عملت البانوراما و اتضح ان مفيش اسنان تحت الاسنان اللبنية
المشكلة بقى ان الاسنان دى بدات تتكسر
قالو لى الحل انهم يتشالو
و يا اما التركيب يا اما الزرع
ايه رايك

د.هبة
09-10-2009, 06:47 PM
مساء الخير دكتورة
شكرا جزيلا لك على جميل مساعدتك
موعدي الشهر المقبل ولنأمل ألا يحدث ما يؤجل الأمر وسأكون على تواصل معك في عيادتك لأخبرك بما استجد معي

شكرا جزيلا

العفو يا تاليا
ولو عايزة اى حاجة ابقى قوليلى

د.هبة
09-10-2009, 06:50 PM
بالنسبة لى
مشكلتى تشبه مشكلة تاليا
فانا عملت البانوراما و اتضح ان مفيش اسنان تحت الاسنان اللبنية
المشكلة بقى ان الاسنان دى بدات تتكسر
قالو لى الحل انهم يتشالو
و يا اما التركيب يا اما الزرع
ايه رايك

شوفى يا أميرة
لو فعلا بدءوا يعملو مشاكل او يتكسروا
يبقى مضطرة تشيليهم
بالنسبة للتركيب او الزرع
دى حسب رغبتك الشخصية
وقدرتك على الدفع
لإن الزرع بيتكلف جامد جدا
والتركيب
يبقى هتحتاجى تبردى اسنان تانية معاهم
( الأسنان اللبنية دى متفرقة ولا جنب بعض؟؟)

أميرة حبيبة
10-10-2009, 01:35 PM
فى متفرق
و فى جنب بعض
و الغى موضوع الزرع ده نهائى

mido_a_s
10-10-2009, 08:03 PM
هو لو اتكلمنا عن الزرع يا دكتورة
يبقى بنتكلم فى مبلغ قد ايه تقريبا
وهل السن يختلف عن الدرس؟؟؟

د.هبة
11-10-2009, 05:16 AM
فى متفرق
و فى جنب بعض
و الغى موضوع الزرع ده نهائى
طيب بصى يا أميرة
يبقى انتى كدة بتتكلمى فى التركيب
بس خلى الخلع خطوتك الأخيرة
بالذات لو عددهم كبير

د.هبة
11-10-2009, 05:18 AM
هو لو اتكلمنا عن الزرع يا دكتورة
يبقى بنتكلم فى مبلغ قد ايه تقريبا
وهل السن يختلف عن الدرس؟؟؟
شوف يا محمد أقل حاجة 4000
دا بالنسبة للضرس والسن ممكن يعملوا
2500 او300
اصلا مبتفرقش كتير لإن تمن المسمار التيتانيوم اللى بيتزرع جوه العضم هو اللى كبير
وبعدين العدة اللى بيشتغل بيها كمان بتكلف اوى

أميرة حبيبة
11-10-2009, 01:53 PM
طيب بصى يا أميرة
يبقى انتى كدة بتتكلمى فى التركيب
بس خلى الخلع خطوتك الأخيرة
بالذات لو عددهم كبير

طيب و ايه هى الخطوات اللى قبل الخلع

د.هبة
12-10-2009, 03:27 PM
انا قصدى
انه لما يكونوا واجعينك اوى او بدءوا يتكسروا جامد
يعنى متخليعهمش من غير سبب قهرى

أميرة حبيبة
12-10-2009, 03:37 PM
انا عارفة انى باتقل عليكى
بس يا ريت تستحملينى للاخر
انواع و تكاليف التركيبات و افضل نوع

mido_a_s
13-10-2009, 11:27 AM
ازيك يا دكتورة
انا والدتى خلعت ضرس من يومين كده
بس للأسف فى ورم فى الخد
وازرق مكان الخلع
لكن الالم اخف طبعا من ايام مكان الضرس موجود
فياريت اقتراح حل للمشكلة دى عشان ماتكبرش وتوضيح اية سببها
مع الشكر

أميرة حبيبة
16-10-2009, 12:46 PM
ايه يا دكتور
العيادة شطبت و للا ايه

د.هبة
16-10-2009, 03:01 PM
انا عارفة انى باتقل عليكى
بس يا ريت تستحملينى للاخر
انواع و تكاليف التركيبات و افضل نوع
معلش يا أميرةبس
النت فاصل عندى بقالو كام يوم
على العموم
التركيبات نوعين
ثابتة ومتحركة
الثابتة بتتغمل فى حالة الأسنان المفقودة المتجاورة
ولا يكون عددهم يفوق الثلاث اسنان
ومنها معدن وبورسلين
اما المتحركة فبتتعمل على اى عدد ومش شرط التجاور
وهى بلاستيك

د.هبة
16-10-2009, 03:08 PM
ازيك يا دكتورة

انا والدتى خلعت ضرس من يومين كده
بس للأسف فى ورم فى الخد
وازرق مكان الخلع
لكن الالم اخف طبعا من ايام مكان الضرس موجود
فياريت اقتراح حل للمشكلة دى عشان ماتكبرش وتوضيح اية سببها
مع الشكر

بص يا محمد
مش مهم ايه سبب لامشكلة دلوقتى
المهم الللى تعمله
1- تعمل كمادات ماء دافىء على منطقة الورم (لمدة 10 دقايق كل نص ساعة)
2-تاخد alphintern 3 مرات يوميا قبل الأكل بساعة على الأكثر
3-تاخد clindam 300 tabكل 12 ساعة
4-مضمضه بماء دافىء وملح (ملغقة ملح على كوب ماء دافىء)
5-تجيب زيت قرنفل من عند العطار او dentocalm
وتحطه على قطنة وتحطه على مكان الجرح 3 او 4 مرات يوميا

وانا اسفة جدا على التأخير
وابقى طمنى

أميرة حبيبة
16-10-2009, 03:20 PM
جزاكى الله خيرا يا احلى دكتورة
اعتقد ان المتحركة مش حتنفع

mido_a_s
16-10-2009, 03:53 PM
كنت عاوز اسأل يا دكتورة
عن الطرابيش اللى بتتعمل بعد حشو العصب
انواعها
واتمانها
وافضل طربوش ممكن يتركب فى الضرس العلوى من اليمين وترتيبه التانى بعد ضرس العقل على طوووول؟؟؟؟؟
مع جزيل الشكر

د.هبة
31-10-2009, 03:03 AM
معلش يا محمد على التأخير
بص يا سيدى
التركيبات اللى بتتعمل بعد حشو العصب
3 انواع

1-تركيبة معدن
2-تركيبة معدن وعليها بورسلين
3-تركيبة معدن وفوقها بلاستيك

طبعا أغلاهم رقم 2
وممكن توصل ل1000 جنيه

وأردئهم رقم 3 ودى ممكن تكون ب100 جنيه السنة
وبالنسبة للتركيبة المعدن بس هى مشكلتها الوحيدة الشكل الجمالى ودى أرخصهم

ولو فى اى استفسار انا هستنى

ٍSumt Al-Joroh
05-12-2009, 10:52 PM
ذهبت اليوم لخلع ضرسي الساعة 6:30 بتوقيت السعودية "5:30 بتوقيت مصر" ومنذ تلك اللحظة إلى الآن والدم لم يتوقف ولا أعرف ما الحل فهذه هي المرة الأول التي أزور فيها طبيب الأسنـــان..
أتمنى أفــادتي..
ولكِ جزيل الشكر..

د.هبة
06-12-2009, 04:03 AM
ذهبت اليوم لخلع ضرسي الساعة 6:30 بتوقيت السعودية "5:30 بتوقيت مصر" ومنذ تلك اللحظة إلى الآن والدم لم يتوقف ولا أعرف ما الحل فهذه هي المرة الأول التي أزور فيها طبيب الأسنـــان..
أتمنى أفــادتي..
ولكِ جزيل الشكر..

أعتذر جدا جدا جدا عن التأخير بس النت عندى زى الزفت حتى الآن
المهم، بالنسبة للجرح كل اللى تقدرى تعمليه وضرورى جدا تعمليه لمنع حدوث تدهور فى الجرح هو الآتى:
أولا: تفريغ محتوى أمبول حقنة وقف نزيفHaemostop أو أى نوع آخر على قطنة والعض عليها لمدة نصف ساعة
ثانيا: تناول نوع من المضادات الحيوية لمنع تلوث الجرح
ثالثا: وضع كمادات ماء بارد على الوجه من الخارج لتقليل النزيف
رابعا: إستخدام مضمضة مطهرة ثلاث أو أربع مرات يوميا مثلmouth wash betadine
وأى تطورات جديدة أنا معاكى وتحت أمرك

ٍSumt Al-Joroh
06-12-2009, 04:19 AM
بدأت أتعب لأن النزيف لم يتوقف إلا الآن.. :sad1:
بالنسبة لنقطة واحد واثنين صعبة حاليـــاً لأن مافي احد ح يجيبها لي من الصيدلية وأنا ما أقدر انزل.. :(
في حاجة ممكن أعملها غير النقطتين 3 و4..

ٍSumt Al-Joroh
06-12-2009, 08:30 AM
الا يوجد حل آخر سريع غير أنبوبة حقنة وقف النزيف لإيقاف الدم؟؟ :sad_1:
طعم الدم يضايقني.. :tears:

ٍSumt Al-Joroh
06-12-2009, 04:09 PM
لا أعلم الدم توقف قليلاً ثم عاد من جديد لكن بقلة..
حاولت تبريد فمي بالآيس كريم لعلى وعسى يتخثر الدم.. :icon1366:
كمــا أن فمي انتفخ قليلا،، لا أعلم هل هذا طبيعب بسبب إبرة البنج أم مـــاذا؟؟ لأن لساني يؤلمني عندما اتناول الآيس كريم..

وإن شاء الله يــأتي عندما يعود زوجي ســأذهب للطبيب..
أتمنى أن لا يتــأخر.. :sadwalk:

د.هبة
06-12-2009, 04:31 PM
طيب بصى يا صمت
لووشك ورم أعملى كمادات ماء دافىء على الجنب الوارم
وبعدين هو كان الضرس فوق ولا تحت
وخدى بالك ساعات الدم ما بيوقفش لو انتى قعدتى تتفيه جامد
لإنك كل ما بتفيه بتنزلى الجلطة اللى اتكونت على الجرح وبتخليه ينزف من اول وجديد
ولو بتحطى قطنة لازم تكون مبلولة علشان برضه متاخدش الجلطة وانتى بتشيلها

ٍSumt Al-Joroh
06-12-2009, 04:41 PM
الضرس تحت..

ٍSumt Al-Joroh
06-12-2009, 04:43 PM
عندي شاش أبلله واحطه مكان الدم؟؟

د.هبة
06-12-2009, 04:44 PM
مفيش مشكله يا صمت
إن شاء الله بسيطة
انتى بس أعملى الى انا قولتهولك والأمور لما تحطى الحقنة وتستعملى المضاد هتتظبط خالص
الف سلامة عليكى يا جميل

د.هبة
06-12-2009, 04:45 PM
ماشى مفيش مشاكل
بس بليه كويس
وحطى حته كبيرة

وأعمليها مربعة
وعضى عليها كويس

ٍSumt Al-Joroh
06-12-2009, 05:20 PM
الحمد لله أعتقد انه توقف.. :clap:
لكن كأن هناك بقايا للضرس "لست متــأكدة :shutup:"..

أشكركِ دكتورة هبة على المساعدة..
جزيتِ كل خير..

د.هبة
06-12-2009, 05:34 PM
طب ايه اللى خالاكى تحسى الأحساس دا
اوعى تكونى بتحطى صباعك او لسانك فى الجرح

د.هبة
06-12-2009, 05:37 PM
لإن دا بيبقى فى الغالب عضم الفك وهو بيلم

ٍSumt Al-Joroh
06-12-2009, 05:38 PM
لا أنا أخاف أصلاً.. :in_love:

لكن لمــا أفتح فمي مكان السن المخلوع كأني أشوف في جزء أبيض..
على العموم زوجي في الطريق أول مــا يوصل ح روح للدكتورة..

د.هبة
06-12-2009, 05:46 PM
لا دا عادى
دا مكان لم الجرح متقلقيش
بس انتى هاتى المضاد وأتمضمضى بماء دافىء وملح
(معلقة ملح صغيرة على كوب ماء دافىء)3 او 4مرات يوميا
وهتبقى مش محتاجة تروحىلحد
انتى تروحبس لو الجرح بدأيعمل ريحة مش كويسة
وتبقى مش قادرة تفتحى بقك
او وشك ورم
بس انتى هاتى
المضاد يكون مكون من clavulanic acid+ amoxyciline
ومطهر فموى
ميترونيدازول (دا برضه المادة الفعالة)
وان شاء الله هتبقى كويسة
شكرا على التقييم
يا رب اكون قدرت أفيدك

أريج الورد
06-12-2009, 09:03 PM
احم جيت متأخر جدا غاليتي صمت .. اعتذر
بس طبعا لم اكن لافيدك كما افادتك اختي الدكتورة هبة
فهي أكثر خبرة بكثيييير مني فانا مازلت في مرحلة الدراسة :blush-anim-cl:
جزاك الله كل خير

ٍSumt Al-Joroh
06-12-2009, 10:31 PM
شكراً أختي أريج،،
فعلاً الدكتورة هبة ما قصرت، الله يجزيها كل خير..

__________

رحت عند الدكتورة،،
وطلع في جزء من السن كان موجود شالته ونظفت لي الجرح واعطتني مضاد.. :icon28:
وقالت لي ان جسمي محتاج فيتامينات وتغذية عشان كذا تعبت.. :strongsad:
وقالت لي كمان لما اكون احسن هتخلع لي الضرس الثاني.. :tears:

د.هبة
07-12-2009, 03:28 AM
احم جيت متأخر جدا غاليتي صمت .. اعتذر
بس طبعا لم اكن لافيدك كما افادتك اختي الدكتورة هبة
فهي أكثر خبرة بكثيييير مني فانا مازلت في مرحلة الدراسة :blush-anim-cl:
جزاك الله كل خير


:blushing::blushing::blushing::blushing::blushing::blushing:
:blush-anim-cl::blush-anim-cl::blush-anim-cl::blush-anim-cl::blush-anim-cl:

د.هبة
07-12-2009, 03:30 AM
شكراً أختي أريج،،
فعلاً الدكتورة هبة ما قصرت، الله يجزيها كل خير..

__________

رحت عند الدكتورة،،
وطلع في جزء من السن كان موجود شالته ونظفت لي الجرح واعطتني مضاد.. :icon28:
وقالت لي ان جسمي محتاج فيتامينات وتغذية عشان كذا تعبت.. :strongsad:
وقالت لي كمان لما اكون احسن هتخلع لي الضرس الثاني.. :tears:

طب الحمد لله انها جت على قد كدة
بس يعنى هى مكنتش عارفة إذا كانت كسرت الضرس وهى بتخلع ولا لأ؟؟:angry::angry:

وقوليلى ليه هتخلعى الضرس التانى
يعنى هو مينفعش فى حشو عصب ولا حاجة خالص؟؟!!

أريج الورد
07-12-2009, 09:09 AM
كنت لسه هسأل سؤال الدكتورة هبة
هيا إيه حكاية الضروس اللي عماله تشيلها ؟ :confused:
ضروس عقل ولا مكسورة ولا إيه بالضبط
اصل غريبة جدا موضوع خلع الضروس ده لان في حاجات كتير ممكن تتعمل عشان تتفادى انها تخلعلك الضرس

ٍSumt Al-Joroh
07-12-2009, 11:47 AM
أصل الضرسين اللي هتخلعهم واحد كان يوجعني من سنتين والثاني من أكثر من أربع سنين،، :nosweat:
وبمــا أني ما أحب دكاترة الأسنـــان "من كثر ما أسمع عنهم" فضلت أصبر على الألم،، :blushing:
لكن زوجي قــال لي اروح عند الدكتور لأني ح رتاح كثير لما أعالجهم..
طبعــاً الضرسين كانوا مكسورين،،
عملت لي أشعة وقالت لي أنها هتخلعهم لأنهم خلاص تالفين..
وحصل اللي حصل..
أعتقد أنها ما شافت بقية السن لأنها لما خلعت لي السن قالت لي شوفي سنك بس الدم عندك ينزل بشكل كبير..

مش عارفة من الفجر بدأت أحس بطعم الدم مرة ثانيــة.. :(

سؤال: أموكلان 1 غرام "Amoclan 1g" إيه فايدته؟؟ :confused:

د.هبة
07-12-2009, 04:54 PM
أصل الضرسين اللي هتخلعهم واحد كان يوجعني من سنتين والثاني من أكثر من أربع سنين،، :nosweat:
وبمــا أني ما أحب دكاترة الأسنـــان "من كثر ما أسمع عنهم" فضلت أصبر على الألم،، :blushing:
لكن زوجي قــال لي اروح عند الدكتور لأني ح رتاح كثير لما أعالجهم..
طبعــاً الضرسين كانوا مكسورين،،
عملت لي أشعة وقالت لي أنها هتخلعهم لأنهم خلاص تالفين..
وحصل اللي حصل..
أعتقد أنها ما شافت بقية السن لأنها لما خلعت لي السن قالت لي شوفي سنك بس الدم عندك ينزل بشكل كبير..

مش عارفة من الفجر بدأت أحس بطعم الدم مرة ثانيــة.. :(

سؤال: أموكلان 1 غرام "Amoclan 1g" إيه فايدته؟؟ :confused:

على العموم هى اللى شافت الأشعة وهى أدرى؟؟!!:flex::flex:
بس هى لازم تكون شافت بقية السن لإنها ماسكة السن فى ايديها وأكيد شافته مكسور

بالنسبة لأموكلان يا ريت بس تقوليلى تركيبه ايه لإن الأسماء بتختلف هنا عن السعودية

ٍSumt Al-Joroh
07-12-2009, 05:08 PM
:Each Tablet Contains
Amoxycillin (as trihydrate) USP ---> 875 mg
Clavulanic acid (as potassium) USP ---> 125 mg

د.هبة
07-12-2009, 05:15 PM
ماشى
هو دا المضاد الحيوى اللى انا قلتلك عليه
تمام كملى عليه

ٍSumt Al-Joroh
07-12-2009, 05:19 PM
شكـــــــــراً لكِ.. :blush-anim-cl:

د.هبة
07-12-2009, 05:23 PM
انتى تأمرى يا جميل

:clap::clap::clap::clap::clap::bye1::bye1::bye1::bye1::bye1:

أريج الورد
07-12-2009, 09:31 PM
ربنا يشفيكي غاليتي صمت
قلبي معاكِ

د. هبة معلش سؤال
الظاهر باب النجار ابتدى يتخلع :icon1366:
من يومين تقريبين ابتديت احس بألم وقت الأكل وطقطقة في ال TMJ
يعني اول خمس دقائق كده وبعد كده يخف ..
وهل ده ممكن يكون ليه علاقة بال bruxism ؟

د.هبة
07-12-2009, 10:25 PM
ممكن طبعا يا أريج
بس هو انتى متأكدة انك بتعملى الموضوع دا وانتى نايمة
وبعدين ممكن يكون سبب وجع ال tmj حاجة تانية
زى مثلا أكل اللبان الكتير
او ضرس العقل
عامة لو بدأ يوجعك فعلا
المفروض انك متاكليش حاجات ناشفة وتخفى اللبان واللب
وتتابعى
لو فى أستفسار انا تحت أمرك

أريج الورد
07-12-2009, 10:43 PM
اهو بقى المشكلة اني مش باكل لا لبان ولا لب
ولا ليا في الحاجات الناشفة
بالنسبة لموضوع ال bruxism
يعني لي فترة لما انام نومي يكون مضطرب بسبب بعض الظروف ..
ولما استيقظ صباحا بحس بشوية ضغط على أسناني
الموضوع ده من اسبوع تقريبا وموضوع المفصل من يومين تقريبا
عشان كده ربطت بينهم
هو مش وجع قد ماهو طرقعة جامدة فيه ..
اشكرك جدا يا دكتورة

د.هبة
07-12-2009, 11:11 PM
بصى يا أريج
الbruxismلو من فترة صغيرة زى ما انتى بتقولى كدة
ميلحقش يعمل مشاكل فى الفك
على العموم هبقى أقولك على شوية تمرينات خفيفة تعمليها لفكك وهتخليه أحسن ان شاء الله

أريج الورد
08-12-2009, 09:29 PM
ربنا يخليكي يا دكتورة بجد

موضوع ال bruxism اعتقد انه فعلا حاجة مؤقته

من شوية ضغط عصببي زياده كانوا في الاسبوع الماضي

لاني توقفت عن الشعور بهذا الأحساس

اشكرك بحق على سرعة استجابتك

ربنا يعزك دايما يارب

د.هبة
08-12-2009, 09:45 PM
العفو يا دكتورتنا الصغيرة
إحنا فى الخدمة:icecream::icecream::icecream::icecream::icecream:

aimnatia
09-12-2009, 12:10 AM
موضوع جميل وياريته يستمر وربنا يعطيكي الصحه يا دكتوره هبه

ٍSumt Al-Joroh
09-12-2009, 02:53 AM
اللثة مكان الضرس المخلوع صار لونهــا أبيض،،
كمــان لاحظت إني لمــا أقوم من النوم ألاقي في فمي دم،،
وفي بعض الأحيــان أحس أن في فمي طعم مزعج "مش عارفة دم ولا لأ"،،
والورم اللي كان في فمي طلع في اللثة مكان خلع الضرس..

مش عارفة هو دا طبيعي ولا لأ؟؟

ٍSumt Al-Joroh
09-12-2009, 03:54 PM
:icon1366: :icon1366: :icon1366: :icon1366: :icon1366:

ٍSumt Al-Joroh
09-12-2009, 06:22 PM
S O S

وأنــا قاعدة على النت فجــأة نزل دم من مكان السن المخلوع بشكل كبير شوية،،
دكتورة هبة قولي لي أعمل إيه؟؟
انا تمضمضت بمــاء بارد وبعمل كمادات حاليا..
:tears:

mido_a_s
09-12-2009, 06:49 PM
الف سلامة عليكى يا صمت

ٍSumt Al-Joroh
09-12-2009, 07:01 PM
الف سلامة عليكى يا صمت
الله يسلمك يا رب.. :tears:

د.هبة
09-12-2009, 08:57 PM
بصى يا صمت
هو اللى بيحصل دا مش طبيعى
مينفعش انه يبقى لسه بينزل دم لحد دلوقتى
بصى
هو لما الدكتورة شالتلك الباقى من الضرس
نضفت الجرح
ولا شالته وبس

ٍSumt Al-Joroh
09-12-2009, 09:02 PM
مش عارفة كل اللي قالت لي إياه أنها حطت لي دواء..

أنا إلا الآن الدم بينزل..

أريج الورد
09-12-2009, 09:13 PM
بصراحة اختي صمت انا لو منك اغير الدكتورة ..

د.هبة
09-12-2009, 09:20 PM
والله يا أريج كنت لسه هقولها
شكل الست دى بتعك

د.هبة
09-12-2009, 09:21 PM
هو الجرح أساسا شكله بدأيدخل فى infected soket

Eng El-Bagory
09-12-2009, 10:41 PM
ما شاء الله فكرة رائعة جدا جدا و جزاكم الله خيرا

د.هبة
10-12-2009, 04:59 PM
ما شاء الله فكرة رائعة جدا جدا و جزاكم الله خيرا


شكرا أخى
شكرا لمرورك الجميل

ٍSumt Al-Joroh
10-12-2009, 05:32 PM
أنا رحت عند دكتور ثاني وشاف الجرح ونظفــه،،
وقال لي الخلع شكله كان قوي..
وطلب مني أستمر على المضاد وأتمضمض بالماء الدافي والملح ولما أخلص المضاد أجي له،،
والجرح الحمد لله وقف نزيف الدم ووقف صديد كمان على طول بعد التنظيف ..
لكني أحس بشوية إرهاق وعدم تركيز..

ٍSumt Al-Joroh
11-12-2009, 07:55 PM
دكتورة هل إحساسي بالإرهاق وعدم التركيز طبيعي؟؟

د.هبة
22-12-2009, 02:37 PM
معلش يا صمت
دا بس من كتر النزيف والمضاد الحيوى

ٍSumt Al-Joroh
26-03-2010, 04:20 PM
دكتورة،، :(
أنا خلعت الضرس الثاني أمس الصباح "الساعة 9وربع بتوقيت السعودية - 8 وربع بتوقيت مصر-" بجراحة والدم برضو مثل الأول وخصوصاً بعدما قمت من النوم وإلا الآن،،
الدكتور أعطاني مضاد مختلف إسمه سابوفين ( 400 ملجم أيبوبروفين ف.ب) 3 مرات باليوم بعد الأكل..
بس أنا خايفة يلتهب زي الأول..
حالياً بعمل غسول كل فترة وهـ عمل ماء مع الملح..
في حاجة ثانية ممكن أعملها؟؟

ٍSumt Al-Joroh
26-03-2010, 08:44 PM
:sad_1: :sad_1: :sad_1: :sad_1: :sad_1:

ٍSumt Al-Joroh
27-03-2010, 01:51 AM
:icon1366: :icon1366: :icon1366: :icon1366: :icon1366:

igor
27-03-2010, 02:03 AM
بارك الله فيكِ يا دكتورة هبة
جزاكِ الله خيرا على فكرتك الرائعة
وفقك الله دائما اختى هبة

igor
27-03-2010, 02:04 AM
عندي سؤال انا عندي ولد عنده 4 سنوات واتكسرت سنه ليه اماميه أول ما طلعت في عمر عام وقالوا هيبدل هل المفروض اركب سنه صناعية ولا استني وهي ممكن تأثر عليه

osamam
27-03-2010, 02:16 AM
بارك الله فيك
نفعنا الله بعلمك وزادك علما
شكرا علي تلك العياده المجانيه
انا هبقي اجيب العيله ونيجي
نكشف عندك

د.هبة
27-03-2010, 11:41 AM
والله ياصمت أنا إمبارح كله كنت مش فى البيت ومدخلتش على النت

بصى يا ستى
أولا: السابوفين دا مسكن مش مضاد حيوى
ثانيا :هو أنتىدول أول ضرسين تخلعيهم,ولو كنتى مش أول مرة ,فهل برضه المرات السابقةكان فيها نزيف؟
ثالثا:لو دى مش أول مرة ,يبقى روحى أعملى تحليل سيولة وسرعة ترسيب
رابعا:اللى أنتى بتعمليه (اللى هو المضمضة كافى )ولو عايزة ممكن تاخدى مضاد حيوى معاه أو أى مضاد للألتهاب.
أ،ا أسفة على التأخير بجد:surrender::surrender::surrender::surrender:

ٍSumt Al-Joroh
27-03-2010, 12:48 PM
والله ياصمت أنا إمبارح كله كنت مش فى البيت ومدخلتش على النت

بصى يا ستى
أولا: السابوفين دا مسكن مش مضاد حيوى

ثانيا :هو أنتى دول أول ضرسين تخلعيهم,ولو كنتى مش أول مرة ,فهل برضه المرات السابقة كان فيها نزيف؟
لا مفيش،،
دول أول ضرسين أخلعهم..

ثالثا:لو دى مش أول مرة ,يبقى روحى أعملى تحليل سيولة وسرعة ترسيب
رابعا:اللى أنتى بتعمليه (اللى هو المضمضة كافى )ولو عايزة ممكن تاخدى مضاد حيوى معاه أو أى مضاد للألتهاب.
أ،ا أسفة على التأخير بجد:surrender::surrender::surrender::surrender:

أنا أفتكرته مضاد للإلتهاب لأن العلبة بتاعة السابوفين مكتوب عليها مسكن ومضاد للإلتهابات..

الدم برضو بينزل،، وبيكون كثير لما بقوم من النوم، المخدة بيكون فيها دم ولما بتضمضم برضو بيبقى في فمي دم.. :no:
ومكان السن بدأ يصير أبيض شكله بدأ يلتهب،، :tears:
ومش هـ قدر أروح للدكتور غير الساعة 6 المغرب.. :sad1:
أنا بدأت أتعقد فوق عقدتي من دكاترة الأسنان..


أشكرك دكتورة هبة..
بوركتِ..

د.هبة
27-03-2010, 12:54 PM
العفو يا حبيبى على إيه وربنا مايجبش عقد
أقول لك على فكرة: ممكن تجيبى زيت قرنفل أو أى مرهم، معجون، دهان ...أى حاجة فيها قرنفل من الصيدلية وحطيها على قكنة وعضى عليها ثلاث أو أربع مرات يوميا عشان القرنفا مسكن ومضاد للإلتهابات ويساعد على إلتئام الجرح
ثانيا: برده تجيبى امبوا وقف نزيف وتحطيه على قطنة وتعضى عليها ساعة حيقف النزيف بمشيئة الله وأنا تحت امرك فى أى وقت

ٍSumt Al-Joroh
27-03-2010, 01:03 PM
ماهي المشكلة هنـــا،،
مش بقدر أروح الصيدلية أو الدكتور لأنه مفيش حد هـ يوديني والصيدلية بعيدة وزوجي مش بيحب أروح أماكن بعيدة لوحدي..
ما في غير إني أنتظر إلا أن يرجع زوجي ويوديني..

تعبتك معايا يا دكتورة..
لم تقصري بارك الله فيكِ..

د.هبة
27-03-2010, 02:39 PM
مافيش تعب ولا حاجة
طيب لو عندك قرنفل فى البيت إغليه وإتمضمضى بيه بعد ما يدفى شوية لحد لما تجيبى العلاج
وربنا يقدم اللى فيه الخير

ٍSumt Al-Joroh
27-03-2010, 05:10 PM
أوكي..
بارك الله فيكِ..

د.هبة
28-03-2010, 01:31 AM
إيه الأخبار دلوقتى

سميرصادق الشعيرى
28-03-2010, 01:38 AM
مجهود رائع يا دكتورة هية ربنا يبارك فيكى

ٍSumt Al-Joroh
28-03-2010, 03:20 AM
وقف الدم الساعة 5 ونص تقريبـــاً،،
رحت للدكتور الساعة 6 وشوي ومن حظي الحلو كان عنده زحمة ووصل دوري الساعة 8 وشوي..
المهم شاف الجرح وقال الحمد لله كله تمام..
سألته عن الجزء الأبيض قال اللي عادي هذا لأن الجرح بيلتأم..
وسألته عن الدم قال لي هذا طبيعي لأنه هذه طبيعيتي، وقال لي لما أتمضمض أتمضمض خفيف مش بقوة وأنتبه من لمس الجرح لأنه لسى بيلتأم..
قلت له على الدم اللي بلاقيه لما أقوم من النوم،،
طمني وقال لي مش هـ ينزل خلاص وإذا نزل تعالي وكل شيء هـ يكون تمام..
رجعت البيت الساعة 10 بسبب الزحمة والطرق المقفولة..
مع أنه كان يوم حافل وطويل لكني رجعت مبسوطة خصوصاً لما تطمنت..
أشكرك دكتورة هبــــة على الإهتمام..
بارك الله فيكِ..

د.هبة
28-03-2010, 03:00 PM
ألف شكر يا شاعر النيل ده واجبى

د.هبة
28-03-2010, 03:02 PM
طيب يعنى إنتى أحسن حالا دلوقتى، طمنتينى عليكى أنا كنت قلقانة جدا
ربنا يسلمك ويعافيكى وماتقلقيش من الجرح بس برده تستخدمى القرنفل زى ما قلت لك عشان الجرح مايتلوثش ويلتئم بسرعة وبدون الم بفضل الله طبعا:happy:

ٍSumt Al-Joroh
28-03-2010, 10:41 PM
حـــاضر يا دكتورة..
:blush-anim-cl: :blush-anim-cl: :blush-anim-cl: :blush-anim-cl: :blush-anim-cl:

سعاد فرج
21-01-2014, 06:00 PM
السلام عليكم يا دكتوره
ياترى الموضوع لسه مستمر ولا خلاص لانى اشتركت مخصوص فى المنتدى عشان عيادة الاسنان
قريب اموت من ألمهن :(

بينار
15-12-2014, 07:06 AM
السلام عليكم يادكتوره انا حشيت ضرسي عصب من سبع شهور وكان ف الم محتمل بعد الحشو وراح.. بعدين من فتره شهر كان بيجي الم خفيف ويروح . الليله دي الالم اكتر .. وف حاجه كمان. تقريب الحشو واقع لان ف فراغ ف الضرس والاكل بيعلق في.. انا عندي امتحانا ت حاليا وصعب اروح اكشف .. اعمل ايه؟